Ջիմ Քերրի

Ջեյմս (Ջիմ) Քերրին (անգլ.՝ James Eugene Carrey, հունվարի 17, 1962(1962-01-17)^{[1][2][3][…]}, Նյումարքեթ, Օնտարիո, Կանադա), կանադացի դերասան, կատակերգու, հայտնի է կատակերգական դերերով^[4][5]։ Քերրին 6 անգամ առաջադրվել է Ոսկե Գլոբուս մրցանակի և ստացել 2-ը։ Հայտնի լինելով իր բարձր էներգետիկ կատարումներով՝ նա բնութագրվել է որպես Հոլիվուդի ամենամեծ աստղերից մեկը։ Քերրին ձեռք բերեց ճանաչում, երբ 1990 թվականին նկարահանվեց կրկնվող դերում «Կենդանի Գույն» սկետչ կինոկատակերգությունում։ Քերրիի առաջին գլխավոր դերը եղել է Մարկ Քենդալլի դերը «Մի անգամ կծվածը» ֆիլմում (1985 թ.): Իր առաջին գլխավոր դերերը մեծ կինոարտադրությունում խաղացել է «Էյս Վենտուրա։ Ընտանի կենդանիների խուզարկուն» (1994 թ.), «Հիմարը և ավելի հիմարը» (1994 թ.), «Դիմակը» (1994 թ.) և «Էյս Վենտուրա 2։ Երբ կանչում է բնությունը» (1995 թ.) ֆիլմերում։ 1997 թվականին նա խաղաց քննադատության արժանացած դեր «Ստախոս, ստախոս» ֆիլմում, որը նրան բերեց Ոսկե Գլոբուս մրցանակը՝ որպես լավագույն դերասան։ Հետո նա նկարահանվեց «Թրումանի շոուն» (1998 թ.) և «Մարդը լուսնի վրա» (1999 թ.) ֆիլմերում, որոնք բերեցին նրան Ոսկե Գլոբուս մրցանակ լավագույն դերասան անվանակարգում։

Ջիմ Քերրի անգլ.՝ Jim Carrey
Ծնվել է	հունվարի 17, 1962(1962-01-17)[1][2][3][…] (63 տարեկան)
Ծննդավայր	Նյումարքեթ, Օնտարիո, Կանադա
Կրթություն	Agincourt Collegiate Institute?, Aldershot School?, Northview Heights Secondary School? և Blessed Trinity Catholic School?
Քաղաքացիություն	ԱՄՆ և  Կանադա
Մասնագիտություն	կատակերգու, կինոպրոդյուսեր, հնչյունավորող, սցենարիստ, հեռուստատեսային դերասան, դերասան, նկարիչ և ստենդ ափ երգիծաբան
Ծնողներ	հայր՝ Percy Carrey?, մայր՝ Kathleen Carrey?
Ամուսին(ներ)	Լորեն Հոլի և Melissa Womer?
Համատեղ ապրող(ներ)	Ռենե Զելվեգեր, Լորի Հոլդեն, Ջեննի ՄաքՔարթի և Ginger Gonzaga?
Երեխա(ներ)	Jane Carrey?
Պարգևներ և մրցանակներ	Կանադայի Փառքի ծառուղի MTV կինոմրցանակ լավագույն չարագործին MTV կինոմրցանակ լավագույն չարագործին MTV Movie Award լավագույն կատակերգական տեսարանի համար MTV կինոմրցանակ լավագույն համբույրի համար MTV Movie Award լավագույն դերակատարի համար MTV Movie Award լավագույն կատակերգական տեսարանի համար MTV Movie Award for Best Breakthrough Performance? և MTV Movie Award լավագույն կատակերգական տեսարանի համար

2000 թվականին նա ձեռք բերեց հետագա ճանաչում մարմնավորելով Գրինչին «Ինչպես Գրինչը գողացավ Ծննդյան տոները» ֆիլմում, իսկ հետո «Ամենակարող Բրյուսը» ֆիլմում (2003 թ.)։ Հաջորդ տարի նա սկսեց խաղալ «Մաքուր բանականության հավերժ փայլատակում» ֆիլմում (2006 թ.), որը նոմինացվեց բազում մրցանակների (Սեզար, BAFTA, Սատուրն, Ոսկե Գլոբուս, Օսկար)։ Քերրին, սակայն ոչ մի մրցանակ չհաղթեց։ Հետո նա սկսեց նկարահանվել «Լեմոնի Սնիկետի դժբախտ դեպքերի շարքը» (2004 թ.), «Խաբեբաներ Դիկը և Ջեյնը» (2005 թ.), «Միշտ ասա «Այո» (2008 թ.) և «Սուրբ Ծննդյան պատմություն» (2009 թ.) ֆիլմերում։ Վերջերս նա նկարահանվել է «Միստեր Պոպերի պինգվինները» (2011 թ.) և «Անհավանական Բերթ Ուանդերսթոունը» (2013 թ.) ֆիլմերում^[6]։

2013 թվականին նա հայտնվեց «Հարված հետույքին 2» ֆիլմում, որպես Գնդապետ։ Վիճաբանության արդյունքում ֆիլմի դուրս գալուց 2 ամիս առաջ նա չեղյալ հայտարարեց իր՝ ֆիլմին աջակցելը։ Նա հանդես էր եկել հայտարարությամբ իր թվիթերյան էջում՝ տեղադրելով նկարներ Սենդի Հուկ տարրական դպրոցից գրելով.

Այժմ մաքուր խղճով, ես չեմ կարող աջակցել այդօրինակ բռնությանը։ - Ջիմ Քերրի

Քերրին համաձայնեց փոխհատուցել իր դերը, որպես Լլոյդ «Հիմարը և ավելի հիմարը 2» ֆիլմում, որը արտադրվեց 2013 թվականին և ցուցադրվեց 2014 թվականի նոյեմբերին^[7][8][9]։

Վաղ կյանքը

Ջեյմս Էուգեն Քերրին ծնվել է Կանադայի Նյումարկետ քաղաքում։ Նա տնային տնտեսուհի Կեթրինի և երաժիշտ ու հաշվապահ Պերսի Քերրիի որդին է։ Նա ուներ մեծ եղբայր՝ Ջոնը և 2 քույր՝ Պատրիսիան և Ռիտան^[10]։ Ջեյմս Լիփթոնի հետ հարցազրույցի ժամանակ Քերրին ասել է.

«Հայրս երաժիշտ էր, ով ուներ մշտական աշխատանք իր երեխաներին պահելու համար։ Երբ նա կորցրեց իր աշխատանքը ամեն ինչ գլխիվայր շուռ եկավ։ Մենք միջին խավից իջանք ցածր խավ և ապրում էինք վագոնում։ 15 տարեկանում ես թողեցի դպրոցը և սկսեցի աշխատել որպես դռնապան` ընտանիքիս օգնելու համար։ Ես կցանկանայի բեյսբոլի փայտ ունենալ իմ դռնապանի զամբյուղում, որովհետև ես այնքան զայրացած էի, որ ուզում էի ինչ-որ մեկի սևը տալ»։

Երբ նրանց ընտանիքը տեղափոխվեց Սքարբուրգ Ջիմը սկսեց հաճախել Նյու Յորքի Սուրբ Երրորդության Կաթոլիկ դպրոց, կարճ ժամանակ անց հաճախել է Նորֆվեյ Հեյթս միջնակարգ դպրոցը (անգլ.՝ Northview Heights Secondary School)։ Քերրին երբեք չի ավարտել ավագ դպրոցը, քանի որ ստիպված էր աշխատել, որպեսզի օգնի իր ընտանիքին հաղթահարել տնտեսական ճգնաժամը։ Եվ միաժամանակ պետք է հոգ տաներ իր մոր մասին, ով պայքարում էր ծանր քրոնիականան հիվանդության դեմ^[11][12][13]։ Քերրին ապրել է Բուրլինգթոնում 8 տարի և հաճախել է Ալդերշոթի ավագ դպրոցը, որտեղ նա 1980-ական թվականներին բացել է «Գդալներ» (անգլ.՝ Spoons) խումբը։ Հեմիլթոն Սպեկթեյթորի հարցազրույցի ժամանակ Քերրին ասել է.

