Castielfabib

Castielfabib é un concello valenciano situado no interior da provincia de Valencia, na comarca do Rincón de Ademuz, un exclave rodeado completamente por terras de Aragón e de Castela-A Mancha.

Castielfabib

Brasón
Localización
40°07′49″N 1°18′15″O
Estado	España
Comunidade autónoma	Comunidade Valenciana
Provincia	provincia de Valencia
Comarca da Comunidade Valenciana	el Rincón
Capital	Castielfabib
Poboación
Poboación	284 (2025) (2,67 hab./km²)
Lingua oficial	lingua castelá (lingua predominante)
Xeografía
Superficie	106,3 km²
Altitude	927 m
Comparte fronteira con	Ademuz Veguillas de la Sierra El Cuervo Tramacastiel Tormón Vallanca Salvacañete Torrebaja Libros
Santo padrón	Guillerme I de Tolosa e Virxe da Graza
Organización política
• Alcalde	Eduardo Aguilar Villalba (2011–)
Identificador descritivo
Código postal	46141
Fuso horario	UTC+01:00, horario estándar UTC+02:00, horario de verán
Código INE	46092
Código ARGOS de concellos	46092
Sitio web	castielfabib.es

Xeografía

Emprazada en chanzos nas pronunciadas vertentes das montañas. Por esa causa, esta vila ten como característica particular longas e estreitas rúas en pendente, que comunican entre elas por canellóns, e rúas máis estreitas, moitas sendo escaleiradas, mentres as casas parecen superpoñerse as unhas ás outras. O pobo goza dunha magnífica vista de Veiga do Ebrón, como xa describiu o botánico Antonio José de Cavanilles á finais do século XVIII, ao seu paso por esta vila.

Demografía

Dende a década de 1940 do século XX a emigración despoxou de habitantes a Castielfabib. Os veciños marchában cara grandes centros industriais como Barcelona ou Valencia. Tamén foi significativa a emigración temporal cara ás vendimas de Francia.

Evolución demográfica de Castielfabib[1]
1842	1857	1877	1887	1900	1910	1920	1930	1940	1950	1960	1970	1981	1991	2001	2005	2006	2007
1.336	1.738	2.167	2.148	2.427	2.641	2.393	2.200	2.194	1.905	1.444	1.126	798	645	511	276	256	244

Actualmente a tendencia negativa invértese pola chegada de emigrantes provenientes principalmente do Magreb ou de Romanía.

Historia

O castelo musulmán de Qastil-al'Habib foi conquistado polos cristiáns en 1210, polo rei Pedro II de Aragón, sendo recuperado polo islam, até que foi definitivamente reconquistado polo rei Xaime I de Aragón en 1259, que o incluíu entre as terras do Reino de Valencia.

Patrimonio histórico-artístico

Igrexa-fortaleza Santa María dos Ánxeles.Século XIII. Castielabib.

Arquitectura relixiosa

• Igrexa-fortaleza Santa María dos Ánxeles, do século XIII.
• Ermida de Santa María de Gracia, do século XIV.
• Convento de San Guillermo, do século XVI.
• Ermida de San Marcos, na aldea de Los Santos, do século XVII.
• Ermida de San Diego, na aldea de Cuesta del Rato, do século XVIII.
• Ermida de San Sebastián, na aldea de Mas de Jacinto, do século XVII.
• Ermida de San Joaquín e Santa Bárbara, na aldea de Arroyo Cerezo, do século XVIII.

Arquitectura civil

• Castelo de Casielfabib,de orige romano, con grande importancia histórica.
• Casa da Vila, do século XV.
• Prisión municipal, antiga prisión municipal.
• Muíño da Vila, do século XIII.
• Casa Abadía, antiga casa do cura, do século XVII.
• Hospital de pobres, antigo hospital de pobres, desaparecido, orixinal do século XV.