Grupo FCB

O grupo FCB é un clado ou grupo filoxenético bacteriano denominado polas siglas dos grupos que o forman, que son: Fibrobacteres, Chlorobi e Bacteroidetes. Na clasificación elaborada por Cavalier-Smith este clado denomínase Sphingobacteria, aínda que os taxonomistas prefiren xeralmente o nome FCB^[1] (non se debe confundir coa clase Sphingobacteria). Entre os seus membros, o clado Bacteroidetes/Chlorobi está bastante consensuado. Porén, algúns estudos non validan todas as relacións, ou inclúen outros filos como Gemmatimonadetes.

Non confundir coa clase Sphingobacteria.

Grupo FCB
Bacteroides spp.
Clasificación científica
Dominio: Bacteria (sen clasif.) Gracilicutes Superfilo: grupo FCB
Filos
Chlorobi Bacteroidetes Fibrobacteres

O valor filoxenético deste grupo está apoiado en análises xenómico-proteicas, e do ARNr 16S.^[2] O clado FCB pertence á súa vez a un clado maior: Gracilicutes.

Evolutivamente caracterízase por ser un clado de bacterias gramnegativas que desenvolveron esfingolípidos ou sulfonolípidos, cunha ampla perda de flaxelos, e grande mobilidadee por escorregamento.^[1]

As análises xenómicas actualizadas, relacionan o grupo FCB con novos grupos descubertos, tal como mostra o seguinte cladograma:^[3]

FCB	Cloacimonetes          Fibrobacteres      Gemmatimonadetes          Latescibacteria          Caldithrix      Marinimicrobia     Bacteroidetes/Chlorobi    Bacteroidetes      Chlorobi

Outros autores consideran que Fibrobacteres forma parte do superfilo Fibrobacteres/Acidobacteria conxuntamente con Acidobacteria e Marinimicrobia.^[4]