«Եթե իմ կարիերան շոու բիզնեսում հաջողության չհասներ, ես հավանաբար հիմա կաշխատեի Համիլթոնի Դոֆասկո պողպատի գործարանում։ Երբ նայում ես Բուրլինգթոն Բեյ միջով դեպի Համիլթոն, տեսնում ես հեռուն և մտածում՝ «այստեղ են էական գործերը իրականացվում»

Այս տեսանկյունից նա արդեն աշխատելու փորձ ուներ Ռիչմոն Հիլի գիտության փորձարկումների կենտրոնում^[14][15]։

Կարիերա

Վաղ աշխատանք

Մինչ Քերրին պայքարում էր աշխատանք և անուն ձեռք բերելու համար, նրա հայրը օգնում էր որդուն կոմիկի իմիջ ձեռք բերել մի բեմականացում՝ տանելով նրան Տորոնտոյի «Յուկ Յուկ» հումորային ակումբի դեբատին։ Քերրիի նմանակնումները ցնցեցին բոլորին և սա նրան մտածելու տեղիք տվեց, որպես պրոֆեսիոնալ զվարճացնող իր ունակությունների մասին։ Նրա ընտանքի ծանր ֆինանսական դրությունը դժվարեցնում էր Քերրիի հավակնությունների իրագործումը^[16]։ Վերջապես նրանց ընտանեկան դրությունը բարելավվում է, և նրանք նոր տուն են տեղափոխվում։ Ընտանեկան կայունության շնորհիվ Քերրին կարողանում է վերադառնալ բեմ՝ ավելի լավ բեմադրությամբ։ Կարճ ժամանակահատված հետո նա կես դրույքից անցավ մշտական վճարվող շոուների՝ ընթացքում ստեղծելով իր բարձր համբավը^[17]։ Մի տեսաբան Տորոնտո Սթարում գրել էր, որ Քերրին «իսկանան աստղ է, ով կյանքի է կոչվում»^[18]։

Քերրիին շուտով նկատում է կոմիկ դերասան Ռոդնի Դանգերֆիլդը, ով երիտասարդ կոմիկին առաջարկում է համաձայնագիր ստորագրել և սկսել իր շրջագայությունները։ Ի վերջո Դագերֆիլդը Քերրիին տանում է Լաս Վեգաս։ Շուտով Քերրին որոշում է տեղափոխվել Հոլիվուդ, որտեղ նա սկսում է հանդես գալ «Կատակերգության պահեստ» ( անգլ.՝ The Comedy Store) շոուում և 1982 թվականին հայտնվում է հեռուստատեսային «Իմպրովիզացիայի երեկո» ( անգլ.՝ An Evening at the Improv) ստենդ ափ շոուում։ Հաջորդ տարի նա ներկայացնում է իր դեբյուտը «The Tonight Show»-ում^[19]։

Չնայած նրա հայտնիությանը, որպես կոմիկ դերասան, Քերրիին սևեռեց իր ուշադրությունը ֆիլմարտադրության և հեռուստատեսության վրա՝ փորձելով 1980-1981 թվականներին դառնալ NBC-ի «Շաբաթ օրվա գիշերային կյանքը» (անգլ.՝ Saturday Night Live) շոուի դերակատար։ Քերրին չընտրվեց, որպես դերակատար, չնայած որ 1996 թվականի մայիսին և 2011 թվականի հունվարին ներկայացավ շոուին։ Նա դերակատարում ունեցավ մի քանի փոքր բյուտջե ունեցող ֆիլմերում, որոնցից էին «Ռետինե դեմքը» ֆիլմը (անգլ.՝ Rubberface 1981 թ.), «Կուպեր լեռը» ( անգլ.՝ Copper Mountain 1983 թ.)^[20]:

1984 թվականին Քերրին NBC-ում «Բադերի գործարան» անգլ.՝ The Duck Factory, շոուում խաղացել է գլխավոր դեր։ Ինչևէ այն դադարեցվեց հենց առաջին սեզոնի ընթացքում։ Չնայած շոուի դադարեցմանը, այն օգնեց Քերրիին ձեռք բերել աջակցող դերեր մի քանի ֆիլմերում. «Ընդմիշտ Վամպիր» (անգլ.՝ Once Bitten 1985 թ.), «Պեգգի Սյուն ամուսնացավ» (անգլ.՝ Peggy Sue Got Married 1986 թ.), «Մահվան խաղ» (անգլ.՝ The Dead Pool 1988 թ.) և «Կյանքը Մաթլ Դրայվում» (անգլ.՝ Doing Time on Maple Drive 1992 թ.)^[21]:

Երբ Քերրին վերադարձավ սթենդափ շոուների նա նորից կատարեց իր հին դերը երդվելով, որ չի ուզում հայտնի դառնալ ուրիշներին նմանակելով։

«Երբեմն դա, բառիս բուն իմաստով, վերածվում էր կռվի, որտեղ ես ստիպված էի պաշտպանել ինձ՝ իմ արածների համար։ Մարդիկ գոռում էին և իսկապես անզուսպ ու զայրացած էին ինձ վրա»։ - Ջիմ Քերրի

Ոմանքը նրան անխոհեմ համարեցին իր հին դերը նորից կատարելու համար, մինչ մյուսներին ավելի քան հետաքրքիր էր, թե Քերրին ինչ է փորձում անել։ Այդ մարդկանցից մեկը գրող և ռեժիսոր Ջուդ Ապատովն էր։ Զույգը միավորվեց, և նրանք սկսեցին միասին նյութեր գրել։ Քերրին շարունակեց ֆիլմերում և հեռուստատեսությամբ փոքր դերեր կատարել, որը բերեց իր կոլեգա Դեյմոն Ուեյանսի հետ ընկերությանը։ Դեյմոնը ներկայացրեց Քերրիին իր եղբորը ՝ Քենենին, ով նկարահանում էր «Կենդանի գույնը»(անգլ.՝ In Living Color for the new Fox network) սկետչ շոուն։ Քերրին վերջապես կատարեց կրկնվող դեր, որը առաջին անգամ ցուցադրվեց 1990 թվականի ապրիլի 15-ին։ Մինչև 3-րդ սեզոնը, քանի դեռ չէր համաձայնել ստանձնել իր առաջին կարևոր դերը Հոլիվուդում, Քերրին մեկն էր այն քիչ դերասաններից, ով օրիգինալ էր և պատրաստ էր ավելի մեծ բաների հասնել։

Փառքի ճանապարհ

Քերրին չզգաց իսկական աստղային փառքը, մինչև չխաղաց գլխավոր դեր «Էյս Վենտուրա։ Ընտանի կենդանիների խուզարկուն» կատակերգությունում (1994), որը ցուցադրվեց «Կենդանի գույնը» շոուի ավարտից ընդամենը մի քանի ամիս առաջ։ Չնայած նա համաձայնեց խաղալ գլխավոր դեր, Քերրին ցանկություն հայտնեց կատարել դերը միայն այն դեպքում, եթե թույլ տան ֆիլմի սցենարը հարմարեցնել իր պատկերացրածին։ Ֆիլմը անտեսվեց քննադատների կողմից, բայց դարձավ միջազգային հիթ և դարձրեց նրան բարձր վարձատրվող աստղ^[22]։

Այդ նույն տարին Քերրին ստացավ գլխավոր դեր «Դիմակ» և «Հիմարը և ավելի հիմարը» ֆիլմերում։ «Դիմակը» նրան բերեց իր առաջին «Ոսկե գլոբուս» մրցանակը լավագույն դերասան անվանակարգում։ Քննադատների կողմից լավ ընդունվելուց բացի «Հիմարը և ավելի հիմարը» ֆիլմը նաև մեծ առևտրային հաջողություն ունեցավ բերելով $270 միլիոն դոլլար եկամուտ, ինչպես նաև մեծացրեց Քերրիի երկրպագուների շրջանակը։

1995 թվականին նկարահանվեց Ջոել Շումախերի հետ, ով խաղում էր սուպեր հերոսի «Ընդմիշտ Բեթմեն» ֆիլմում^[23]։ Ֆիլմում Բեթմենը փորձում է կանգնեցնել երկդեմք Ռիդլերին, ով ուներ մի ստոր ծրագիր՝ Գոտեմ քաղաքի բնակիչների ուղեղներից տեղեկատվություն քամել։ Այդ նույն տարին Քերրին վերախաղաց իր դերը, որպես Էյս Վենտուրա «Էյս Վենտուրա 2։ Երբ կանչում է բնությունը» ֆիլմում^[24]։ Ինչպես նախորդը, այս ֆիլմը նույնպես լավ ընդունվեց հասարակության կողմից, բայց սուր քննադատվեց քննադատների կողմից։ Ինչևէ, այն մեծ հաջողություն ունեցավ և ի հավելում $40 միլիոն դոլլարին, որը ստացվեց հենց բացման օրերին, այն բերեց $212 միլիոն դոլլար շահույթ^[25][26]։

Քերրին վաստակեց $20 միլիոն դոլլար իր հաջորդ՝ «Մալուխագործը» ֆիլմից (1996)։ Ֆիլմի ռեժիսորն էր Բեն Սթիլերը։ Քերրին խաղում էր մի միայնակ և փոքր-ինչ տարօրինակ Չիպի՝ հեռուստալարեր ամրացնողի դերը, ով ներխուժում է իր հաճախորդներից մեկի կյանք։ Ֆիլմը այնքան էլ լավ չընդունվվեց քննադատների կողմից, բայց այնուամենայնիվ այն բերեց $102 միլիոն եկամուտ։ 1997 թվականին նա խաղաց բուռն արձագանք ստացած «Ստախոս, ստախոս» ֆիլմում։ Այստեղ նա խաղաց Ֆլետչեր Ռիդի դերը, ով հաջողակ իրավաբան էր, որը հիմնել էր իր կարիերան ստի և իր որդուն՝ Մաքսին տված խոստումները դրժելու հաշվին։ Շուտով Մաքսը ծննդյան երազանք է պահում, որ իր հայրը մեկ օրով չկարողանա ստել։ Քերրին խրախուսվեց իր դերի համար և վաստակեց իր 2-րդ «Ոսկե Գլոբուս» մրցանակը լավագույն դերասան անվանակարգում։

Ջանետ Մասլինը «Նյու Յորք Թայմզից» ասել է.

