Il trovatore
From Wikipedia, the free encyclopedia
Il trovatore (en galego O trobador) é unha ópera en catro actos con música de Giuseppe Verdi e libreto en italiano de Salvatore Cammarano, baseada na obra de teatro El trovador (1836) de Antonio García Gutiérrez. Foi estreada no Teatro Apollo de Roma, o 19 de xaneiro de 1853.[4] Forma parte, xunto con Rigoletto e La traviata, da chamada "triloxía verdiana", formada polas óperas máis populares de Verdi escritas de xeito consecutivo.
Cartel de 1885 no Covent Garden. | |
Forma | Ópera |
---|---|
Actos e escenas | 4 actos (indicados como "partes") |
Idioma orixinal do libreto | Italiano |
Libretista | S. Cammarano, rematado por Leone Emanuele Bardare |
Fontes literarias | Baseado na obra de Antonio García Gutiérrez, El Trovador (1836) |
Estrea | 19 de xaneiro de 1853 |
Teatro da estrea | Teatro Apollo |
Lugar da estrea | Roma |
Duración | 2 horas 15 minutos[1] |
Música | |
Compositor | Giuseppe Verdi |
coro | Participación destacable[2] |
Personaxes | |
Cammarano morreu a mediados de 1852 antes de rematar o libreto, feito que dou ao compositor a oportunidade de propor revisións significativas, que baixo a súa dirección realizou o xove libretista Leone Emanuele Bardare,[5] e se ven en gran medida na ampliación do papel de Leonora.
A trama -intricada e novelesca- desenvólvese entre Biscaia e Aragón, no marco da revolta de Jaume d'Urgel a principios do século XV contra Fernando de Antequera, a raíz do resultado do Compromiso de Casp, ao que se chegou logo da morte sen fillos de Martiño o Humano.[6]