Mesoplodon
From Wikipedia, the free encyclopedia
Remove ads
Mesoplodon é un xénero de cetáceos odontocetos da familia dos zifíidos que reúne quince especies, coñecidos como zifios, o que fai del o máis numeroso xénero de cetáceos.
.JPG)
Os científicos cren que aínda se van encontrar máis especies, pois os animais da familia dos zifíidos son moi pouco coñecidos.
Tampouco non se sabe o estado de conservación das especies coñecidas.
Remove ads
Taxonomía
Descrición
O xénero foi establecido en 1850 polo paleontólogo francés Paul Gervais,[1][2] en Ann. Sci. Nat. Zool. (París), ser. 3, 14: 16.[3]
Etimoloxía
O nome Mesoplodon, está composto de tres elementos do latín científico tirados do grego antigo:
— mes-, de μέσος mésos, "medio", "que está no medio";
— -oplo-, de ὅπλον hóplon, "arma", e
— -odon, de οδούς, οδόντος odoús, odóntos, "dente",[4]
e que podemos traducir como "armados con dentes no medio (da mandíbula)".
Sinonimia
Ademais de polo nome cuñado por Gervais, e actualmente válido, o xénero coñeceuse tamén polos sinónimos seguintes:[1]
- Aodon Lesson, 1828
- Dioplodon Gervais, 1850
- Dolichodon Gray, 1866
- Micropteron Eschricht, 1849
- Micropterus Wagner, 1846
- Mikropteron Hershkovitz, 1961
- Oulodon von Haast, 1876
- Nodus Wagler, 1830
- Paikea Oliver, 1922
Clasificación
A sistemática do xénero baséase na forma e disposición dos dentes dos machos adultos.[5]
Segundo o SIIT, e máis a EOL, comprende as seguintes 15 especies:[1][6]
Xénero Mesoplodon Gervais, 1850
- Mesoplodon bidens (Sowerby, 1804) — zifio de Sowerby ou cifio de Sowerby
- Mesoplodon bowdoini Andrews, 1908
- Mesoplodon carlhubbsi Moore, 1963
- Mesoplodon densirostris (Blainville, 1817) — zifio de Blainville ou cifio de Blainville
- Mesoplodon europaeus (Gervais, 1855) — zifio de Gervais, cifio de Gervais ou zifio europeo
- Mesoplodon ginkgodens Nishiwaki & Kamiya, 1958
- Mesoplodon grayi Von Haast, 1876
- Mesoplodon hectori (Gray, 1871)
- Mesoplodon hotaula Deraniyagala, 1963
- Mesoplodon layardii (Gray, 1865)
- Mesoplodon mirus True, 1913 — zifio de True ou cifio de True
- Mesoplodon perrini Dalebout, Mead, Baker, Baker & van Helden, 2002
- Mesoplodon peruvianus Reyes, Mead & Van Waerebeek, 1991
- Mesoplodon stejnegeri True, 1885
- Mesoplodon traversii (Gray, 1874)
Notas:
1. Os nomes vulgares galegos das especies arriba relacionadas son os propostos por Lahuerta e Vázquez, no seu Vocabulario multilingüe (os escritos en letra grosa),[7] e por Díaz d'a Silva e Cartelle (os escritos en letra normal).[8]
2. Dado que a Real Academia Galega dá para o nome da familia o de zifíidos,[9] e aínda que non rexistra a entrada zifio, por lóxica estes nomes deben escribirse con z inicial.
Remove ads
En Galicia
Segundo Díaz d'a Silva e Caretelle, rexístranse en augas próximas a Galicia as especies Mesoplodon bidens, M. densirostris, M. europaeus e M. mirus, aínda que a súa presenza é accidental.[8]
Áreas de dispersión das especies citadas en Galicia
Notas
Véxase tamén
Wikiwand - on
Seamless Wikipedia browsing. On steroids.
Remove ads