«Իր աղմկարար կարիերայի ընթացքում պարոն Քերրին հայտնվում է պարզ զավեշտական մեխանիզմում, իսկ հետևանքները շատ ավելի փոթորկալից և զվարճալի են, քան այս աշխարհիկ նյութերը կարող էին ապահովել» - Ջանետ Մասլին

^[27]

Քննադատական մոտեցում

Ջիմ Քերրին Կաննի կինոփառատոնին

Հաջորդ տարի նա որոշեց խաղալ Թրումեն Բուրբենկի լուրջ դերը երգիծական «Թրումանի շոուն» տրագիկ կոմեդիայում (1998)^[28]: Ֆիլմը գովեստի արժանացավ և Քերրիին ավելի մեծ միջազգային համբավ բերեց, ստիպելով բոլորին հավատալ, որ նա կներկայացվի «Օսկար» մրցանակի համար։ Ինչևէ նա ստացավ իր առաջին «Ոսկե Գլոբուս» մրցանակը, որպես լավագույն դերասան։ «Թրումենի շոուն» նաև առևտրային մեծ հաջողություն էր և բերեց $264 միլիոն եկամուտ^[29][30]։ «Ֆիլմֆոր»-ի քննադատը փաստել է, որ ֆիլմը «թույլ տվեց Քերրիին հեռանալ կատակերգությունից», բայց այնուամենայնիվ այն անվանեց «ուրախ և զարմանալիորեն բեղմնավոր երգիծանք»^[31]։

Այդ նույն թվականին Քերրին հայտնվեց Լարի Սանդերսի գեղարվեստականացված շոու ծրագրում, որտեղ նա միտումնավոր մտավ Շանդլինգի կերպարի մեջ։ 1999 թվականին Քերրին խաղաց գլխավոր դեր «Մարդը լուսնի վրա» ֆիլմում։ Նա կերպարավորեց կոմիկ Էնդի Քոֆմանին և շատերը հավատում էին, որ վերջապես Քերրիին կներկայացվի լավագույն դերասան մրցանակի համար։ Քենեֆ Թուրանը «Լոս Անջելոս Թայմզից» գրել է Քերրիի ներկայացման մասին «փայլուն, գրեթե սարսափեցնող նմանակում»^[32]։ 2000 թվականին Քերրին միավորվեց Ֆարալի եղբայրների հետ, ովքեր նկարեցին նրան «Հիմարը և ավելի հիմարը» զվարծալի ֆիլմում և «Ես, կրկին ես և Իրենը» ֆիլմերում^[33]։

Քերրին խաղաց պետական շարքային տանկիստի՝ Չարլի Բեյլիգաթսի դերը, ով ուներ բազմաթիվ կերպարներ։ Այդ նույն թվականին Քերրին նկարահանվեց բոլոր ժամանակների ամենաշահութաբեր Սուրբ Ծննդյան ֆիլմում՝ «Ինչպես Գրինչը գողացավ Սուրբ Ծնունդը», խաղալով անվանային կերպար, որի համար նա և՛ գովասանքի արժանացավ, և՛ քննադատության։ Իր հաջորդ խաղարկային «Ամենակարող Բրյուսը» ֆիլմում, որտեղ Քերրին խաղաց Ջենիֆեր Էնիսթոնի և Մորգան Ֆրիմանի հետ, դարձավ միջազգային հիթ կատակերգություն (2003)։ Քերրին խաղաց հեռուստահաղորդավարի դեր, ով անսպասելիորեն ստանում է աստծու ամենազոր կարողությունները, երբ վերջինս որոշում է արձակուրդ վերցնել։ Ֆիլմը տարբեր արձագանքներ ստացավ, բայց, չնայած դրան, այն ֆինանսական մեծ հաջողություն ունեցավ՝ վաստակելով մոտավորապես $484 միլիոն։ Ֆիլմը դրանից հետո ձեռք բերեց երկրպագուների բանակ^[34]։

2004 թվականին Քերրին նկարահանվեց «Մաքուր բանականության հավերժ փայլատակում» ֆիլմում։ Ֆիլմը՝ մինչև դուրս գալը, ստացավ անհամար բուռն արձագանքներ։ Քննադատները բարձր գնահատեցին Քերրիի մարմնավորած Ջոել Բերիշ կերպարը, և Քեյթ Ուինսլեթի խաղը։ Ուինսլեթը «Օսկար» ստացավ։ Ըստ CNN-ի տեսաբան Պոլ Քլինթոնի, Քերրիի ներկայացումը դերասանի լավագույն, առավել հասուն և կենտրոնացված ներկայացումն էր։ Նա կրկին առաջադրվեց «Ոսկե Գլոբուս» մրցանակի և առաջին անգամ ստացավ BAFTA որպես լավագույն գլխավոր դերակատար^[35]։

Այդ նույն թվականին Քերրին ներգրավվեց «Կանադական փառքի ճանապարհը» ֆիլմում։ 2005 թվականին Քերրին նկարահանվեց «Խաբեբաներ Դիկը և Ջեյնը» ֆիլմում, մարմնավորելով Դիկին։ Դիկը իր աշխատանքը կորցնելուց հետո դառնում է բանկի կողոպտիչ։ Ֆիլմը անտեսվում է շատ քննադատների կողմից, բայց մեծ ճանաչում է բերում^[36]։

Շարունակական հաջողություն

Ջիմ Քերրին Իսպանիայում, 2008 թվական դեկտեմբերի 13

2007 թվականին Քերրին վերամիավորվեց Ջոել Շումախերի հետ և նկարահանվեց «Ճակատագրական 23 թիվը» ֆիլմում։ Քերրին խաղում էր մեկի մասին, ով տարվել էր 23 թվով, նրանից հետո, երբ մի գիրք էր գտել մի մարդու մասին, ով նույնպես տարված էր դրանով։ Ֆիլմը խիստ քննադատվեց քննադատների կողմից և այնքան էլ մեծ հաջողություն չբերեց։ Հաջորդ թվականին Քերրին «Հորթոն» (2008) մուլտֆիլմում ապահովեց սիրելի փղի ձայնը, որը բավականին լավ արձագանք ստացավ^[37]։ Ֆիլմը նաև ֆինանսական մեծ հաջողություն բերեց՝ հասնելով մետավորապես $290 միլիոնի։ Ավելի ուշ այդ նույն թվականին Քերրին վերադարձավ խաղարկային կոմեդիային և նկարահանվեց Միշտ ասա «Այո» ֆիլմում (2008)։ Քերրին խաղում է Կառլ Ալենի դերը՝ մի գործազուրկ և անհաջողակ մարդու, ով կյանքում ոչ մի բանի չի հասել, քանի որ կյանքում ամեն ինչին «ոչ» է ասել։ Բայց մի օր նա գրանցվում է ինքն իրեն զարգացնելու մի ծրագրի, որտեղ նրան սովորացնում են «Այո» ասելու հզորությունը^[38]։

Չնայած կարծիքները կիսվում են, Ռենե Ռոդրիգեսը «Մայամի Հերալդից» նշում է, որ

«Միշտ ասա «Այո» ֆիլմը հրաշալի է այնքանով, որ Քերրին զվարճացնում է բոլորին, բայց այն էլ ավելի լավն է, որպես սիրային պատմություն, որ պարզապես պատահում է բոլորին ուրախացնելու համար»։

Ֆիլմը ինքնին բերեց $225 միլիոն եկամուտ^[39]։

2009 թվականին Քերրին խաղաց «Ես քեզ սիրում եմ, Ֆիլիպ Մորիս» ֆիլմում, որի պրեմիերան տեղի ունեցավ 2009 թվականի հունվարին «Սանդենս» ֆիլմի փառատոնին ( անգլ.՝ Sundance Film Festival ) նախքան ավելի լայն թողարկմանը 2010 թվականին։ Քերրին մարմնավորեց Սթիվեն Ջեյ Ռասսելին՝ մի ինքնավստահ, կեղծավոր և բազմաթիվ անգամներ բանտից փախած մարդու, ով սիրահարվում է իր բանտակից ընկերոջը՝ Ֆիլիպ Մորիսին։ Ֆիլմը մեծապես դրական արձագանքնեեր ստացավ, իսկ «Թայմսից» Դեյմոն Վայսը ֆիլմին տվեց 4 աստղ 5-ից^[40]։ «Ես քեզ սիրում եմ, Ֆիլիպ Մորիս»-ը մի արտասովոր ֆիլմ է, որը հիշեցնում է, թե ինչքան լավը կարող է լինել Քերրին, երբ չի խառնվում Հոլիվուդի ընդհանուր փառքին։ Նրա հումորը մնում է այնքան նուրբ ինչպես երբևէ»^[41]։

Առաջին անգամ իր կարիերայի ընթացքում Քերրին մարմնավորեց մի քանի կերպար Դիսնեյից, որոնք վերցված էին Չ. Դիկենսի հեքիաթներից՝ «Սուրբ Ծննդյան պատմություն» մուլտֆիլմում խոսելով Էբենեզեր Սկրուջի և Սուրբ Ծնունդի անցյալ, ներկա և ապագա հոգիների փոխարեն։ Մուլտֆիլմը ստացավ ողջամիտ արձագանք և ֆինանսական մեծ հաջողություն բերեց^[42]։ 2011 թվականին Քերրին ստացավ գլխավոր դեր «Միստեր Պոպերի պինգվինները» ֆիլմում, կերպարավորելով Թոմին՝ վաճառքի գործակալի, ով դառնում է պինգվինների ընտանիքի խնամակալ։ Ֆիլմը ստացավ խառը արձագանքներ։ 2013 թվականին նա նկարահանվեց Սթիվ Կարելի հետ «Անհավանական Բերթ Ուանդերսթոունը» ֆիլմում (2013 թ.)։ Քերրին խաղաց Սթիվ Գրեյի դերը՝ մի վտանգավոր փողոցային կախարդի, ով ստվեր էր գցում նախկինում հաջողակ կախարդ Բերթ Ուանդերսթոունի համբավի վրա։ Ֆիլմը թողարկվեց 2013 թվականի մարտին^[41]։

