Jonathan Pereira

Jonathan Pereira Rodríguez, nado o 12 de maio de 1987 en Vigo, é un ex futbolista galego. Xogaba como dianteiro e disputou máis de 300 partidos entre a Primeira e a Segunda división.

Jonathan Pereira

Biografía
Nacemento	12 de maio de 1987 (38 anos) Vigo, España
Altura	167 cm
Actividade
Ocupación	futbolista
Período de actividade	2006 -
Deporte	fútbol
Posición de xogo	Dianteiro
Número deportivo	15
Traxectoria   Equipo 2004–2007   Villarreal CF B 73 (51) 2006–2010   Villarreal Club de Fútbol 10 (1) 2007–2008 → cesión:    Racing de Ferrol 39 (11) 2008–2009 → cesión:    Racing de Santander 32 (5) 2010–2012   Real Betis Balompié 77 (16) 2013–2015   Villarreal Club de Fútbol 50 (11) 2014–2015 → cesión:    Rayo Vallecano 3 (0) 2015–   CD Lugo 2015–2015 → cesión:    Real Valladolid 20 (6)   Selección nacional 2004–2004   España sub-17 9 (1) 2006–2007   Galicia 2 (1) 2007–2007   España sub-20 1 (0) 2008–2009   España sub-21 3 (0)

Traxectoria

Jonathan Pereira coa selección galega

Empezou na canteira do Celta de Vigo, xogando 2 anos cos alevíns. Logo estivo 4 anos no Unión Deportiva Santa Mariña de Cabral (Vigo), e ós 15 anos marchou ó Villareal para xogar nas categorías inferiores.

Debutou na primeira división o 21 de outubro de 2006 contra o Levante, e 17 segundos despois marcou o seu primeiro gol, converténdose no debutante que menos tempo tardou en meter un gol.^[1] En xullo de 2007 o Villarreal cedeuno ó Racing de Ferrol da segunda división, equipo co que descendeu á segunda B.

No verán de 2008 foi seguido por varios equipos, como o Racing de Santander, o Málaga ou o Recreativo de Huelva, aínda que todos pretendían a súa cesión, xa que tiña contrato co Villarreal ata o 2013. Finalmente foi cedido ó Racing de Santander por unha tempada.^[2]

Jonathan pasou á historia racinguista por ser o primeiro xogador do club en marcar un gol na Copa da UEFA. O partido foi o 18 de setembro de 2008 no Sardinero fronte ao FC Honka Espoo, gañando o conxunto cántabro por 1-0. Tamén marcou no último partido que disputou o equipo cántabro na competición europea fronte ao Manchester City no Sardinero o 18 de decembro de 2008. Anotou ademais o gol máis rápido na historia do Racing, aos 24 segundos no partido fronte ao Deportivo da Coruña en Riazor, o 8 de marzo de 2009.

Ao rematar a súa cesión volveu ao Villareal, e en xaneiro de 2010 foi fichado polo Real Betis Balompié por 3,4 millóns de euros.^[3]

Selección nacional

Foi internacional coa selección de fútbol de Galicia en dúas ocasións. Foi internacional coas seccións inferiores da selección española de fútbol, coas que conseguiu o subcampionato de Europa Sub-17.^[4][5].

Palmarés

Copas internacionais

Título	Club	País	Ano
Subcampión Eurocopa Sub-17	España Sub-17	Francia	2004

Récords

O 4 de agosto de 2011, disputou un amigábel de pretemporada co Real Betis contra o Neath galés marcando 7 goles.^[6] Isto colocouno no quinto posto do ránking mundial de máis goles conseguidos nun só partido por un xogador, tan só por debaixo de Pelé (8 goles), Voskamp (8), Nielsen (10) e Thompson (13).