Pleociemados

A dos pleociemados (Pleocyemata), do grego πλέω pléo, "nadar" e κυέω kyéo, "estar embarazada", é unha suborde de crustáceos decápodos fundada por Martin Burkenroad en 1963.^[1]

Pleociemados (Pleocyemata) Rango fósil: Devoniano - actualidade
Femia ovada de Potamon fluviatile co pleon mantido aberto para mostrar os ovos que leva nos pleópodos.
Clasificación científica
Reino: Animalia Filo: Arthropoda Subfilo: Crustacea Clase: Malacostraca Orde: Decapoda Suborde: Pleocyemata Burkenroad, 1963
Infraordes
Véxase o texto

A clasificación de Burkenroad substituíu as antigas subordes de Natantia (nadadores) e Reptantia (reptadores) polos grupos monofiléticos Dendrobranchiata e Pleocyemata.

Os pleociemados inclúen todos os membros dos reptadores (incluíndo cangrexos, lagostas, lumbrigantes, nécoras, cigalas e outros), así como os estenopodideos (Stenopodidea) e os carideos (Caridea) (que comprenden os camaróns).

Infraordes

A suborde dos pleociemados comprende as infraordes seguintes::^[2]

• Stenopodidea
• Caridea
• Astacidea
• Glypheidea
• Axiidea
• Gebiidea
• Achelata
• Polychelida
• Anomura
• Brachyura

Estes taxons comparten unha serie de características, a máis importante delas é que os ovos fecundados son incubados polas femias e permanecen pegados aos pleópodos (patas nadadoras) até que están listos para eclosionar. É esta característica a que lle dá o nome ao grupo.

O fósil máis antigo representativo do grupo é Palaeopalaemon, do Devoniano.^[3]