Trigonobalanus

Trigonobalanus é un pequeno xénero de plantas pertencente á familia das fagáceas.

Trigonobalanus
Trigonobalanus doichangensis no Xardín Biotánico de Kunming, Yunnan, China
Clasificación científica
Reino: Plantae División: Magnoliophyta Clase: Magnoliopsida Orde: Fagales Familia: Fagaceae Xénero: Trigonobalanus Forman, 1962
Especies
Véxase o texto
Sinonimia
Véxase o texto

Comprende tres especies de árbores perennifolios, relacionadoss coas faias e os castiñeiros, propios das rexións tropicais de Asia e o Sueste Asiático, e de Suramérica.

Taxonomía

Descrición

O xénero foi descrito en 1962 polo botánico inglés Lewis Leonard Forman.^[1]

Etimoloxía

o nome do xénerto, Trigonobalanus, está formado pola unión dos elementos do latín científico trigono- e -balanus. O primeiro deriva do grego antigo τρί-γωνον trígōnon, "tiángulo",^[2] e o segundo ´o termo do latín clásico balanus, "landra" (derivado á súa vez do grego antigo βάλανος bálanos, co mesmo significado.^[3]

Sinónimos

Ademais de polo nome actualmente válido, o xénero coñeceuse tamén polos sinónimos:^[1][4]

• Colombobalanus Nixon & Crepet
• Formanodendron Nixon & Crepet

Especies

O xénero comprende as seguintes tres especies:^[1]

• Trigonobalanus doichangensis (A.Camus) Forman
• Trigonobalanus excelsa Lozano, Hern. Cam. & Henao
• Trigonobalanus verticillata Forman

Nota taxonómica

Algúns botánicos tratan as tres especies en xéneros separados.^{[Cómpre referencia]}

Hábitat e distribución

• Trigonobalanus doichangensis. Subtropical, habita desde a provincia chinesa deYunnan até o norte de Tailandia.
• Trigonobalanus excelsa é endémico de Colombia.
• Trigonobalanus verticillata Tropical, encóntrase en Indonesia e Malaisia.

A útima especis en describirse foi Trigonobalanus excelsa, no bosque subandino anubrado do val superior do río Magdalena, no Parque Nacional Cueva de los Guácharos, Colombia. O xénero era coñecido anteriormente en Indonesia (Célebes), a Federación de Malaisia ​​(Malaia, Sarawak e Sabah) e Tailandia.^[5]