Mesoplodon perrini

Mesoplodon perrini, coñecido na bibliografía internacional co nome de zifio de Perrin, é unha especie de mamífero cetáceo odontoceto da familia dos zifíidos e subfamilia dos zifioideos,^[2][3] unha das quince integradas hoxe no xénero Mesoplodon.^[4]

Mesoplodon perrini
Comparación co tamaño dun humano medio
Estado de conservación
En perigo[1]
Clasificación científica
Reino: Animalia Filo: Chordata[ Subfilo: Vertebrata Clase: Mammalia Orde: Cetacea Suborde: Odontoceti Superfamilia: Ziphioidea Familia: Ziphiidae Xénero: Mesoplodon Especie: M. perrini
Nome binomial
Mesoplodon perrini Dalebout, Mead, Baker, Baker & van Helden, 2002
Área de distribución de Mesoplodon perrini Área de distribución de Mesoplodon perrini
Sinonimia
Véxase o texto

É a especie de zifio máis recentemente descrita. Espécimes varados en 1975 nas costas de California foron identificadas inicialmente como Mesoplodon hectori. Estudos posteriores de ADN demostraron que correspondían a unha nova especie, describíndose no ano 2002.

Taxonomía

Descrición

A especie foi descrita, como quedou dito, en 2002, polo zoólogo e biólogo mariño australiano Merel L. Dalebout e colaboradores.^[2][3][5]

Etimoloxías

Para a do xénero ve Mesoplodon.

O epíteto específico, perrini, é unha homenaxe que os descritores dedicaron ao cetólogo William F. Perrin.

Sinónimo

Ademais de polo nome actualmente válido, a especie coñceuse tamén polo sinónimo:^[2]

• Mesoplodon hectori Mead, 1981 (identificación errónea)

Características

A combinación de pequeno tamaño, aparencia e coloración, fai pouco probábel unha confusión. Os espécimes varados puideron ser identificados pola súa secuencia de ADN e/ou detalles anatómicos do cranio. Os machos adultos miden uns 4 m de lonxitude, e as femias uns 4,5.^[5]

Distribución e poboación

Até agora só se encontraron algúns espécimes na costa de California, entre San Diego e Monterey. Non existen estimacións da súa poboación nin o seu estado de conservación.