Gonorrea

A gonorrea,^[1] do grego γονόρροια, (gonórrhoia: fluxo de seme), tamén denominada blenorraxia,^[2] blenorrea e gonococia,^[3] é unha infección de transmisión sexual (ITS) provocada pola bacteria Neisseria gonorrhoeae ou gonococo, cuxo hóspede específico é o ser humano. Afecta principalmente as mucosas do aparello xenital e urinario, pero tamén pode afectar a conxuntiva ocular, a farinxe e o recto. As súas características máis habituais son a secreción purulenta pola uretra no home e a consecuencia de infertilidade na muller.^[4]

Gonorrea
Neutrófilos infectados por Neisseria gonorrhoeae.
Instancia de	doenza infecciosa e clase de doenza
Subclase de	doenza bacteriana primaria, gonococia, doenza uterina, doenza ocular, doenza das trompas de Falopio, doenza uretral, doenza anal, infección de transmisión sexual, doenza venérea clásica e doenza
Causado por	Neisseria gonorrhoeae
Localización anatómica	Uretra, útero, gorxa, Trompa de Falopio, ollo, Próstata, articulación, meninxe, Tonsila e recto
Síntomas	Excreción, dor, dor pelviana, secreción vaxinal, disuria e dor testicular
Localización anatómica	Uretra, útero, gorxa, Trompa de Falopio, ollo, Próstata, articulación, meninxe, Tonsila e recto
Especialidade médica	dermatoloxía, uroloxía e xinecoloxía
Exames médicos	microscopio óptico, reacción en cadea da polimerase e cultivo microbiolóxico
Fármacos usados de tratamento Ceftriaxona ampicilina cefpodoxime proxetil (en) Trovafloxacina (pt) ofloxacina (pt) norfloxacino (pt) demeclociclina (pt) penicillin g potassium (en) penicillin g sodium (en) Amoxicilina benzilpenicilina (pt) norfloxacino (pt) enoxacina Cefpodoxima Ceftriaxona gatifloxacina (pt) eritromicina (pt) ciprofloxacina (pt) Cefixima probenecida (pt) moxifloxacina (pt) troleandomycin (en) Tetraciclina bacampicilina (pt) enoxacina Ceftizoxima Cefuroxima Cefotaxima espectinomicina (pt) Cefixima
Proceso de transmisión	infección de transmisión sexual
Fontes e ligazóns
MeSH	D006069
Thesaurus do NCI	C92950
DiseasesDB	8834
ICD-10	A54
ICD-9	098
MedlinePlus	007267
Descrito pola fonte Enciclopedia Soviética Armenia Pequeno Dicionario Enciclopédico de Brockhaus e Efron Q24753662 Dicionario Enciclopédico Brockhaus e Efron Q24089359 Enciclopedia Xudía de Brockhaus e Efron Q24923945
Aviso médico. Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico. [ Wikidata ] [ G:Commons ] [ C:Commons ]

Historia

A gonorrea recoñeceuse e describiuse dende a antigüidade, onde é mencionada en papiros exipcios, e sábese que no terceiro milenio antes de Cristo xa causaba estragos en Asia. Hipócrates fixo un diagrama da infección gonocócica, ó disecar a uretra dos homes que estaban infectados por este axente e anotou modificacións no tecido epitelial, secretación e unha estenose (estreiteza) uretral que con frecuencia acompaña á doenza non tratada.^[5]

No ano 130, Galeno instaurou o termo gonorrea, proveniente do grego antigo γονόρροια, («gonórrhoia»), forma composta de γόνος («gonos»: semente, xenitais) e ῥέω, («rhêo»: fluxo); é dicir, «fluxo de semente», ou fluxo seminal, pola impresión errónea de considerar á secreción purulenta que sae pola uretra como unha espermatorrea.

A Neisseria gonorrhoeae, organismo causal da enfermidade, foi descuberta polo médico alemán Albert Neisser (de aí o seu nome) en 1879.

Epidemioloxía

A Organización Mundial da Saúde (OMS), estima que se producen 106 millóns de casos novos no mundo cada ano.^[6] Nos Estados Unidos de América, a gonorrea foi unha das enfermidades contaxiosas de maior frecuencia dende 1965. Nese país, a incidencia de infeccións causadas por N. gonorrhoeae é de aproximadamente 375 casos por cada 100 000 habitantes. En México a incidencia descendeu na segunda metade do século XX, dende 213 casos por cada 100 000 habitantes en 1941 a 20 casos sobre o mesmo denominador en 1989. Na década de 1990, a tendencia en México mantívose descendente, cunha incidencia en 1995 e 1996 de 8,8 e 13,7 por cada 100 000 habitantes, respectivamente.

Patoxenia

Neisseria gonorrhea

Os primeiros lugares que afecta a bacteria son o epitelio columnar da uretra e endocérvix. O recto, a farinxe e a conxuntiva dos ollos tamén poden verse infectados. A vulva e a vaxina das mulleres, normalmente, tamén son afectadas, posto que están ligadas coas células epiteliais. Nas mulleres, o colo uterino adoita ser o primeiro sitio infectado.