Festival de Eurovisión 2018
LXIII Festival da Canción de Eurovisión / From Wikipedia, the free encyclopedia
O LXIII Festival da Canción de Eurovisión celebrouse na capital lusa, Lisboa, os días 8, 10 e 12 de maio de 2018.[1][4][5] O certame foi albergado no Altice Arena, tras a vitoria de Portugal na edición anterior.[5][6] Tanto as semifinais coma a final foron presentadas por Filomena Cautela, Sílvia Alberto, Daniela Ruah e Catarina Furtado.
Festival de Eurovisión 2018 | |
---|---|
Datas | |
Semi-final 1 | 8 de maio de 2018 |
Semi-final 2 | 10 de maio de 2018 |
Final | 12 de maio de 2018 |
Anfitrión | |
Lugar | Altice Arena, Lisboa, Portugal[1] |
Presentador(es) | Catarina Furtado Daniela Ruah Filomena Cautela Sílvia Alberto |
Supervisor executivo | Jon Ola Sand |
Produtor executivo | João Nuno Nogueira[2] |
Televisión anfitrioa | |
Acto(s) intermedio(s) | Final: "Amar pelos dois" e outra canción de Salvador Sobral Un dueto entre Salvador Sobral e Caetano Veloso Música electrónica interpretada por Branko ft. Sara Tavares, Mayra Andrade e Dino D'Santiago |
Participantes | |
Participantes | 43 |
Países que retornan | Rusia |
Mapa
| |
Votacións | |
Sistema de votación | Primeiro preséntanse os votos dos xurados nacionais de maneira individual, que outorgan 1-8 e 10 puntos, (aparecen automaticamente nas pantallas) e 12 puntos no formato tradicional, dicindo en voz alta a que país lle corresponden.
En segundo lugar preséntanse os resultados do televoto no que cada país entrega 1-8, 10 e 12 puntos ás cancións preferidas. Todos eses votos súmanse e son entregados a cada país de menor a maior puntuación, de maneira conxunta.[3] |
Canción gañadora | «Toy», Netta Israel |
Festival de Eurovisión | |
◄2017 2019► |
Corenta e tres países participaron na competición, igualando o récord do Festival de Eurovisión 2008 e Festival de Eurovisión 2011. Rusia regresou ao festival trala súa ausencia na edición anterior, e por primeira vez desde o 2011 ningún país deixou o concurso.
Esta edición estivo marcada polo feito de que tanto Acerbaixán, Romanía e Rusia non se clasificaron para a final por primeira vez desde a introdución das semifinais no Festival de Eurovisión 2004. Por outra banda, ningún país da zona do Cáucaso logrou tampouco clasificarse para a final, o que non ocorría desde o Festival de Eurovisión 2005.
O país gañador do Festival de Eurovisión 2018 foi Israel coa canción "Toy", interpretada por Netta. Esta foi a cuarta vitoria de Israel no concurso, sendo as anteriores nos anos Festival de Eurovisión 1978, Festival de Eurovisión 1979 e Festival de Eurovisión 1998. Nesta edición tanto Chipre como a República Checa recibiron as súas mellores puntuacións desde os seus respectivos debuts, obtendo a 2ª e 6ª praza respectivamente, mentres que Portugal, o país anfitrión, quedou último.[7]