Voz Audiovisual

Voz Audiovisual, é unha sociedade anónima constituída pola Corporación Voz de Galicia o 13 de decembro de 1996 co obxectivo de dedicarse á produción audiovisual e de vídeo,^[1] coa intención de introducise no mercado audiovisual galego, nacional e internacional.

Voz Audiovisual
Instancia de	empresa
Data
Fundación	1985
Localización
País	España
Enderezo	Gambrinus, 97, 15008
Sede	Polígono industrial A Grela - Bens
Fontes e ligazóns
Páxina WEB	vozaudiovisual.es
[ Wikidata ]

A súa sede está na rúa Gambrinus, nº 97, no Polígono industrial A Grela - Bens, A Coruña.^[1]

Clasificación na lista de actividades económicas CNAE 2009

Voz Audiovisual está clasificada dentro da lista de actividades do organismo estatal Clasificación Nacional de Actividades Económicas (CNAE 2009) como:^[1]

• 5915: Actividades de produción cinematográfica e de vídeo.
• 591: Actividades cinematográficas, de vídeo e de programas de televisión.
• 59: Actividades cinematográficas, de vídeo e de programas de televisión, gravación de son e edición musical.

Datos de persoal e económicos

A empresa ten un tamaño por empregados situado no grupo de "entre 50 e 250", entre os que figuran 12 administradores ou directivos. De entre os balances dispoñíbeis, o último depositouse no rexistro mercantil en 2017. As vendas apuntadas no balance están no grupo de "entre 6 e 30 millóns de euros".^[1]

Evolución de empregados [1]
	2013	2014	2015	2016	2017
Fixos	37,14 %	39,06 %	33,48 %	26,41 %	34,04 %
Eventuais	62,85 %	60,93 %	66,21 %	73,58 %	65,95 %

Evolución de vendas [1]
	2015	2016	2017
Variación	—	149,71 %	- 10,04 %

Equipo de dirección

O equipo de dirección de Voz Audiovisual está formado por:^[1][2]

• Administrador único: La Voz de Galicia S.A.
• Apoderado: Santiago Pérez Otero
• Directora: Fernanda Tabarés
• Directora de Produción: Paula Fernández González
• Director de Desenvolvemento: Alberto Guntín Araújo
• Director Técnico: Anxo Noya Castro
• Xefa de Produción / Servizos a empresas: Raquel Diz Infante
• Financeiro: Cristina García Beceiro

Algunhas producións

Series de televisión

A empresa especializouse na creación de series de televisión, programas de entretemento, telefilmes, longametraxes e documentais.

Entre as súas producións destacan:^[2]

Emitidas pola TVG

• Mareas vivas (que foi a primeira)
• Matalobos
• Padre Casares
• Terra de Miranda
• As leis de Celavella
• A vida por diante
• Chapa e pintura
• A miña sogra e mais eu
• Serramoura
• O final do camiño
• Urxencia cero
• Viradeira

Cómpre sinalar que a serie Padre Casares foi adaptada e transmitida por outras canles autonómicas: como Canal Sur, TV3, ETB, e outras.^[3] A IB3 das Baleares realizou unha adaptación en mallorquín, Mossèn Capellà, o Canal Sur andaluz emitiuna dobrada ao castelán, co título Padre Medina, e o Canal 9 en valencián, como Senyor retor; dúas canles máis, Telemadrid e Castilla-La Mancha Televisión, emitírona dobrada ao castelán,^[4][5]

Así mesmo, que Serramoura pode verse en Rusia, dobrada ao ruso, desde o 25 de outubro de 2016 a través das canles de AXN SciFi (nome comercial co que opera a plataforma de televisión da multinacional Sony na Federación Rusa), que conta alí con 43 plataformas de difusión para todo o territorio. A serie emitirase na Federación Rusa baixo o título Черный лес (Cherniy les, tradución do título en inglés baixo o que se comercializa internacionalmente Serramoura (Black Forest, 'Bosque negro') a través da compañía de distribución Imagina International Sales, que xa avanza na negociación de novas vendas desta produción de Voz Audiovisual para TVG.^[6]

Emitidas por outras canles

• Desaparecida, coproducida polo Grupo Ganga e emitida por TVE, e a súa secuela
• UCO: Unidad Central Operativa, coproducida polo Grupo Ganga e emitida por TVE
• Nada es para siempre, emitida por Antena 3
• Néboa, emitida por TVE.

Documentais

• Vida nas mareas
• Camiño de Santiago
• Humedales del noroeste de España
• O mundo de Celavella

Programas de humor e entretemento

• A terra dos prodixios
• Son de estrelas
• Con perdón
• Perdelo todo
• As favoritas
• Mundo verbena
• Son de verán
• Buscando estrelas

Telefilmes

• La rosa de Alejandría
• Cita mortal en Up and Down
• Los mares del Sur (as tres, telefilmes da serie Pepe Carvalho)
• Vacas, porcos e zapatos de tacón

Participación na produción de filmes

• Se buscan fulmontis
• A lingua das bolboretas
• O menor dos males
• De bares
• Catalina

Teatro

• Gaivotas subterráneas, de Alfonso Vallejo, con Luís Iglesia e Xabier Deive.