2012 թվականի ապրիլին Պիտեր Ֆերելին ասել է, որ Քերրին և Ջեֆ Դենիելսը կվերադառնան «Հիմարը և ավելի հիմարը» ֆիլմի շարունակության համար («Հիմարը և ավելի հիմարը 2»), որը Ֆերելի եղբայրները պլանավորել էին սկսել 2012 թվականի սեպտեմբերին։ Ինչևէ, հունիսին Քերրիի ներկայացուցիչը հայտարարեց, որ Քերրին լքել է նախագիծը, ինչով «Նյու Լայն» և «Վորներ Բրոս» ընկերությունները այնքան էլ խանդավառված չէին։ 2012 թվականի հոկտեմբերի 1-ին Yahoo-ի «Գրանդ շոուի» ընթացքում հայտնեցին, որ սցենարը վերջացված է և նախնական դերակատարները՝ Քերրին և Դենիելսը նորից կկատարեն իրենց դերը։ 2013 թվականի մարտին Քերրին հաստատել է, որ ինքն ու Դենիելսը ոգևորված են ֆիլմով և հուսով են նույնն անել 2014 թվականին^[43]։

2013 թվականի մարտին Քերրին հայտարարեց, որ ինքը մանկական գիրք է գրել անվանելով այն «Ինչպես էր Ռոնալդը պտտվում»։ Գիրքը մի վախեցած ալիքի մասին էր, որի անունը Ռոնալդ էր։ Նա բացատրեց այն որպես «երեխաների այսպես կոչված վերացական պատմություն, որը կապ ունի մի շարք ծանր բաների հետ, որոնք արտահայտվում են երեխայական ձևով»։ Քերրին տպագրեց գիրքը, որը լույս տեսավ 2013 թվականի սեպտեմբերին^[44]։ 2013 թվականի մարտի 25-ին Քերրին թողարկեց մի երաժշտական պարոդիա։ Երգը և տեսահոլովակը անվանեցին «Մահացած սառը ձեռքը»։

Անձնական կյանք

Ջիմ Քերրի

Ուշադրության պակաս, հիպերակտիվություն

Քերրին տառապել է հիպերակտիվություն հիվանդությունից։ Նա նաև հաստատել է, որ պայքարել է ընկճախտի դեմ։ Իր ընկճվածությունը հաղթահարելու համար Քերրին ընդունել է Պրոզակ դեղամիջոցը, սակայն ի վերջո որոշել է ազատվել բոլոր տեսակ դեղամիջոցներից։ Նա ասել է, որ այլևս չի օգտագործում որևէ դեղամիջոց կամ ոգելից խմիչք, ոչ էլ նույնիսկ սուրճ։

Հարաբերությունները

Քերրին երկու անգամ ամուսնացած է եղել։ Իր առաջին ամուսնությունը եղել է դերասանուհի Մելիսա Վոմերի հետ, ում հետ նա ամուսնացել է 1987 թվականի մարտի 28-ին։ Զույգը ամուսնալուծվել է 1995 թվականին։ Մեկ տարի անց՝ 1996 թվականի սեպտեմբերի 23-ին, Քերրին ամուսնացել է «Հիմարը և ավելի հիմարը» ֆիլմից Լաուրեն Հոլլի հետ։ Ամուսնությունը տևեց ավելի քիչ քան մեկ տարին։ 1990-ականների վերջին և 2000-ականների սկզբին Քերրին հարաբերություններ է ունեցել տարբեր մարդկանց հետ, ինչպես օրինակ Լաուրի Հոլդենը, Ջենուարի Ջոնեսը և Էնին Բինգը։ Բացի այդ նա կարճատև սիրավեպ է ունեցել «Ես, նորից ես և Իռենը» ֆիլմի համաաստղ Ռենե Զելվեգերի հետ, ում հետ ինչ-որ առումով նշանված է եղել 1999-2000 թվականներին^[45]։

2005 թվականին Քերրին հանդիպել է մոդել և դերասանուհի Ջենի Մակարտնիին և հանրայնացրել է իրենց հարաբերությունները 2006 թվականի հունիսին։ 2010 թվականի ապրիլին զույգը վերջ դրեց իրենց 5 տարի տևողությամբ հարաբերություններին։ Չնայած պառակտմանը և լրատվամիջոցներում շրջանառվող լուրերին Մակարտնին 2010 թվականի հոկտեմբերին ասել է. «Ջիմը և ես լավ ընկերներ ենք»^[46][47]։

Ցիտատներ

–Ինձ մոտ կյանք չէ, այլ խենթի երազ։

– 50 տարեկանը դեռ վախենալու չէ։

–Սթիվ Ջոբսը հիանալի մարդ էր։ Նա կապրի իմ կյանքի կոշտ սկավառակում հավերժ։

–Եթե դուք ունեք տաղանդ, այն ձեզ կփրկի։

–Մեզանից շատերն ունեն խենթ բարեկամներ, սակայն մեզանից շատերը նրանց աչքին ենք խենթ երևում։

–Եթե դուք հրաժարվեք ձեր երազանքներից՝ ապա էլ ի՞նչ կմնա։

–Հուսահատությունը անհրաժեշտ բաղադրիչ է համարվում, ինչ որ բան սովորելու կամ ստեղծելու համար։

Ընտանիք

Քերրին իր առաջին ամուսնությունից ունի մեկ դուստր, ում անունն է Ջեյն Էրիկ Քերրի (1987 թվականի սեպտեմբերի 6)։ Քերրին 2010 թվականի փետրվարին թվիթերի միջոցով հայտարարեց, որ իր դուստրը տղա երեխա է ունեցել։ 2012 թվականին Ջեյն Քերրինն մասնակցեց «Ամերիկյան կուռք» նախագծին (անգլ.՝ American Idol)^[48]:

Քաղաքացիություն

2004 թվականանի հոկտեմբերին Քերրին ստացավ ԱՄՆ-ի քաղաքացիություն և շարունակում է մնալ երկքաղաքացի Ամերիկայի և իր ծննդավայրի՝ Կանադայի^[49]։

