Fernando Trueba

Fernando Trueba, nado en Madrid o 18 de xaneiro de 1955, é un director de cine español. É irmán do guionista, director e produtor David Trueba.

Fernando Trueba

(2017)
Biografía
Nacemento	(es) Fernando Rodriguez Trueba 18 de xaneiro de 1955 (70 anos) Madrid, España
Presidente da Academia das Artes e as Ciencias Cinematográficas de España
1988 – 1988 ← José María González-Sinde (pt) – Antonio Giménez-Rico →
Datos persoais
Educación	Universidade Complutense de Madrid
Actividade
Lugar de traballo	España
Ocupación	director de cinema, actor, realizador, produtor de cinema, guionista, animador
Período de actividade	1974 -
Familia
Cónxuxe	Cristina Huete
Fillos	Jonás Trueba
Irmáns	David Trueba Máximo Trueba
Premios
(2012)  Cuncha de Prata ó mellor director (2011)  Premio do Cinema Europeo ao mellor filme de animación, premiado polo traballo Chico & Rita (pt)  cabaleiro da orde das Artes e as Letras  Premio Gaudí ao mellor filme de animación
Descrito pola fonte	Obálky knih,
Sitio web	fernandotrueba.com

Biografía

Iniciado como crítico de cine e guionista, deuse a coñecer coa súa primeira película, chamada oportunamente Ópera prima (1980), á que seguirían outras entre as que cabe salientar Sé infiel y no mires con quién (1985) protagonizada por Ana Belén, Carmen Maura e Antonio Resines entre outros.

Dirixiu para televisión a serie La mujer de tu vida, e en 1992 chegaría o grande éxito da súa película Belle Époque, que foi galardoada con tres premios Goya: mellor película, mellor director e mellor actriz (Ariadna Gil). En 1993 foi galardoada esta mesma co premio á mellor película estranxeira dos oscars dos Estados Unidos.

Posteriormente rodaría películas coma Two Much (1995) con Antonio Banderas e Melanie Griffith, La niña de tus ojos (1998), con Penélope Cruz, ou El embrujo de Shanghai (2003), onde traballou unha vez máis dirixindo a Ariadna Gil, a muller do seu irmán David.

O seu último traballo como director ata o momento foi o documental El milagro de Candeal (2004), coa participación do músico brasileiro Carlinhos Brown e centrada precisamente no lugar onde naceu este. Ten anunciado un próximo proxecto baixo o título Haunted Heart e previsto para o ano 2009.

Ten unha produtora, Fernando Trueba Producciones Cinematográficas S.A., responsable de varias das súas películas, así como das do seu irmán (como Obra Maestra, 2000 ou Bienvenido a casa, 2006) e doutros proxectos como a serie televisiva de Telecinco Ellas son así, emitida no ano 1999.

É autor do libro Dicionario de cine (1997) e está casado coa produtora Cristina Huete.

No que atinxe ao cinema galego, xa en 1976, antes, pois, de filmar a súa Ópera prima (1980), foi axudante de dirección d'O cadaleito, curtametraxe de Enrique R. Baixeras con guión do dramaturgo Francisco Taxes.

Filmografía

Ano	Película
2016	La reina de España
2012	El artista y la modelo
2010	Chico y Rita
2009	El baile de la Victoria
2004	El milagro de Candeal
2002	El embrujo de Shanghai
2000	Calle 54
1998	La niña de tus ojos
1994	Two Much
1992	Belle Époque
1989	El sueño del mono loco
1986	El año de las luces
1985	Sé infiel y no mires con quién
1983	Sal gorda
1980	Opera prima

Premios

Premios Goya

Como mellor director:

• 1990 - El sueño del mono loco
• 1993 - Belle Époque
• 1999 - La niña de tus ojos

Como mellor película de animación:

• 2011 - Chico y Rita

Premios Oscar

Oscar á mellor película estranxeira:

• 1994 - Belle Époque

Medalla do CEC ao mellor director

• 1992 - Belle Époque

Predecesor: José María Gónzalez Sinde

Presidente da Academia das Artes e as Ciencias Cinematográficas de España 1988 - 1988

Sucesor: Antonio Giménez-Rico