Mera de Abaixo, Ortigueira

Santiago de Mera de Abaixo é unha parroquia do concello coruñés de Ortigueira, na comarca do Ortegal. Segundo o IGE en 2013 tiña 234 habitantes (129 mulleres e 105 homes) distribuídos en 6 entidades de poboación, o que supón unha diminución en relación ao ano 1999 cando tiña 349 habitantes.

Para outras páxinas con títulos homónimos véxase: Mera e Abaixo.

Mera de Abaixo
Igrexa de Mera de Abaixo.
Concello	Ortigueira[1]
Provincia	A Coruña
Coordenadas	43°38′02″N 7°53′45″O
Área	9,17 km²
Poboación	234 hab. (2013)
Densidade	25,52 hab./km²
Entidades de poboación	31[1]
[ editar datos en Wikidata ]

Xeografía

Mera de Abaixo está situada na beira sur da ría de Ortigueira, na desembocadura do río Mera que vén atravesando a parroquia de norte a sur. Linda polo norte coa ría de Ortigueira e coa parroquia de Veiga dende o regato Mazaricos, polo leste limita coa parroquia de San Claudio no regato de Carballo de Boi, polo sur coa parroquia do Mera de Arriba e polo oeste linda coa parroquia de Montoxo do concello de Cedeira. A estrada AC-862 cruza a parroquia por Ponte de Mera, e dende aquí mesmo sae a estrada que vai até Cariño. Tamén cruza este val cun viaduto de once arcos a vía de FEVE, que dispón no lugar do Souto dunha estación, hoxe reducida a un apeadoiro.

Patrimonio

A igrexa parroquial na honra de Santiago e que ten planta de cruz latina está no lugar do Cereixal e ao seu carón queda o cemiterio parroquial, afastado todo hoxe do que foi o crecemento de poboación ao longo da AC-862 en Ponte de Mera. Preto de aquí polo camiño até Ponte Noval en Mera de Arriba está o Pazo do Souto, en rehabilitación.

Galería de imaxes

• 
  Pazo do Souto
• 
  O Río Mera ao paso pola Illa
• 
  Area recreativa da Illa do Mera

Lugares e parroquias

Lugares de Mera de Abaixo

Lugares da parroquia de Mera de Abaixo no concello coruñés de Ortigueira
Beluz | Caparelle | A Casanova | O Castro | O Cereixal | A Corredoira | As Croas | A Estación | A Feira | A Ferrería | Ferrol Vello | O Forno | O Lagar | Os Muíños | O Murallón | O Outeiro | Painceiras | A Pardiñeira | O Peteiro | A Ponte de Mera | A Porta do Crego | Porteiro | Pumariño | As Raíces | O Reto | O Souto | Torrente de Abaixo | Torrente de Arriba | A Veiga | O Vilar | Vilariño

Parroquias de Ortigueira

Galicia | Provincia da Coruña | Parroquias de Ortigueira

Barbos (San Xulián) | Céltigos (San Xulián) | Couzadoiro (San Cristovo) | Cuíña (Santiago) | Devesos (San Sebastián) | O Ermo (San Xulián) | Espasante (San Xoán) | Os Freires (San Paulo) | Insua (San Xoán) | Ladrido (Santa Eulalia) | Loiba (San Xulián) | Luama (San Martiño) | Luía (Santa María) | Mera de Abaixo (Santiago) | Mera de Arriba (Santa María) | O Mosteiro (San Xoán) | As Neves (Santa María) | Ortigueira (Santa Marta) | San Claudio (Santa María) | San Salvador de Couzadoiro (San Salvador) | Senra (San Xulián) | Veiga (Santo Adrao)