Struthio

Struthio é un xénero de aves da orde dos Struthioniformes, cuxos membros reciben o nome de avestruces. Deste xénero existen dúas especies vivas, a avestruz común (Struthio camelus) e a avestruz de Somalia (Struthio molybdophanes). Coñécense tamén especies fósiles asignadas a este xénero, algunhas das cales se extinguiron hai uns poucos miles de anos como S. asiaticus.

Para a avestruz común S, camelus ver avestruz.

Struthio Rango fósil: Mioceno-Holoceno, 23 Ma-0 Ma PreЄ Є O S D C P T J K Pg N
Struthio camelus australis unha subespecie da avestruz común no West Coast National Park
Clasificación científica
Reino: Animalia Filo: Chordata Clase: Aves Orde: Struthioniformes Familia: Struthionidae Xénero: Struthio Linnaeus, 1758[1]
Especie tipo
Struthio camelus Linnaeus, 1758
Especies
†Struthio coppensi †Struthio linxiaensis †Struthio orlovi †Struthio wimani †Struthio brachydactylus †Struthio asiaticus †Struthio dmanisensis †Struthio oldawayi Struthio molybdophanes Struthio camelus
Sinonimia
Palaeostruthio Burchak-Abramovich 1953 Struthiolithus Brandt 1873 Megaloscelornis Lydekker 1879 Autruchon Temminick 1840 fide Gray 1841 (nomen nudum)

Historia

O xénero Struthio foi descrito por primeira vez por Carl Linnaeus en 1758. O xénero foi usado por Linnaeus e algúns outros dos primeiros taxónomos para incluír o emú, o ñandú e o casuario, ata que estes foron situados nos seus propios xéneros.^[1] A avestruz de Somalia Struthio molybdophanes foi recoñecida como especie separada recentemente pola maioría das autoriades (antes era subespecie da avestruz común), mentres que outras autoridades están aínda revisando as evidencias.^[2][3]

Ovo de avestruz común Struthio camelus no MHNT

Macho da avestruz de Somalia S. molybdophanes na sabana de Kenya, mostrando o seu pescozo azul

Especies

Coñécense nove especies dentro deste xénero, das cales sete están extingjidas. Outras tres especies máis: S. pannonicus, S. dmanisensis (a avestruz xigante) e S. transcaucasicus, foron transferidas ao xénero Pachystruthio en 2019.^[4] Outras formas fósiles son icnotaxons que só se coñecen polas pegadas ou trazas que deixaron os organimos e a súa asociación coas especies descritas por ósos é polémica e pendente de ulteriores revisións.^[5]

As especies son:

• †Struthio coppensi (Mioceno temperán de Elizabethfeld, Namibia)
• †Struthio linxiaensis (Mioceno tardío Liushu de Yangwapuzijifang, China)
• †Struthio orlovi (Mioceno tardío de Moldavia)
• †Struthio karingarabensis (Mioceno tardío – Plioceno temperán do suroeste e centro leste de África) – oospecie(?)
• †Struthio kakesiensis (Plioceno temperán de Laetoli, Tanzania) – oospecie
• †Struthio wimani (Plioceno temperán da China e Mongolia)
• †Struthio daberasensis (Plioceno temperán e medio de Namibia) – oospecie
• †Struthio brachydactylus (Plioceno de Ucraína)
• †Struthio chersonensis (Plioceno do sueste de Europa ata o centro oeste de Asia) – oospecie
• †Struthio asiaticus, (Plioceno temperán – Plistoceno tardío de Asia central á China ?e Marrocos)
• †Struthio oldawayi (Plistoceno temperán de Tanzania) – probablemente subespecie de S. camelus
• †Struthio anderssoni – no norte da China/Mongolia^[6][7] oospecie(?)
• Struthio camelus, avestruz común
• Struthio molybdophanes, avestruz de Somalia.