Ֆիլմագրություն

Դերակատարումներ

Թիվ	Ֆիլմի անուն	Բնօրինակի անվանումը	Դերը	Ժանր	Ռեժիսոր	Խաղընկերներ
1983	Ամեն ինչ համեղ է	All in Good Taste	Ռալֆ	Կատակերգություն	Էնտոնի Կրամրեյթեր	Ջոնաթան Ուելշ, Գարի Ատկին, Ջեք Կրիլի, Ջեյմս Բ. Դուգլաս, Ջոենն Կիրվան-Կլարկ
1983	Կուպեր լեռը	Copper Mountain	Բոբի Տոդ	Կատակերգություն, Երաժշտական	Դևիդ Միտչել	Ալան Տիկ, Ռիչարդ Գոտե, Զիգի Լորենց, Ռոդ Հեբրոն
1983	Ռետինե դեմքը	Rubberface	Տոնի Մորոնի	Կատակերգություն	Գլեն Սալցման Ռեբեքա Յետս	Լին Դերագոն, Ադա Գլասբուրգ, Էնն-Մարի ՄակԴոնալդ, Հելեն Ուդի
1984	Բադային ֆաբրիկա	The Duck Factory	Սկիպ Տարկենտոն	Սերիալ, Կատակերգություն	Ռոդ Դենիել Վիկտոր Լոբլ Ջին Ռեյնոլդս	Ջուլի Պեյն, Նենսի Լեյն, Ջեյ Տարսես, Կլարենս Գիլյարդ կրտ.
1984	Իմն է	Finders Keepers	Լեն Բիդլեկոֆ	Կատակերգություն	Ռիչարդ Լեսթեր	Մայքլ Օ’Կիֆ, Բևերլի Դ’Անջելո, Լուիս Գոսետ կրտ., Պամելա Սթիվենսոն, Էդ Լոտեր
1985	Մի անգամ կծվածը	Once Bitten	Մարկ Կենդալ	Սարսափ, Կատակերգություն	Հովարդ Ստորմ	Լորեն Հաթոն, Կարեն Կոպինս, Կլիվոն Լիթլ, Թոմաս Բալատորե
1986	Փեգի Սյուն ամուսնացել է	Peggy Sue Got Married	Ուոլտեր Գեթց	Ֆենտեզի, Դրամա, Մելոդրամա, Կատակերգություն	Ֆրենսիս Ֆորդ Կոպոլա	Կետլին Տյորներ, Նիկոլաս Քեյջ, Բերի Միլեր, Կետրին Հիքս, Ջոան Ալեն
1988	Մահվան խաղ	The Dead Pool	Ջոննի Սքյուարես	Մարտական, Թրիլեր, Քրեական	Բադի Վան Հորն	Կլինտ Իսթվուդ, Պատրիշիա Կլարքսոն, Լիամ Նիսոն, Իվեն Ս. Կիմ, Դևիդ Հանտ
1988	Երկրային աղջիկները մատչելի են	Earth Girls Are Easy	Վիպլոկ	Ֆանտաստիկ, Մելոդրամա, Կատակերգություն	Ջուլեն Տեմպլ	Ջինա Դևիս, Ջեֆ Գոլդբլյում, Դեյմոն Ուայանս, Ջուլի Բրաուն
1989	Մայք Հաներ։ Սպանության թիրախը	Mike Hammer: Murder Takes All	Բրեդ Պետերս	Թրիլեր, Քրեական, Դետեկտիվ	Ջոն Նիկոլելա	Ստեյսի Կիչ, Լինդա Կարտեր, Լինդսեյ Բլում, Դոն Ստրաուդ
1989	Վարդագույն կադիլակ	Pink Cadillac	կատակերգու	Մարտական, Դրամա, Կատակերգություն	Բադի Վան Հորն	Կլինտ Իսթվուդ, Բերնադեթ Փիթերս, Տիմոտի Կարխարտ, Տիֆանի Գեյլ Ռոբինսոն, Անջելա Լուիզ Ռոբինսոն
1990 – 1994	Վառ գույների մեջ	In Living Color	տարբեր	Սերիալ, Կատակերգություն	Պոլ Միլեր Տերի ՄակԿոյ Ռոզի Պերես	Դևիդ Ալան Գրիր, Տի’Կեյա Քրիստել Կեյմե, Թոմմի Դևիդսոն, Դեիդրե Լենգ
1992	Կյանքը Մապլ Դրայվում	Doing Time on Maple Drive	Թիմ Կարտեր	Դրամա	Քեն Օլին	Ջեյմս Սիքինգ, Բիբի Բեշ, Ուիլյամ ՄակՆամարա, Ջեյն Բրուկ, Դևիդ Բայրոն
1992	Իթսի Բիթսի սարդը	The Itsy Bitsy Spider	Կործանիչ (հնչյունավորում)	Կարճամետրաժ, Մուլտֆիլմ	Մեթյու Օ’Կալագան	Անդրեա Մարտին, Տորա Բյորչ, Ֆրենկ Ուելկեր, Կլաուդիա Քրիստիան
1993	Էյս Վենտուրա։ Ընտանի կենդանիների խուզարկուն	Ace Ventura: Pet Detective	Էյս Վենտուրա	Կատակերգություն, Դետեկտիվ, Արկածային	Թոմ Շեդյակ	Կորտնի Կոքս, Շոն Յանգ, Տոուն Լոկ, Դեն Մարինո
1994	Դիմակը	The Mask	Ստենլի Իպկիս	Ֆենտեզի, Մարտական, Մելոդրամա, Կատակերգություն, Քրեական	Չակ Ռասել	Փիթեր Ռիգերտ, Փիթեր Գրին, Էմի Յասբեկ, Քեմերոն Դիազ
1994	Հիմարը և ավելի հիմարը	Dumb & Dumber	Լլոյդ Քրիստմաս	Կատակերգություն	Փիթեր Ֆարելի Բոբբի Ֆարելի	Ջեֆ Դենիելս, Լորեն Հոլի, Մայկ Ստար, Կարեն Դաֆի
1995	Հավերժ Բեթմենը	Batman Forever	Ռիդլեր / դոկտոր Էդուարդ Նյուգմա	Ֆենտեզի, Մարտական, Թրիլեր, Մելոդրամա, Քրեական	Ջոել Շումահեր	Վել Կիլմեր, Թոմմի Լի Ջոնս, Նիկոլ Քիդման, Քրիս Օ’Դոնել
1995	Էյս Վենտուրա 2։ Երբ կանչում է բնությունը	Ace Ventura: When Nature Calls	Էյս Վենտուրա	Կատակերգություն, Դետեկտիվ, Արկածային	Սթիվ Օդեկերկ	Յեն ՄակՆիս, Սայմոն Կելոու, Մեյնարդ Էզիաշի, Բոբ Գանտոն
1996	Մալուխագործը	The Cable Guy	Մալուխագործ	Դրամա, Կատակերգություն	Բեն Սթիլլեր	Մեթյու Բրոդերիկ, Լեսլի Մանն, Ջեք Բլեք, Ջորջ Սիգալ
1997	Ստախոս, ստախոս	Liar Liar	Ֆլեչեր Ռիդ	Ֆենտեզի, Կատակերգություն, Ընտանեկան	Թոմ Շեդյակ	Մորա Տիրնի, Ջասթին Կուպեր, Կերի Էլվիս, Էնն Հեյնի
1998	Թրումանի շոուն	The Truman Show	Թրումեն Բուրբանկ	Ֆանտաստիկ, Դրամա, Կատակերգություն	Փիթեր Ուիր	Լորա Լիննի, Նոա Էմերիկ, Նատաշա ՄակԷլխոուն, Էդ Հարիս
1998	Սայմոն Բիրչ	Simon Birch	ավագ Ջո Ուենտերվորթ	Դրամա, Կատակերգություն	Մարկ Սթիվեն Ջոնսոն	Յեն Մայքլ Սմիթ, Ջոզեֆ Մացելո, Էշլի Ջադ, Օլիվեր Պլաթ, Դևիդ Ստրետեյրն
1999	Մարդը լուսնի վրա	Man on the Moon	Էնդի Քոֆմեն / Թոնի Կլիֆտոն	Դրամա, Կատակերգություն, Կենսագրական	Միլոշ Ֆորման	Դեննի ԴեՎիտո, Կորտնի Լավ, Պոլ Ջամաթի, Ջերի Բեկեր
2000	Ես, կրկին ես և Իրենը	Me, Myself & Irene	Չառլի Բեյլեյգեյթս/ Հենկ Էվանս	Կատակերգություն	Բոբբի Ֆարելի Փիթեր Ֆարելի	Ռենե Զելվեգեր, Էնտոնի Անդերսոն, Մոնգո Բրաունլի, Ջերոդ Միքսոն
2000	Ինչպես Գրինչը գողացավ Ծննդյան տոները	How the Grinch Stole Christmas	Գրինչ	Ֆենտեզի, Կատակերգություն, Ընտանեկան	Ռոն Հովարդ	Տեյլոր Մոմսեն, Ջեֆրի Տեմբոր, Քրիստին Բարանսկի, Բիլ Իրվին
2001	Մաժեստիկը	The Majestic	Փիթեր Ափլենտոն	Դրամա, Մելոդրամա	Ֆրենկ Դարաբոնտ	Լորի Հոլդեն, Մարտին Լանդաու, Հել Հոլբրուկ, Ջեֆրի ԴեՄան
2003	Ամենակարող Բրյուսը	Bruce Almighty	Բրյուս Նոլան	Ֆենտեզի, Դրամա, Կատակերգություն	Թոմ Շեդյակ	Մորգան Ֆրիման, Ջենիֆեր Էնիսթոն, Ֆիլիպ Բեյկեր Հոլ, Կետրին Բել
2003	Ընկույզով կարկանդակ	Pecan Pie	Վարորդ	Կարճամետրաժ, Երաժշտական, Կատակերգություն	Միշել Գոնդրի	Էրիկ Ժյուդոր, Ռամզի Բեդիա,
2004	Մաքուր բանականության հավերժ փայլատակում	Eternal Sunshine of the Spotless Mind	Ջոել Բերիշ	Ֆանտաստիկ, Դրամա, Մելոդրամա	Միշել Գոնդրի	Քեյթ Ուինսլետ, Էլայջա Վուդ, Մարկ Ռուֆալո, Թոմ Ուիլկինսոն
2004	Լեմոնի Սնիկետի դժբախտ դեպքերի շարքը	Lemony Snicket's A Series of Unfortunate Events	Քաունտ Օլաֆ	Ֆենտեզի, Կատակերգություն, Արկածային, Ընտանեկան	Բրեդ Սիլբերլինգ	Էմիլի Բրաունինգ, Լիամ Էյկեն, Մերիլ Ստրիպ, Բիլի Կոնոլի
2005 –	Օֆիս	The Office	տղա Ֆինգերլեյկից	Սերիալ, Մելոդրամա, Կատակերգություն	Ռենդոլ Այնխորն Պոլ Ֆայգ Գրեգ Դենիելս	Սթիվ Կարել, Ռեյն Ուիլսոն, Ջոն Կրասինսկի, Ջեննա Ֆիշեր, Լեսլի Դևիդ Բեյկեր
2005	Խաբեբաներ Դիկը և Ջեյնը	Fun with Dick and Jane	Ռիչարդ Դիկ Հարպեր	Կատակերգություն, Քրեական	Դին Պարիզո	Տեա Լեոնի, Ալեկ Բոլդուին, Ռիչարդ Ջենկինս, Էնջի Հերմոն
2006 –	Ստուդիա 30	30 Rock	Դեյվ Ուիլյամս	Սերիալ, Կատակերգություն	Դոն Սկարդինո Բետ ՄակԿարտի-Միլեր Ջոն Ռիգի	Թինա Ֆեյ, Տրեյսի Մորգան, Ջեյն Կրակովսկի, Ջեք ՄակԲրայեր, Սքոթ Էդսիտ
2007	Ճակատագրական 23 թիվը	The Number 23	Վոլտեր Սփերոու / Ֆինգերլինգ	Թրիլեր, Դրամա, Դետեկտիվ	Ջոել Շումահեր	Վիրջինիա Մեդսեն, Լոգան Լերման, Դեննի Հյուսթոն, Լինն Կոլինս
2008	Հորթոն	Horton Hears a Who!	Հորթոն փիղ (հնչյունավորում)	Մուլտֆիլմ, Ֆենտեզի, Կատակերգություն, Արկածային, Ընտանեկան	Ջիմի Հեյուորդ Սթիվ Մարտինո	Սթիվ Կարել, Քերոլ Բյորնեթ, Ուիլ Արնեթ, Սետ Ռոգեն
2008	Միշտ ասա «Այո»	Yes Man	Կառլ Ալեն	Կատակերգություն	Պեյթոն Ռիդ	Զոի Դեշանել, Բրեդլի Կուպեր, Ջոն Մայքլ Խիգգինս, Ռիզ Դերբի
2008	Ես քեզ սիրում եմ, Ֆիլիպ Մորիս	I Love You Phillip Morris	Սթիվեն Ջեյ Ռասել	Դրամա, Մելոդրամա, Կատակերգություն	Գլենն Ֆիկարա Ջոն Ռեկուա	Յուեն ՄակԳրեգոր, Լեսլի Ման, Ռոդրիգո Սանտորո, Էնտոնի Կորոնե
2009	Ծովի խորքերում 3D	Under the Sea 3D	պատմող (հնչյունավորում)	Կարճամետրաժ, Փաստագրական	Հովարդ Հոլ
2009	Սուրբ Ծննդյան պատմություն	A Christmas Carol	Էբենեզեր Սկրուջ Անցած Սուրբ Ծննդի հոգի ներկա Սուրբ Ծննդի հոգի Սուրբ Ծննդի հոգի, որ նոր պետք է լինի	Մուլտֆիլմ, Ֆենտեզի, Դրամա, Կատակերգություն, Ընտանեկան	Ռոբերտ Զեմեկիս	Գարի Օլդման, Քոլին Ֆյորտ, Կերի Էլվիս, Ռոբին Ռայթ
2010	Նախագահական միացում	Presidential Reunion	Ռոնալդ Ռիգան	Կարճամետրաժ, Կատակերգություն	Ռոն Հովարդ Ջեյկ Զիմանսկիյ	Ուիլ Ֆերել, Դենա Կարվի, Չևի Չեյզ, Դեն Էյկրոյդ
2011	Միստեր Պոպերի պինգվինները	Mr. Popper's Penguins	Թոմ Պոպերս	Կատակերգություն	Մարկ Ս. Ուոտերս	Կարլա Գուջինո, Անջելա Լենսբերի, Օֆելիա Լովիբոնդ, Մադլեն Քերոլ
2011	Հարբած ամանորյա պատմություն	Drunk History Christmas		Կարճամետրաժ, Կատակերգություն	Ջերեմի Կոներ	Ռայան Գոսլինգ, Եվա Մենդես, Ալան ՄակԼեոդ, Ա.Ջ. Կալպ
2013	Անհավանական Բերթ Ուանդերսթոունը	The Incredible Burt Wonderstone	Սթիվ Գրեյ	Կատակերգություն	Դոն Սկարդինո	Սթիվ Կարել, Օլիվիա Ուայլդ, Սթիվ Բուշեմի, Ջեյմս Գանդոլֆինի
2013	Հարված հետույքին 2	Kick-Ass 2	Գեներալ	Մարտական, Թրիլեր, Կատակերգություն, Քրեական	Ջեֆ Ուոդլոու	Աարոն Տեյլոր-Ջոնսոն, Խլոյա Գրեյս Մորեց, Քրիստոֆեր Մինց-Պլասե, Օլգա Կուրկուլինա
2013	Հեռուստահաղորդավարը. Եվ նորից բարև ձեզ	Anchorman 2: The Legend Continues	Սքոթ Ռեյլս, CBC նորությունների վարող
2014	Հիմարը և ավելի հիմարը 2	Dumb and Dumber To	Լլոյդ Քրիստմաս	Կատակերգություն	Բոբբի Ֆարելի Փիթեր Ֆարելի	Ջեֆ Դենիելս
	Հավատա կամ ոչ	Ripley's Believe It or Not!	Ռոբերտ Ռիփլի	Մարտական, Դրամա, Արկածային, Կենսագրական	Քրիս Կոլամբուս

