Bérberes

Os bérberes^[16] (en bérber: ⵉⵎⴰⵣⵉⵖⵏ Imaziɣen, singular: ⴰⵎⴰⵣⵉⵖ Amaziɣ/Amazigh) son un conxunto de pobos do norte de África que falan linguas bérberes, da familia de linguas afroasiáticas. Estímanse en entre 14 e 25 millóns de persoas que falan estas linguas, principalmente en Marrocos, Alxeria, Melilla e Tunisia mais tamén fan parte deste grupo os tuaregs, predominantemente nómades do Sáhara.

Bérberes
Bérberes facendo a danza Ahidus.
Instancia de	etnia
Subclase de	tribo, pobos afroasiáticos e pobos indíxenas de África
Parte de	pobos afroasiáticos
Poboación total	25 - 30 millóns[1] – 50 millóns[2][3][4][5]
Historia	history of the Berbers (en)
Lingua materna	lingua bérber
Linguas faladas	lingua bérber e lingua árabe
Relixión	sunnismo, cristianismo e xudaísmo
Relacionados	Númidas, cabilos, chleuhs, rifeños, tuareg, chaouis, mozabíes, guanches
Composto por  Pobo cabilo  Ghomaras (pt)  Pobo tuareg  Nafūsah (en)  rifeños  Chaoui people (en)  Chleuhs (pt)  Siwi people (en)
Localización
Países Marrocos Burkina Faso Tunisia Mauritania Libia Níxer Malí Alxeria Exipto
Rexións principais
Marrocos	entre ≈ 14 millóns[3] e ≈ 20 millóns[6][7][8][9] ou 27 078 593[2]
Alxeria	entre 9[3] e ≈ 13 millóns[8][10] ou 32 320 000[2]
Francia	máis de 2 millóns[11]
Níxer	1 620 000[12]
Malí	850 000[13]
Libia	>3 850 000[2]
Mauritania	2 88 000 (2 768 000[14] e 115 000[15])
Fontes e ligazóns
Redes
Descrito pola fonte Enciclopedia Soviética Armenia Pequeno Dicionario Enciclopédico de Brockhaus e Efron Q24752338 Encyclopædia Britannica 1911 Encyclopædia Britannica/Berbers (en) The Nuttall Encyclopædia Dicionario Enciclopédico Brockhaus e Efron Q24345167 Grande Enciclopedia Soviética (1926—1947) Q100331766
[ Wikidata ] [ C:Commons ]

De acordo cos rexistros máis antigos, os bérberes foron os primeiros habitantes desta rexión, chegando a dominar o Exipto antigo arredor do 945 a.C. Existen entre 25 e 30 millóns de bérberes no norte de África que aínda falan as linguas bérberes,^[1] a maioría deles viven en Marrocos, Alxeria, Libia, Tunisia, o norte de Malí e o norte de Níxer.^[2] Existen pequenas comunidades bérberes en Mauritania, Burkina Faso e na vila de Siwa, en Exipto. Crese que a maioría da poboación do norte de África ó oeste de Exipto é de orixe bérber, malia que por mor da arabización e a islamización algúns bérberes étnicos identifícanse como bérberes arabizados.^[17] Existen grandes comunidades de bérberes inmigrantes residindo en Francia, España, o Canadá, Bélxica, os Países Baixos, o Reino Unido, Italia e outros países de Europa.^[18][19]

Bandeira bérber, o símbolo de todos os pobos bérberes.

Nome

O termo bérber provén do grego grego: βάρβαρος (barbaros pl. βάρβαροι barbaroi) que quere dicir bárbaro. Nun principio foi aplicado polos romanos para designar especificamente aos seus veciños abranguendo dende Xermania (a moderno Alemaña) os celtas, os iberos, os galos, os góticos e os tracios. Entre os rexistros escritos máis antigos do termo, bérber aparece como un etónimo na obra do século I Periplo do Mar Eritreo.^[20]