Pilar Hidalgo
triatleta galega From Wikipedia, the free encyclopedia
Remove ads
Pilar Hidalgo Iglesias, nada en Cee o 3 de maio de 1979, é unha ex-triatleta galega.
Traxectoria
En 2000 conseguiu os seus primeiros podios na Copa do Mundo de Tríatlon, con dous bronces en Toquio[1] e en Cancún.[2] Na cidade mexicana proclamouse, amais, campioa do mundo de ácuatlon [3] Ese mesmo ano quedou segunda no campionato de Europa sub-23 en Irlanda e subcampioa de España.[4][5] Dous anos despois, converteuse en campioa do Mundial sub-23 de tríatlon.[6]
En 2003 conseguiu o bronce no Campionato Europeo de Tríatlon de Valencia[7] e proclamouse campioa de España de tríatlon. Sumou, ademais, dous novos bronces nos Mundiais de Madrid[8] e de Atenas.[9] O ano seguinte revalidou o título do campionato de España[6] e logrou a prata na proba da Copa do Mundo de Tríatlon en Hungría.[10]
Participou nos Xogos Olímpicos de 2004 en Atenas e chegou á meta na posición 13ª,[11] cun tempo final de 2:07'37"34, lonxe das súas propias expectativas. Despois de Atenas obtivo outra prata na Copa do Mundo en Hamburgo.[12] Logo entrou nunha forte crise deportiva, acompañada dunha lesión que a mantivo case totalmente afastada da competición durante tres anos.
O 25 de marzo de 2007 regresou á alta competición na Copa do Mundo de Tríatlon de Mooloolaba (Australia), mais non conseguiu chegar á meta. O 6 de setembro de 2009, durante o Tríatlon de Puigcerdà, sufriu unha arritmia e o corazón púxoselle a 280 pulsacións por minuto.[6] Tivo que ser evacuada en helicóptero e ingresada na UCI.[13] Foille diagnosticada unha hipertrofia ventricular que a obrigou a deixar o deporte de maneira definitiva.[14]
En 2011 declarou que sufría bulimia nerviosa dende os 15 anos.[15]
Remove ads
Mellores resultados
- Campioa do mundo de ácuatlon en Cancún, México (2000)
- Subcampioa de Europa de tríatlon sub-23 en Enniskillen, Irlanda (2000)
- Campioa do mundo de tríatlon sub23 (2002)
- Campioa de España (2003 e 2004) e subcampioa (2000 e 2002)
- Bronce no Campionato de Europa de Tríatlon de Valencia (2004)
Ácuatlon
![Ouro[Ligazón morta]](http://gl.wikipedia.org/wiki/Ficheiro:Gold_medal.svg){kind=small}
Tríatlon
![Bronce[Ligazón morta]](http://gl.wikipedia.org/wiki/Ficheiro:Bronze_medal.svg){kind=small}
![Prata[Ligazón morta]](http://gl.wikipedia.org/wiki/Ficheiro:Silver_medal.svg){kind=small}
Remove ads
Notas
Véxase tamén
Wikiwand - on
Seamless Wikipedia browsing. On steroids.
Remove ads