Հեռուստատեսություն

Տարի	Անվանում	Դեր	Ծանոթագրություն
1980	«Ամբողջ գիշերվա շոու» անգլ.՝ "The All-Night Show"	Հավելյալ ձայներ	Ձայն
1983	«Ռետինե դեմքը» անգլ.՝ "Rubberface"	Թոնի Մորոնի	Հեռուստաֆիլմ
1984	«Բուֆալո Բիլը» անգլ.՝ "Buffalo Bill"	Նմանակող Ջերի Լեվիս	Անհայտ
1984	«Բադերի ֆաբրիկա» անգլ.՝ "The Duck Factory"	Սքիփ Տարկենտոն	Հիմնական դեր
1989	«Մայք Համեր. Սպանությունների շղթա» անգլ.՝ "Mike Hammer: Murder Takes All"	Բրեդ Պիտերս	Հեռուստաֆիլմ
1990–1994	«Կենդանի գույնը» անգլ.՝ "In Living Color"	Տարբեր	Պարբերական սերիաներ Ստեղծվել է Ջեյմս Քերրիի կողմից
1991	«Ջին Քերրի։ Անբնական խաղ» անգլ.՝ "Jim Carrey: The Un-Natural Act"[50]	Ինքն իր	Հատուկ հեռուստատեսություն Նաև պրոդյուսեր և հեղինակ
1992	«Կյանքը Մեպլ Դրայվում» անգլ.՝ "Doing Time on Maple Drive"	Թիմ Կարտեր	Հեռուստաֆիլմ
1996, 2011	«Շաբաթ օրվա գիշերային կյանքը» անգլ.՝ "Saturday Night Live"	Հյուր	2 էպիզոդ
1998	«Լարի Սանդերսի շոուն» անգլ.՝ "The Larry Sanders Show"	Ինքն իր
1999-2013	«Արկածները դպրոցում» անգլ.՝ "The Adventures in School!"	Ջորջ Ռիթեր	Ձայն Պարբերական սերիաներ
2003	«Շաբաթ օրվա գիշերային կյանքը» անգլ.՝ "Saturday Night Live"	Ինքն իր	Էպիզոդ։ Քրիստափոր Վոլքեր
2008-մյինչև հիմա	«Գանգստերների որսորդները» անգլ.՝ Awesome Squad	Բազ որսորդը	Պարբերական սերիաներ
2011	«Գրասենյակը» անգլ.՝ "The Office"	Առանց մատ տղան	Էպիզոդ։ Հետազոտական կոմիտե
2012	«Ստուդիա 30» անգլ.՝ "30 Rock"	Ինքն իր / Դեյվ Վիլիամս	Էպիզոդ։ Թռիչքային օր

Սցենարիստ

Թիվ	Ֆիլմի անուն	Բնօրինակի անվանումը
1983	Ընտանեկան ժամ։ Սեքսի և բռնություն	Family Hour The Sex and Violence
1990 – 1994	Վառ գույներով	In Living Color
1991		Comic Relief IV
1991	Ջիմ Քերրի։ Անսովոր մանկություն	Jim Carrey: The Un-Natural Act
1993	Էյս Վենտուրա։ Ընտանի կենդանիների խուզարկուն	Ace Ventura: Pet Detective

Պրոդյուսեր

Թիվ	Ֆիլմի անուն	Բնօրինակի անվանումը
1991	Ջիմ Քերրի։ Անսովոր մանկություն	Jim Carrey: The Un-Natural Act
2003	Ամենակարող Բրյուսը	Bruce Almighty
2005	Խաբեբաներ Դիկը և Ջեյնը	Fun with Dick and Jane

Սկավառակագրություն

Սկավառակագրություն

Տարի	Ալբոմ	Դեր
1998	«Իմ կյանքում» Ջորջ Մարտինի ալբոմը, երաժշտություն գրված Ջորջ Մարտինի կողմից Թողարկում։ 1998, հոկտեմբերի 20-ին Օլմյուզիքը տպագրել է "1998, հոկտեմբերի 20-ը", որպես թողարկման ամսաթիվ[51]։ Պիտակ։ MCA (ԱՄՆ)/Էկո լեբել Ֆորմատ։ Կոմպակտ դիսկ CD	ստեղնաշարեր և վոկալ
1999	«Մարդը լուսնի վրա»։ երաժշտությունը Պետ Մակարտնիի կողմից Թողարկում։ 1999 նոյեմբերի 23 Պիտակ։ Վորներ Բրոս./Ջերսի Ֆորմատ։ Կոմպակտ դիսկ CD	վոկալ
2000	«Ինչպես Գրինչը գողացավ Ծննդյան տոները»։ երաժշտությունը Ջեյմս Հորների կողմից Թողարկում։ 2000 նոյեմբերի 27 Պիտակ։ N/A Ֆորմատ։ Կոմպակտ դիսկ CD	վոկալ
2013	«Մահացած սառը ձեռքը» Թողարկում։ March 14, 2013 Պիտակ։ N/A Ֆորմատ։ Թվային բեռնում	վոկալ

Դոկումենտալ ֆիլմեր

Թողարկում			Դոկումենտալ ֆիլմ	Դեր	Ռեժիսոր
Տարի	Ամիս	Օր
1991	N/A		Ջիմ Քերրի «Անբնական խաղ»	Ինքն իր	Մայքլ Ֆրենչ	[52]
1994	Մայիս	24	Պատրանքի տիրակալները։ Հատուկ ազդեցության մոգերը	Ինքն իր	Գարի Ռ. Բենզ	[53]
1995	Մարտ	29	Զվարճալի ողջույն Էնդի Քոֆմանին	Ինքն իր	Էլեն Բրաուն	[54]
1995	Նոյեմբեր	08	Ջիմ Քերրի «Լուսարձակ»	Ինքն իր	N/A	[55]
1998	N/A		«Անբարոյականի խնջույքը»	Ինքն իր	Դեբի Մելնիկ	[56]
1998	Նոյեմբեր	12	«Իմ կյանքում»	Ինքն իր	Ալան Բենսոն	[57]
1999	N/A		«Ոսկե արձանը»	Ինքն իր	Օրի Ինբար	[58]
1999	Հունիս	15	«Ամերիկյան կինոմշակույթի ինստիտուտ...100 տարի:Ամերիկյան լավագույն կատակներն ու արտահայտությունները»	Ինքն իր	Գարի Սմիթ	[59]
2000	Նոյեմբեր	N/A	Ջիմ Քերրի չգրաքննված	Ինքն իր	Դեյվիդ Պ. Լևին	[60]
2001	Սեպտեմբեր	21	«Ամերիկա:Տրված է հերոսներինն»	Ինքն իր	Ջոել Գալեն	[61]
2001	Հոկտեմբեր	20	«Համերգ Նյու Յորք քաղաքի համար»	Ինքն իր	Լուիս Ջ. Հորվից	[62]
2009	Փետրվար	13	«Ջրի տակ» 3D	Պատմող	Հովարդ Հոլլ	[63]
2011	Օգոստոս	18	«Կոնան Օբրենը չի կարողանում դադար տալ»	Պատմող	Ռոդման Ֆլենդեր	[64]
2011	Սեպտեմբեր	10	«Սերը, որ մենք կրում ենք»	Պատմող	Բրեդլի Կապլան	[65]

