La battaglia di Legnano
ópera de Verdi From Wikipedia, the free encyclopedia
ópera de Verdi From Wikipedia, the free encyclopedia
La battaglia di Legnano (en galego A batalla de Legnano) é unha ópera en catro actos con música de Giuseppe Verdi e libreto en italiano de Salvatore Cammarano, baseado na obra de Joseph Méry La bataille de Toulouse (1828). Esta ópera foi estreada no Teatro Argentina de Roma o 27 de xaneiro de 1849. Mentres que a estrea foi un éxito, a ópera fracasou na súa produción en Xénova en 1850.[1]
 A batalla de Legnano nun cadro de Amos Cassioli (1832-1891). | |
| Forma | Ópera |
|---|---|
| Actos e escenas | 4 actos |
| Idioma orixinal do libreto | Italiano |
| Libretista | Salvatore Cammarano |
| Fontes literarias | Joseph Méry: La bataille de Toulouse (1828) |
| Estrea | 27 de xaneiro de 1849 |
| Teatro da estrea | Teatro Argentina |
| Lugar da estrea | Roma |
| Duración | 110 minutos |
| Música | |
| Compositor | Giuseppe Verdi |
| Localización da partitura | Archivio Storico Ricordi, Milán |
| Personaxes | |
Frederico Barbarroxa (baixo) | |
Actualmente esta ópera case non se representa, nas estatísticas de OperabaseArquivado 14 de maio de 2017 en Wayback Machine. aparece cunha única representación no período 2005-2010.
| Personaxe | Tesitura | Elenco na estrea, 27 de xaneiro de 1849[2] (Director: - ) |
|---|---|---|
| Frederico Barbarroxa, emperador romano-xermánico | baixo | Pietro Sottovia |
| Primeiro cónsul de Milán | baixo | Alessandro Lanzoni |
| Segundo cónsul de Milán | baixo | Achille Testi |
| Alcalde de Como | baixo | Filippo Giannini |
| Rolando, líder milanés | barítono | Filippo Colini |
| Lida, súa dona | soprano | Teresa De Giuli-Borsi |
| Arrigo, guerreiro veronés | tenor | Gaetano Fraschini |
| Marcovaldo, prisioneiro alemán | barítono | Lodovico Butia |
| Imelda, sirviente de Lida | mezzosoprano | Vincenza Marchesi |
| Cabaleiro de Arrigo | tenor | Mariano Conti |
| Un heraldo | tenor | Gaetano Ferri |
| Cabaleiros de morte, maxistrados e líderes de Como, senadores e povo de Milán, guerreiros de Verona, Brescia, Novara, Piacenza e Milán, e o exército alemán | ||
A acción ten lugar en Milán (actos I, III e IV) e en Como (acto II) durante o mes de maio do ano 1176.
Os soldados milaneses defenden a cidade baixo o mando de Rolando. Reencontra ao seu amigo veronés Arrigo, dado por morto durante a batalla. Arrigo atópase de novo con Lida, noutro momento a súa prometida, pero que agora, por vontade do seu pai, casou con Rolando.
Arrigo, cedendo á sorte, entra na «Compañía da Morte», o escuadrón de cabalería chamado á defensa de Carroccio, a pesar dunha carta angustiada de Lida, que tenta disuadilo.
Entrementres Rolando, que se prepara para ir ao combate, é abordado por Marcovaldo, un soldado alemán prisioneiro, que lle entrega a carta de Lida a Arrigo. A cólera de Rolando faino inclinarse pola vinganza. Sorprendendo a Lida e Arrigo en plena conversa, fai encerrar ao seu «rival» nunha torre.
Arrigo, que non pode responder á chamada do seu escuadrón e queda deshonrado, tírase dende unha fiestra ás augas do río. Mentres Lida e mulleres milanesas rezan a Deus polos soldados, Barbarroxa é derrotado na batalla de Legnano.
Entre os soldados que retornan vitoriosos, atópase Arrigo, gravemente ferido, quen, logo de ter perdoado a Lida, morre, suxeitando contra o seu corazón o estandarte de Carroccio.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
