Parophrys vetulus
From Wikipedia, the free encyclopedia
Remove ads
Parophrys vetulus é un peixe teleósteo da orde dos pleuronectiformes, familia dos pleuronéctidos e subfamilia dos pleuronectinos,[1] a única do xénero Parophrys,[2] e coñecida en galego como linguado limanda do Pacífico.[3]
É un peixe plano mariño, demersal, que habita en augas costeiras pouco profundas, salgadas e salobres, do Pacífico oriental, desde o mar de Bering polo norte até a Baixa California polo sur.
Trátase dunha especie de grande importancia comercial, principalmente nos estados de Washington, Oregón e California.
Remove ads
Taxonomía
Descrición
Tanto o xénero como a especie foron descritas en 1854 polo ictiólogo estadounidense de orixe francesa Charles Frédéric Girard.[1]
Sinónimos
Ademais de polo nome actualmente válido, que é o orixinario que lle deu Girard, a especie coñeceuse tamén ao longo do tempo polos seguintes sinónimos:[1]
- Parophrys hubbardii Gill, 1862
- Parophrys vetula Girard, 1854 (incorrecto gramaticalmente)
- Pleuronectes digrammus Günther, 1862
- Pleuronectes vetulus (Girard, 1854)
Etimoloxía
Xénero
O nome xenérico, Parophrys, está formado polo elemento do latín científico para-, tirado do grego antigo παρα- para-, derivada de παρά pará, "ao lado", "cerca de", e o nome do grego antigo οφρύς ophrýs, "cella".
Especie
E o específico, do latín vetulus, -i, "home vello".
Remove ads
Características
Parophrys vetulus é un peixe plano con ambos os ollos situados no lado dereito do seu corpo deprimido, de forma de rombidal.
A súa cabeza é pequena, cun fociño aguzado, coa boca pequena e asimétrica.
A cara superior está cuberta de escamas ásperas, e adoita ser de cor parda uniforme, aínda que en ocasións presenta pequenas manchas; a cara inferior é lisa e de cor que vai da branca a amarela pálida.
Os bordos das aleta dorsal e anal son máis escuros.
A liña lateral é basicamente recta, describindo porén unha pequena curva sobre a aleta pectoral.[4]
A súa columna vertebral está formada por de 41 a 44 vértebras. A aleta dorsal está sustentada por de 72 a 92 raios, e a anal por de 45 a 70.[5]
Os machos poden alcanzar un tamaño máximo de até os 49 cm,[6] mentres que as femias poden chegar até os 57 cm; porén a lonxitude media dos espécimes capturados é duns 33 cm. O peso máximo rexitrado foi de 1,5 kg.[7]
Remove ads
Bioloxía
Hábitat e distribución
Parophrys vetulus é un peixe mariño, demersal, oceanódromo que habita en augas costeiras pouco profundas,[6] salgadas e salobres, entre os 0 e os 550 m de profundidade,[8]
Os adultos habitan en fondos areosos e lamacentos, e os individuos xuvenís encóntranse na zona intermareal.[9]
A súa distribución abarca as costas do nordeste do Pacífico, entre os 66° N e os 26° N, e entre os 170° W e os 110° W,[5] desde o mar de Bering até a bahia San Cristóbal, na Baixa California.[10]
Alimentación
A dieta do linguado limanda do Pacífico consiste sobre todo en organismos zoobentónicos: invertebrados como pequenos crustáceos e moluscos, veremes mariños e ofiúras.[11]
Lonxevidade
A idade máxima rexistrada para esta especie foi de 22 anos.[12]
Pesca
Parophrys vetulus é unha especie de grande importancia comercial, pescándose no Pacífico oriental, nas zonas de pesca 67 e 77,[3] case exclusivamente mediante artes de arrastre, dese 1876. Existen dúas pesquerías importantes: unha na costa oeste dos Estados Unidos (nos estados de Washington, Oregón e California), e outra no mar de Bering, en Alasca.[13]
Notas
Véxase tamén
Wikiwand - on
Seamless Wikipedia browsing. On steroids.
Remove ads