Մրցանակներ

Ջիմ Քերրին մեծ մասամբ դերասան է, չնայած ունի մի շարք ֆիլմեր, որոնց հեղինակն ու պրոդյուսերն է։ Նա հայտնվել է մի մի քանի բլոկբաստերային ֆիլմերում, որպես գլխավոր հերոս, ներառյալ ««Էյս Վենտուրա. Տնային կենդանիների որոնում», «Դիմակը», «Մաքուր բանականության հավերժ փայլատակում» և «Հիմարը և ավելի հիմարը» ֆիլմերը։

Հեռուստատեսություն

Տարի	Անվանում	Մրցանակ	Արդյունք
2012 (2012)	«Կենդանի գույնը»	Պարբերական սերիաներ (1990–1994) Ներդրվել է Ջեյմս Քերրիի կողմից 2012 Հեռուստատեսության Նորարական շոուի մրցանակ	Հաղթանակ
2011 (2011)	«Գրասենյակը», Էպիզոդ։ "Հետազոտական կոմիտե	Մարդկանց ընտրություն մրցանակ, որպես լավագույն հյուր հեռուստաաստղ	Ներկայացվել է

Ֆիլմ

Տարի	Անվանում	Մրցանակ	Արդյունք
1994 (1994)	«Էյս Վենտուրա. Տնային կենդանիների որոնում»	«Բլոկբասթեր ենթերթեյմենթ» մրցանակ որպես սիրելի դերասան– Կոմեդիա	Հաղթանակ
		«Բլոկբասթեր ենթերթեյմենթ» մրցանակ որպես սիրելի նորեկի	Հաղթանակ
		Երեխաների ընտրություն մրցանակ որպես սիրելի կինոդերասան	Հաղթանակ
		Լոնդոնի քննադատների շրջանակների մրցանակ որպես տարվա նորեկ	Հաղթանակ
		MTV կինոմրցանակ լավագույն հումորային ներկայացման համար	Ներկայացվել է
		«Ոսկե ազնվամորի» մրցանակ որպես ամենավատ նոր աստղ[66]	Ներկայացվել է
	«Դիմակը»	Լոնդոնի քննադատների շրջանակների մրցանակ որպես տարվա նորեկ	Հաղթանակ
		«Ոսկե Գլոբուս» մրցանակ՝ որպես լավագույն դերասան Մյուզիքլում կամ Կատակերգությունների խաղարկային տեսարանում[67]	Ներկայացվել է
		MTV կինոմրցանակ լավագույն հումորային ներկայացման համար	Առաջադրված
		MTV կինոմրցանակ լավագույն հումորային ներկայացման համար՝ որպես լավագույն պարային հաջորդականություն	Առաջադրված
		Ռազի մրցանական որպես վատագույն նոր աստղ	Առաջադրված
	«Հիմարը և ավելի հիմարը»	MTV կինոմրցանակ լավագույն հումորային ներկայացման համար	Հաղթանակ
		MTV կինոմրցանակ լավագույն համբույր	Հաղթանակ
		MTV կինոմրցանակ լավագույն էկրանային զույգ	Առաջադրված
		Ռազի մրցանական որպես վատագույն նոր աստղ	Առաջադրված
1995 (1995)	«Ընդմիշտ Բեթմեն»	MTV կինոմրցանակ լավագույն չարագործ	Առաջադրված
		Երեխաների ընտրություն մրցանակ որպես սիրելի կինոդերասան	Առաջադրված
	«Էյս Վենտուրա 2. Երբ բնությունն է կանչում»	Երեխաների ընտրություն մրցանակ որպես սիրելի կինոդերասան	Հաղթանակ
		MTV կինոմրցանակ լավագույն ներկայացում	Հաղթանակ
		MTV կինոմրցանակ լավագույն ներկայացում	Հաղթանակ
		Մարդկանց ընտրություն մրցանակ որպես լավագույն դերասան կատակերգական ֆիլմերում	Հաղթանակ
		MTV կինոմրցանակ լավագույն համբույր	Առաջադրված
		Ամերիկյան կատակերգություն մրցանակ որպես ամենազվարճալի դերասան (Գլխավոր դեր)	Առաջադրված
1996 (1996)	«Մալուխագործը»	Երեխաների ընտրություն մրցանակ որպես սիրելի կինոդերասան	Հաղթանակ
		MTV կինոմրցանակ լավագույն ներկայացում
		MTV կինոմրցանակ լավագույն չարագործ	Հաղթանակ
		MTV կինոմրցանակ լավագույն կռվի տեսարան	Առաջադրված
1997 (1997)	«Ստախոսը, ստախոսը»	«Բլոկբասթեր ենթերթեյմենթ» մրցանակ որպես սիրելի կինոդերասան - Կատակերգություն	Հաղթանակ
		MTV կինոմրցանակ լավագույն ներկայացում	Հաղթանակ
		«Ոսկե Գլոբուս» մրցանակ որպես լավագույն դերասան[68]	Առաջադրված
		Երեխաների ընտրություն մրցանակ որպես սիրելի կինոդերասան	Առաջադրված
1998 (1998)	«Թրումենի շոուն»	«Ոսկե Գլոբուս» մրցանակ՝ որպես լավագույն դերասան[69]	Հաղթանակ
		Կինոուղեցույց մրցանակ։ Շնորհ մրցանակ	Հաղթանակ
		MTV կինոմրցանակ լավագույն ներկայացում	Հաղթանակ
		Ամերիկյան կատակերգություն մրցանակ որպես ամենազվարճալի դերասան (գլխավոր դեր)	Առաջադրված
		«Բլոկբասթեր ենթերթեյմենթ» մրցանակ որպես սիրելի կինոդերասան - Դրամա	Առաջադրված
		Չիկագոյի կինոքննադատների ասոցացիայի մրցանակ որպես լավագույն դերասան	Առաջադրված
		Երեխաների ընտրություն մրցանակ որպես սիրելի կինոդերասան	Առաջադրված
		Սատուրն մրցանակ որպես լավագույն դերասան	Առաջադրված
1999	«Մարդը լուսնի վրա»	Բոստոնի կինոքննադատների ասոցիացիայի մրցանակ՝ որպես լավագույն դերասան	Հաղթանակ
		«Ոսկե Գլոբուս» մրցանակ որպես լավագույն դերասան[70]	Հաղթանակ
		Ամերիկյան կատակերգություն մրցանակ որպես ամենազվարճալի դերասան (գլխավոր դեր)	Առաջադրված
		Կանադական կատակերգություն մրցանակ որպես ֆիլմ-ներկայացում	Առաջադրված
		Լոնդոնի կինոքննադատների ասոցացիայի մրցանակ որպես տարվա լավագույն դերասան	Առաջադրված
		MTV կինոմրցանակ լավագույն ներկայացում	Առաջադրված
		Օնլայն կինոքննադատների հասարակություն մրցանակ որպես լավագույն դերասան	Առաջադրված
		Արբանյակ մրցանակ որպես լավագույն դերասան և երաժշտական կամ հումորային ֆիլմ	Առաջադրված
		Էկրանային դերասանների ուղեցույց մրցանակ կարկառուն ներկայացման համար (տղա դերասան գլխավոր դերում)	Առաջադրված
2000 (2000)	«Ես, նորից ես և Իռենը»	Դեռահասների ընտրություն մրցանակ ամառային խառը տեսարանի համար	Հաղթանակ
		MTV կինոմրցանակ լավագույն կատակերգական ներկայացում	Առաջադրված
		«Բլոկբասթեր ենթերթեյմենթ» մրցանակ որպես սիրելի կինոդերասան - Կատակերգություն/Ռոմանս	Առաջադրված
	«Ինչպես Գրինչը գողացավ Ծննդյան տոները»	«Բլոկբասթեր ենթերթեյմենթ» մրցանակ որպես սիրելի կինոդերասան - Կատակերգություն	Հաղթանակ
		Երեխաների ընտրություն մրցանակ որպես սիրելի կինոդերասան	Հաղթանակ
		MTV կինոմրցանակ լավագույն չարագործ	Հաղթանակ
		Մարդկանց ընտրություն մրցանակ որպես լավագույն աստղ կատակերգական խաղարկային տեսարանում	Հաղթանակ
		Դեռահասների ընտրություն մրցանակ որպես ընտրյալ համբերատար կերպար	Հաղթանակ
		«Ոսկե Գլոբուս» մրցանակ՝ որպես լավագույն դերասան խաղարկային կամ կատակերգական ֆիլմում[71]	Առաջադրված
		Սատուրն մրցանակ որպես լավագույն դերասան	Առաջադրված
		Կանադական կատակերգության մրցանակ փոքրիկ ներկայացման համար	Առաջադրված
		Կայսրական մրցանակ որպես լավագույն դերասան	Առաջադրված
		Լոնդոնի կինոքննադատների ասոցացիայի մրցանակ որպես տարվա լավագույն դերասան	Առաջադրված
2003 (2003)	«Ամենակարող Բրյուսը»	Երեխաների ընտրություն մրցանակ որպես սիրելի կինոդերասան	Հաղթանակ
		MTV կինոմրցանակ Մեքսիկա՝ որպես ամենագեղեցիկ աստվածային հրաշքների տեսարան ֆիլմում	Հաղթանակ
		Դեռահասների ընտրություն մրցանակ՝ որպես ընտրյալ կինոդերասան- կատակերգություն	Հաղթանակ
		MTV կինոմրցանակ լավագույն կատակերգական ներկայացում	Առաջադրված
		MTV կինոմրցանակ՝ որպես լավագույն համբույրի տեսարան	Առաջադրված
		Դեռահասների ընտրություն մրցանակ որպես ընտրյալ ռոմանտիկ տեսարան	Առաջադրված
2004 (2004)	«Մաքուր բանականության հավերժ փայլատակում»	Սան Դիեգոյի կինոքննադատների ասոցացիայի մրցանակ որպես տարվա լավագույն դերասան	Հաղթանակ
		Վաշինգտոնի կինոքննադատների ասոցացիայի մրցանակ որպես տարվա լավագույն անսամբլ	Հաղթանակ
		BAFTA մրցանակ որպես լավագույն դերասան գլխավոր դերում	Առաջադրված
		Կայսրական մրցանակ որպես լավագույն դերասան	Առաջադրված
		«Ոսկե Գլոբուս» մրցանակ՝ որպես լավագույն դերասան - Մյուզիքլում կամ Կատակերգությունում խաղարկային տեսարանում[72]	Առաջադրված
		Օնլայն կինոքննադատների ասոցացիայի մրցանակ որպես լավագույն դերասան	Առաջադրված
		Մարդկանց ընտրություն մրցանակ որպես սիրելի գլխավոր դերակատար	Առաջադրված
		Մարդկանց ընտրություն մրցանակ որպես սիրելի էկրանային ռոմանկտիկ տեսարան	Առաջադրված
		Արբանյակ Մրցանակ– Խաղարկային տեսարան# Արբանյակ Մրցանակ լավագույն դերասանի համար - Մյուզիքլ կամ կատակերգություն	Առաջադրված
		Սատուրն մրցանակ որպես լավագույն դերասան	Առաջադրված
	«Լեմոնի Սնիկետի դժբախտ դեպքերի շարքը»	Մարդկանց ընտրություն մրցանակ որպես տղա ամենասիրելի զվարճալի աստղ	Հաղթանակ
		Դեռահասների ընտրություն մրցանակ որպես ընտրյալ «կինոյի վատ տղա»	Հաղթանակ
		MTV կինոմրցանակ լավագույն չարագործ	Առաջադրված
		Երեխաների ընտրություն մրցանակ որպես սիրելի կինոդերասան	Առաջադրված
		Դեռահասների ընտրություն մրցանակ՝ որպես ընտյալ դերասան։ Գործողություն/Արկածներ/Թրիլլեր	Առաջադրված
		Դեռահասների ընտրություն մրցանակ որպես ընտրյալ ֆիլմի ստախոս	Առաջադրված
2005 (2005)	«Խաբեբաներ Դիկը և Ջեյնը»	Երեխաների ընտրություն մրցանակ՝ որպես սիրելի կինոդերասան	Առաջադրված
		Դեռահասների ընտրություն մրցանակ՝ որպես ընտրյալ դերասան։ Կատակերգություն	Առաջադրված
2007	«Ճակատագրական 23 թիվը»	Ռազի մրցանակ՝ որպես ամենավատ դերասան	Առաջադրված
		Դեռահասների ընտրություն մրցանակ՝ որպես ընտրյալ դերասան։ Սարսափ/ Թրիլլեր	Հաղթանակ
2008 (2008)	«Հորթոն»	Երեխաների ընտրություն մրցանակ՝ որպես սիրելի ձայն անիմացիոն ֆիլմում	Առաջադրված
	«Միշտ ասա «Այո»	[[MTV կինոմրցանակ լավագույն հումորային ներկայացման համար	Հաղթանակ
		Մարդկանց ընտրություն մրցանակ որպես ամենազվարճալի աստղ	Հաղթանակ
		Երեխաների ընտրություն մրցանակ որպես սիրելի կինոդերասան	Առաջադրված
		Դեռահասների ընտրություն մրցանակ՝ որպես ընտրյալ դերասան։ Կատակերգություն	Առաջադրված
		Դեռահասների ընտրություն մրցանակ որպես ընտրյալ համբերատար կերպար	Առաջադրված
		Դեռահասների ընտրություն մրցանակ որպես ֆիլմի ընտրյալ ռոքաստղային տեսարան	Առաջադրված
	-	40 լավագույն մրցանակ(Իսպանիա)։ Հատուկ մրցանակ երգեր ֆիլմերի մեջ ներդնելու համար	Հաղթանակ
2009 (2009)	«Սուրբ Ծննդյան պատմություն»	Երեխաների ընտրություն մրցանակ որպես սիրելի ձայն անիմացիոն ֆիլմում	Հաղթանակ
2011 (2011)	«Միստր Պոպերսի Պինգվինները»	Երեխաների ընտրություն մրցանակ որպես սիրելի կինոդերասան	Առաջադրված
	-	Կինոուղեցույցդ մրցանակ ֆիլմերում ամենաոգեշնչող ներկայացման համար	Առաջադրված
2013 (2013)	«Ինչպես էր Ռոնալդը պտտվում»	Ջելեթ բարգերս երեխաների գիրք մրցանակ երեխաների գրականությունում ներդրման համար	Շնորհվել է

