Apollo 10

Apollo 10 foi a cuarta misión tripulada do programa Apollo (denominada oficialmente como AS-505) dos Estados Unidos, a segunda tralo Apollo 8 en orbitar a Lúa. Lanzada o 18 de maio de 1969, foi a denominada "misión F": unha proba para o primeiro aterraxe lunar, probando os compoñentes e procedementos sen chegar a completar a aterraxe. O módulo lunar seguiu unha órbita de descenso ata uns 15,6 km da superficie lunar.^[1]

Apollo 10
Insignia da misión
Datos da misión
Misión:	Apollo 10
Nome dos módulos:	Módulo de mando: Charlie Brown Módulo lunar: Snoopy
Rampla de lanzamento:	Centro Espacial Kennedy, Florida LC 39A
Engalaxe:	18 de maio de 1969 16:49:00 UTC
Amaraxe:	26 de maio de 1969 16:52:23 UTC 15°2′S 164°39′O
Duración:	8 días 0 h 03 min 23 s
Número de órbitas lunares:	31
Tempo en órbitas lunares:	61 h 37 min 23.6 s Do 21 de maio 20:44:54 ata o 24 de maio 10:25:29 UTC
Masa:	MC: 30.320 kg; ML: 16.448 kg
Foto da tripulación
E-D: Cernan, Young e Stafford
Outras misións
Anterior misión Seguinte misión Apollo 9 Apollo 11

Os seus tripulantes foron Thomas Stafford -comandante-, John W. Young e Eugene A. Cernan.^[2]

Módulo de mando «Charlie Brown».

Esta misión foi unha combinación das dúas anteriores, xa que por primeira vez situouse o módulo lunar (L.M.) nunha órbita próxima á Lúa, e realizáronse alí as manobras necesarias que xa se efectuaron en órbita ao redor da Terra.

Stafford e Cernan situáronse no módulo lunar "Snoopy", tras abandonar o de mando e servizo C.S.M., e lograron situarse en órbita lunar elíptica, cuxo perilunio quedou situado a uns 14 quilómetros sobre a súa superficie.^[3]

Durante a segunda e última volta á Lúa o módulo lunar perdeu o control, recuperado pouco despois polo seu piloto Thomas Stafford. Tras finalizar esta manobra, abandonouse o módulo lunar, que foi lanzado en órbita ao redor do Sol, e tras embarcar no módulo de mando «Charlie Brown», dirixíronse á Terra.^[4]

Esta misión supuxo o ensaio final do descenso á Lúa, realizándose ademais multitude de fotografías das zonas de aluaxe nas 31 órbitas que realizou á mesma. Amarou o día 26 de maio tras 192 horas, 3 minutos e 23 segundos de voo.^[5]

Aspectos destacados da misión

Módulo de mando «Charlie Brown» (Science Museum de Londres).

Estes foron os principais aspectos da misión:^[5]

• O Apolo 10 foi a primeira misión en levar unha cámara para televisión en cor no interior da nave espacial, e fixo as primeiras transmisións de televisión en cor en vivo desde o espazo.
• Foi a segunda misión tripulada en orbitar a Lúa.
• O descenso dos astronautas Stafford e Cernan foi a máxima aproximación a outro corpo celeste que se fixo nunca.
• De acordo co Libro Guinness dos Récords de 2002, o Apolo 10 estableceu a marca de velocidade alcanzada por un vehículo tripulado a 39.897 kmh (11,08 km/s ou 24,791 mph) durante o regreso da Lúa o 26 de maio de 1969.^[6]
• John Young chegou a facer unha camiñada lunar como comandante da misión Apollo 16 e Eugene Cernan, comandante do Apollo 17, foi o último home en pisar a Lúa. En total 12 astronautas camiñaron sobre a superficie da Lúa.