Ponteceso
concello da comarca de Bergantiños, na provincia da Coruña From Wikipedia, the free encyclopedia
Remove ads
Ponteceso é un concello da provincia da Coruña, pertencente á comarca de Bergantiños. Segundo o IGE no ano 2018 tiña 5.565 habitantes (5.789 no ano 2015, 6.065 no 2012, 6.134 no 2011, 6.215 no 2010). O seu xentilicio (véxase no Galizionario) é «pontecesán».
Para outras páxinas con títulos homónimos véxase: Ponteceso.
Remove ads
Xeografía
Situación
Limita cos concellos de Cabana de Bergantiños, Carballo, Coristanco e Malpica de Bergantiños. Está formado por 14 parroquias, sendo as máis poboadas as de Tella (1.102 habitantes no 2018), Corme Porto (1.077 habitantes no 2018) e Cospindo (679 habitantes no 2018). Os centros médicos atópanse no lugar de Ponteceso e en Corme Porto, onde se sitúa tamén o único porto pesqueiro do concello.
Demografía
| Evolución da poboación de Ponteceso Fontes: INE e IGE. | ||||||||||||||||||
| 1900 | 1930 | 1950 | 1981 | 2004 | 2009 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | 2021 | 2022 | 2023 |
| 6.987 | 8.517 | 9.323 | 8.714 | 6.810 | 6.302 | 6.134 | 6.065 | 5.964 | ||||||||||
| (Os criterios de rexistro censual variaron entre 1900 e 2004, e os datos do INE e do IGE poden non coincidir.) | ||||||||||||||||||
Remove ads
Cultura
Toponimia
O topónimo da vila provén do latín Ponte caesa (que significa Ponte pechada ou cortada). Algúns historiadores afirman que o topónimo débese a que a ponte orixinal, de orixe romana que unía os actuais municipios de Cabana de Bergantiños e Ponteceso, se derrubou dando lugar ao nome ponte caesa (ponte cortada).[Cómpre referencia]
O primeiro censo no que se nomea o concello co nome de Ponteceso é o de 1877. Anteriormente o concello foi coñecido co nome de Bugalleira.[1]
Remove ads
Etnografía
Festas e celebracións
En Ponteceso celébranse multitude de festas de toda índole: relixiosas, pagás e gastronómicas.
Na primeira semana de xullo celébrase a Festa do percebe, e a segunda fin de semana de setembro celébrase a festa da Barquiña que é a festa principal do concello sendo o luns e o martes días festivos locais.
Outras festas relevantes son a da Virxe do Faro, celebrada o 8 de setembro, e a de San Bernardo da Graña, celebrada o 20 de agosto. Ademais no Día das Letras Galegas celébranse varias actividades culturais no Couto.
Entre as festas destacan:
- Na parroquia de Brantuas:
- San Xulián o día 7 de xaneiro, este santo é o patrón da parroquia.
- Romaría da Virxe do Faro, celebrase o 8 de setembro,
- O Sacramento que se celebra o primeiro domingo de agosto
- Na parroquia de Cospindo:
- Día das Letras Galegas celébranse varias actividades culturais no Couto.
- Festa da Barquiña que é a segunda fin de semana de setembro, esta é a festa principal do concello sendo o luns e o martes días festivos locais.
- Na parroquia de Corme Porto:
- Na primeira semana de xullo celébrase a Festa do percebe.
- O 16 de xullo (con véspera o 15 ) celébrase a Festa do Carme.
- O último domingo de agosto (con véspera o sábado) e o luns e martes seguintes celébrase a festa de San Roque.
- O 24 de setembro (con véspera o 23) celébranse as festas patronais na honra da Virxe dos Remedios.
- Na parroquia da Graña:
- San Bernardo da Graña, celebrase o 20 de agosto
Economía
A agricultura en Ponteceso ten certa importancia, con cultivos como millo e pataca. Nos últimos anos o municipio desenvolveu un bo sector turístico arredor da vila mariñeira de Corme. Na capital pontecesán o comercio e os servizos son as actividades maioritarias. As capturas de diversos mariscos, como por exemplo o percebe, son tamén importantes para a economía local.
Galería de imaxes
- Artigo principal: Galería de imaxes de Ponteceso.
Ponte sobre o río Anllóns
Pazo Pondal
Capela da Virxe do Faro
Praia de Balarés
.jpg)
Notas
Véxase tamén
Wikiwand - on
Seamless Wikipedia browsing. On steroids.
Remove ads