Apiario

Un apiario (tamén chamado de alvariza), é o conxunto agrupado de colmeas de abellas^[1].

Apiario tradicional bávaro.

Apiario de cortizos no Monte Pindo.

En Galicia o apiario tradicional, chamado albariza ou abellariza consiste en colmeas dentro dun alto muro circular, por veces tamén cuadrangular, para protexelas dos animais que se alimentan do mel como os osos e dos ventos fríos, ademais recibe a luz desde o alborexar ó estar orientados ó nacente. Estes apiarios tradicionais, antigamente presentes en todo o territorio galego, na actualidade vense en zonas montañosas como os Ancares, o Courel ou a Serra do Suído.