sentir

sentir1

• Etimoloxía: do latín sentīre.

• Pronuncia: [senˈtiɾ] (AFI)

Verbo transitivo

sentir

1. Percibir por calquera dos sentidos, agás o da vista, e en especial polo oído.
   • Exemplo: Sentir un ruído. Sentir un cheiro. Sentir a radio.
     

1. Ter sentimentos, emocións ou sensacións.
   • Exemplo: Sentir ledicia. Sentir medo. Sentir frío.
     

1. Mostrar congoxa ou arrepentimento por algo.
   • Sinónimos: lamentar.
   • Exemplo: Sinto que fose así.
     

1. Padecer os efectos de algo negativo.
   • Exemplo: Os pulmóns senten o fume dos coches.
     

1. Discernir ou coñecer por medio da intuición.
   • Sinónimos: decatarse, notar.
   • Exemplo: Sentía o que lle viña encima. Digo o que sinto.
     

1. Ter sensibilidade para algo.
   • Exemplo: Sente a música.
     

Verbo pronominal

sentirse

1. Atoparse conscientemente nun determinado estado físico ou psicolóxico.
   • Exemplo: Séntese mal, pois dóelle o estómago.
     

Traducións

• Alemán: fühlen ^(de)
• Italiano: sentire ^(it)

Conxugación

Verbo semirregular da 3ª conxugación    

Formas impersoais

Infinitivo	sentir
Xerundio	sentindo
Participio	sentido, sentida, sentidos, sentidas

Formas persoais

		singular			plural
		primeira	segunda	terceira	primeira	segunda	terceira
Modo Indicativo	Presente	sinto	sentes	sente	sentimos	sentides	senten
	Copretérito	sentía	sentías	sentía	sentiamos	sentiades	sentían
	Pretérito	sentín	sentiches	sentiu	sentimos	sentistes	sentiron
	Antepretérito	sentira	sentiras	sentira	sentiramos	sentirades	sentiran
	Futuro	sentirei	sentirás	sentirá	sentiremos	sentiredes	sentirán
	Pospretérito	sentiría	sentirías	sentiría	sentiriamos	sentiriades	sentirían
Modo Subxuntivo	Presente	sinta	sintas	sinta	sintamos	sintades	sintan
	Pretérito	sentise	sentises	sentise	sentísemos	sentísedes	sentisen
	Futuro	sentir	sentires	sentir	sentirmos	sentirdes	sentiren
Modo Imperativo	Afirmativo		sinte	sinta1		sentide	sintan1
	Negativo		sintas	sinta1		sintades	sintan1
Infinitivo conxugado		sentir	sentires	sentir	sentirmos	sentirdes	sentiren

1 Vostede(s)

Francés

sentir

Infinitivo	Participio
sentir	senti

1. sentir.