L-selectina

A L-selectina (selectina leucocitaria), tamén coñecida como CD62L ou SELL, é unha molécula de adhesión celular que se encontra en leucocitos e no embrión preimplantación. Pertence á familia das proteínas selectinas, que recoñece grupos carbohidratos sialilados. En humanos está codificada no xene SELL do cromosoma 1. É cortada polo encima ADAM17.

L-selectina
Estruturas dispoñibles
PDB	Buscar ortólogos: PDBe, RCSB  Lista de códigos PDB 2LGF , 3CFW
Identificadores
Nomenclatura	Outros nomes SELL, CD62L, LAM1, LECAM1, LEU8, LNHR, LSEL, LYAM1, PLNHR, TQ1, selectina L
Identificadores externos	OMIM: 153240 MGI: 98279 HomoloGene: 539 EBI: SELL GeneCards: Xene SELL UniProt: SELL
Locus	Cr. 1 q24.2
Ontoloxía Xénica Referencias: AmiGO / QuickGO
Padrón de expresión de ARNm
Máis información
Ortólogos
Especies	Humano Rato
Entrez	6402 20343
Ensembl	Véxase HS Véxase MM
UniProt	P14151 P18337
RefSeq (ARNm)	NM_000655 NM_001164059
RefSeq (proteína) NCBI	NP_000646 NP_001157531
Localización (UCSC)	Cr. 1: 169.69 – 169.71 Mb Cr. 1: 164.06 – 164.08 Mb
PubMed (Busca)	6402 20343

O CD62L ou L-selectina é un compoñente de superficie que é membro dunha familia de receptores de adhesión/guiado (homing) que desempeñan importantes funcións nas interaccións celulares linfocito-endoteliais. A molécula está composta por múltiples dominios: un deles homólogo das lectinas, outro do factor de crecemento epidérmico e dous homólogos das unidades repetidas consenso que se encontran en proteínas que se unen a C3/C4.^[1]

Ligandos

• GlyCAM-1, que se encontra nas vénulas de endotelio alto dos ganglios linfáticos.
• CD34, que se encontra nas células endoteliais.
• MadCAM-1, que se encontra nas células endotelaiis do tecido linfoide asociado ao intestino.
• PSGL-1, que se une con baixa afinidade.

Función

A L-selectina actúa como un "receptor de guiado" ("homing receptor") para que os linfocitos entren nos tecidos linfoides a través das vénulas de endotelio alto. Os ligandos presentes nas células endoteliais únense aos linfocitos que expresan a L-selectina, facendo máis lento o tráfico de linfocitos polo sangue e facilitando a entrada no órgano linfoide secundario nese punto.^[2] O receptor adoita encontrarse na superfice de células T. Os linfocitos T virxes, que non se atoparon aínda co seu antíxeno específico, necesitan entrar nos ganglios linfáticos secundarios para encontrarse co seu antíxeno. Os linfocitos T de memoria centrais, que encontraron o seu antíxeno, expresan L-selectina para quedaren localizados en órganos linfoides secundarios. Alí, quedan como residentes, listos para proliferar se volven encontrarse co seu antíxeno. Os linfocitos T de memoria efectores non expresan L-selectina, xa que circulan na periferia e teñen funcións efectoras inmediatas cando se encontran co seu antíxeno.

Unha alta expresión de L-selectina nas células proxenitoras da medula ósea humana é un signo temperán de que as células quedaron destinadas á diferenciación linfoide.^[3]

A L-selectina está tamén presente na superficie dos trofoblastos do embrión humano antes da súa implantación no útero. De xeito similar á súa función nos linfocitos, a L-selectina actúa aquí como receptor para facilitar a adhesión do embrión no sitio de invasión no epitelio superficial do endometrio uterino. O embrión segrega a hormona gonadotropina coriónica humana (hCG), que regula á baixa o factor anti-adhesión, MUC-1, localizado no epitelio uterino no sitio de invasión. A retirada de MUC-1 expón os ligandos oligosacáridos do epitelio uterino, o que permite a unión ao receptor da L-selectina da célula trofoblástica, seguida da adhesión do embrión e a invasión.^[4]

A L-selectina foi tamén utilizada para identificar células B activadas con diferentes resultados na futura misión da célula, e a perda da L-selectina serve para distinguir as células B activadas destinadas a diferenciarse en células secretoras de anticorpos.^[5]