Carnotita

Carnotita é un mineral de vanadato de potasio e uranio hidratado , cuxa fórmula química é: K₂( UO₂ )₂( VO₄ )₂·3H₂O, podendo conter pequenas cantidades de calcio, bario, magnesio, ferro e sodio. O índice de auga pode variar.

Carnotita
Fórmula química	K2(UO2)2(VO4)2·3H2O
Clase	Vanadato
Sistema cristalino	Monoclínico
Cor	Amarelo, amarelo dourado, amarelo esverdeado
Brillo	De anacarado a terroso
Dureza	2 (escala de Mohs)
Fractura	Irregular
Exfoliación	Perfecta: unha dirección
Raia	Amarela
Densidade	4,20 g/cm3

Características

A carnotita é un mineral brillante, amarelo esverdeado, que aparece tipicamente en forma de costras e escamas en arenitas, tornándoas amarelas brillante. O índice elevado de uranio fai da carnotita un minerio de uranio importante e tamén radioactivo. É un mineral secundario de vanadio e uranio xeralmente encontrado en rochas sedimentares de climas áridos.

Pódese encontrar nos estados americanos de Wyoming, Colorado, Arizona, Utah, Novo México, e tamén en Pensilvania. Relátanse tamén depósitos no Zaire, Marrocos, Australia e Kazakhstán.

Foi nomeado en homenaxe a Adolphe Marie Carnot ( 1839 – 1920 ), enxeñeiro de minas e químico francés.

Existen diversas variedades do mineral:

• Margaritasita (( Cs,K,H₃O)₂( UO₂ )( VO₄ )₂•H₂O )
• Tyuyamunita,(Ca(UO₂)₂(VO₄)₂•5-8H₂O).

Véxase tamén

Bibliografía

• Hurlbut, Cornelius S.; Klein, Cornelis, 1985, Manual of Mineralogy, 20th ed., John Wiley and Sons, Nova York ISBN 0-471-80580-7

Outros artigos

• Lista de minerais

Ligazóns externas

• Webmineral (en inglés)
• Mineral Galleries
• Mindat.org (en inglés)