Հայտնի հոնորարներ

• 1990-1994 - «Կենդանի Գույն» - $25 000 (յուրաքանչյուր էպիզոդի համար)
• 1993 - «Էյս Վենտուրա. Տնային կենդանիների որոնում» - $ 350 000
• 1994 - «Դիմակը» - $ 540 000
• 1994 - «Հիմարը և ավելի հիմարը» - $ 7 000 000
• 1995 - «Ընդմիշտ Բեթմեն» - $ 20 000 000
• 1995 - «Էյս Վենտուրա 2. Երբ բնությունն է կանչում» - $ 15 000 000
• 1996 - «Մալուխագործը» - $ 20 000 000
• 1997 - «Ստախոսը, ստախոսը» - $ 20 000 000
• 1998 - «Թուրմանի շոուն» - $ 12 000 000
• 1999 - «Մարդը լուսնի վրա» - $ 12 000 000
• 2000 - «Ես, նորից ես և Իռենը» - $ 20 000 000
• 2000 - «Ինչպես Գրինչը գողացավ Ծննդյան տոները» - $ 20 000 000
• 2003 - «Ամենակարող Բրյուսը» - $ 25 000 000
• 2008 - «Միշտ ասա «Այո» - 36,2 % եկամտից ≈ $ 80 813 473

Հետաքրքիր փաստեր

Ջիմ Քերրիի աստղը Կանադական փառքուղում

• Ջիմիի հասակը - 187 սմ
• Ն րա սիրելի գույնը - կանաչ
• Ջիմը բուսակեր է
• Զբաղվում է բրազիլական Ջիու Ջիտսիով
• Ջիմիի ամենասիրելի զբաղմունքներից մեկն է մոտոցիկլետով զբոսանքը
• Նրա սիրելի երաժշտական խումբը - "Cannibal Corpse"
• 1997 թվականին Քերրին ընդգրկվեց «People» ամսագրի՝ աշխարհի ամենագեղեցիկ մարդկանց ցուցակում
• Քերրիի մոտ դիտարկվել է հիպերակտիվություն հիվանդությունը, որը պահպանվել է մինչև հիմա
• Ջիմը իր կարիերայի սկզբում ինքն իր համար $10 միլիոնանոց կեղծ կտրոն է դուրս գրել
• Մադամ Տյուսոյի թանգարանում կա նրա բարձրահասակ արձանը։ Արձանը ուղղված է միկրաֆոնի կողմ, որը նմանակում է ձայնը այնպես, ինչպես Քերրին կինոյում։
• Քերրիի պաշտոնական կայքը՝ jimcarrey.com-ը, ստացել է Վեբբի մրցանակ՝ որպես 2010 թվականի լավագույն պաշտոնական կայք։ Իսկ 2011 թվականին Քերրին ստացել է այդ նույն մրցանակը FunnyOrDie.com-ում Ռոնալդ Ռեյգանի դերի համար
• Քերրին ունի իր աստղը Տորոնտոյի կանադական փառքուղում
• Քերրին զբաղվում է բարեգործությամբ, մասնավորապես ֆինանսավորում է ծանր հիվանդ երեխաներին
• 2007 թվականին Քերրին հանդես եկավ վիդեոհաղորդագրությամբ, որում պաշտպանեց Նոբելյան մրցանակակիրներին, ովքեր ռեպրեսիայի զոհ էին դարձել

Արտաքին հղումներ

• Ջիմ Քերրիի պաշտոնական կայք Արխիվացված 2009-11-16 Wayback Machine
• Ջիմ Քերրի
• Ջիմ Քերրիի Թվիթերյան էջը
• Ջիմ Քերրիի ՅուԹյուբի էջը