Ames

Ames é un concello da provincia da Coruña, pertencente á comarca de Santiago. Segundo o IGE, o 1 de xaneiro de 2018 tiña 31.278 habitantes (15.015 homes e 16.263 mulleres) (en 2012 29.331 habitantes, 27.900 no 2010, 24.553 no 2007, 23.219 no 2006, 22.228 no 2005, 20.840 no 2004).O seu xentilicio (véxase no Galizionario) é «amesán».^[1]

Para outras páxinas con títulos homónimos véxase: Ames.

Ames

Localización
42°52′N 8°39′O
Estado	España
Comunidade autónoma	Galicia
Provincia	provincia da Coruña
Capital	Bertamiráns
Poboación
Poboación	33.276 (2025) (413,11 hab./km²)
Xentilicio	amesán
Xeografía
Parte de	Mancomunidade de Municipios da Área de Santiago de Compostela Mancomunidade da Comarca de Compostela Santiago
Superficie	80,55 km²
Altitude	63 m
Comparte fronteira con	Santiago de Compostela Negreira A Baña Brión Teo Val do Dubra
Organización política
• Alcalde	Blas García Piñeiro (2021–)
Eleccións municipais en Ames
Identificador descritivo
Código postal	15220, 15228, 15229, 15664, 15870 e 15895
Fuso horario	UTC+01:00
Código INE	15002
Sitio web	concellodeames.gal

Toponimia

O topónimo Ames, documentado na Idade Media como Oiames, podería ser un hidrónimo derivado da raíz indoeuropea weg-, referida a un lugar moi húmido, a través da forma con superlativo en acusativo plural *Ugiamos ou *Ugiamas.^[2][3]

Poboación

Censo total	31.278 (2018)
Menores de 15 anos	5.874 (18.78 %)
Entre 15 e 64 anos	21.733 (69.48 %)
Maiores de 65 anos	3.671 (11.74 %)

Evolución da poboación de Ames   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023	2024
7.097	7.602	9.425	9.527	20.840	27.900	28.852	29.331	29.689	29.975	30.267	30.544	30.835	31.278	31.793	32.104	31.993	32.095	32.482	32.812
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía

Ten unha superficie de 80 km². Limita cos concellos de Santiago de Compostela, Teo, Brión, Negreira, A Baña e Val do Dubra. As poboacións principais son O Milladoiro e Bertamiráns.

Historia

O val da Amaía estivo moi vinculado desde a Baixa Idade Media ás principais e máis influentes liñaxes nobres. Situado no Camiño Xacobeo a Fisterra, destaca a ponte Maceira sobre o río Tambre en Agrón. No Milladoiro situábase o fito onde os peregrinos divisaban por primeira vez as torres da catedral compostelá. En 1812 constituíuse o concello de Biduído, adscrito ó partido xudicial de Santiago e á provincia única de Galicia. En 1821 o concello de Biduído integrouse na provincia da Coruña. En 1835 a capital pasou a ser a parroquia de Ames, cambiando o nome do concello. Destacan os Santuarios de Barouta e da Madalena e os pazos de Lens e Leboráns.

Galería de imaxes

Artigo principal: Galería de imaxes de Ames.

• 
  Rúa principal de Bertamiráns.
• 
  Rúa lateral de Bertamiráns.
• 
  Regato que atravesa a vila de Bertamiráns.
• 
  Praza de Bertamiráns.
• 
  Vista desde o cemiterio de Ames.

Política

• Eleccións municipais en Ames

Parroquias

Galicia | Provincia da Coruña | Parroquias de Ames
Agrón (San Lourenzo) | Ameixenda (Santa María) | Ames (San Tomé) | Biduído (Santa María) | Bugallido (San Pedro) | Covas (Santo Estevo) | Lens (San Paio) | Ortoño (San Xoán) | Piñeiro (San Mamede) | Tapia (San Cristovo) | Trasmonte (Santa María)

Lugares de Ames

Para unha lista completa de todos os lugares do concello de Ames vexa: Lugares de Ames.