Google Chrome

Գուգլ Քրոմ (անգլ.՝ Google Chrome), ցանցային դիտարկիչ է, որը թողարկվել է Գուգլ ընկերության կողմից և օգտագործում է WebKit շարժիչը։

Google Chrome

Տեսակ	դիտարկիչ, ծրագիր և վկայագրված ծրագրային ապահովում
Նախագծումը՝	Գուգլ
Գրված է՝	C++
Ինտեսֆեյս	GTK և Cocoa
ՕՀ	Windows, Լինուքս և մաքՕՍ
Շարժիչ	Blink, V8 և WebKit
Առկա է	47 լեզուներով
Լույս տեսավ՝	սեպտեմբերի 2, 2008[1]
Պլատֆորմ	IA-32?, x86_64 և ARM
Զարգացման կարգավիճակ	գործող
Արտոնագիր	freeware[2]
Հիմք են ծառայել	Քրոմիում
Անվանված է	Քրոմապատում[3]
Կայք	google.com/chrome/​(անգլ.)
Google Chrome Վիքիպահեստում

Տարածվածություն

Գուգլ Քրոմը ամենատարածված բրաուզերն է աշխարհում, հարցման մասնակիցների 37%-ը նախընտրում է այս բրաուզերը^[4]։

Պատմություն

6 տարի շարունակ Google կազմակերպության գլխավոր տնօրեն Էրիկ Շմիդտը հավանություն չէր տալիս նոր ցանցային դիտարկիչ ստեղծելու մտքին։ Նա չէր ուզում մասնակցել վեբ-զննարկիչների կատաղի կռիվներին։ Սակայն երբ մի քանի ծրագրավորողներ ստեղծում են Գուգլ Քրոմ ցանցային դիտարկչի ցուցադրական տարբերակը, Շմիդտին այնքան է դուր գալիս այն, որ նա փոխում է իր կարծիքը։ Այսպես ստեղծվում է Գուգլ Քրոմ ցանցային դիտարկչի առաջին տարբերակը։

Պաշտոնական թողարկում

Գուգլ Քրոմը պաշտոնապես իր օգտագործողներին է ներկայանում 2008 թվականի սեպտեմբերի 2-ին։

Տարբերակների պատմություն

Գույն	Նշանակություն
Կարմիր	Հնացած տարբերակը
Կանաչ	Ներկայիս կայուն տարբերակը
Կապույտ	Ներկայիս բետա-տարբերակը (Beta)
Մանուշակագույն	Ներկայիս Dev-տարբերակը
Դեղին	Ներկայիս Canary տարբերակը

Տարբերակ	Թողարկման ամսաթիվը	Տարբերակ WebKit	Շարժիչի տարբերակը V8	Օպերացիոն համակարգի հասանելիություն	Հիմնական փոփոխությունները
0.2.149	2008-09-02	522	0.3	Windows	Առաջին թողարկում[5]
0.3.154	2008-10-29				Փլագինների աշխատանքի լավացում։ Ուղղագրության ստուգում գրելու դաշտում։ Նոր պատուհանների բացման հետ կապված ուղղումներ
0.4.154	2008-11-24	525			Անվտանգության հետ կապված տարբեր լավացումներ
1.0.154	2008-12-11	528			Առաջին կայուն տարբերակը
2.0.172	2009-05-24	530	0.4		JavaScript-ը 35 %-ով ավելի արագ է աշխատում SunSpider-ի փորձարկումներով։ Լրիվ էկրանային ռեժիմի հնարավորություն։ Լրիվ էկրանով մասշտաբի հնարավորություն։ Ձևաչափի ինքնաբար լրացում։ Սիրված էջերի անվանակարգային դասավորություն։ Greasemonkey հնարավորություն[6]։
3.0.195	2009-10-12	532	1.2		JavaScript-ը աշխատում է 25 %-ով արագ է աշխատում։ HTML5-ի վիդեո և աուդիո հնարավորություններ
4.0.249	2010-01-25	532.5	1.3		HTML5 հնարավորությունների լավացումներ, ACID3 թեստի անցում, «HTTP byte range» հնարավորություն, անվտանգության բարձրացում, anti-reflected-XSS հնարավորություն՝ անվանված «XSS Auditor»[7]։
4.1.249	2010-03-17				Թարգմանման լողացող պանելի ինտեգրում, նոր անձնական կարգավորումներ, «XSS Auditor»-ի անջատում[8]։
5.0.375	2010-05-21	533	2.1	Windows Mac Linux	JavaScript-ը աշխատում է ավելի արդյունավետ, ցանցային դիտարկչի կարգավորումների սինխրոնիզացիա,HTML5 թարմացումներ(Geolocation APIs, App Cache, web sockets, и file drag-and-drop), ինտեգրված Adobe Flash Player[9][10]։
6.0.472	2010-09-02	534.3	2.2		Գործիքների տեսքային փոփոխություններ։ Omnibox հնարավորություն[11] WebM տեսագրության և PDF-ի աջակցում (լռելյայն անջատված է)[12]։
7.0.517	2010-10-21	534.7	2.3.11.22		Պարունակում է իր մեջ մի շարք ուղղումներ, որոնք ուղղված են ցանցային դիտարկչի աշխատանքի բարելավմանը։
8.0.552	2010-12-02	534.10	2.4.9.19		Chrome Web Store, նոր ինտեգրված PDF-ֆայլերի կարդացող՝ անվտանգության բարձրացմամբ[13] Նաև ավելացվել է «about: flags» էջը նոր հնարավորությունների թեստավորման համար։
9.0.597	2011-02-03	534.13	2.5.9.6		WebGL-ի հնարավորությունը ինքնաբար միացված է, Chrome Instant-ի միացման հնարավորություն կարգավորումների էջի միջոցով[14], WebP հնարավորություն[15], մի շարք հնարավորություններ ինչպիսիք են՝ Google Native Client, CRX-less Web Apps, Web Page Prerendering, Experimental Extension APIs, Disable hyperlink auditing
10.0.648	2011-03-08	534.16	3.0.12.30		Google Cloud Print-ի միացման հնարավորություն[16]
11.0.696	2011-04-27	534.24	3.1.8.16		HTML5 API հնարավորություն խոսքի ինտեգրման համար։ Նոր պատկերանիշ
12.0.742	2011-06-07	534.30	3.2.10.21		3D CSS ապարատային արագացուցիչ։ Անվտանգության բարձրացում։ թխուկների ջնջման հնարավորություն
13.0.782	2011-08-02	535.1	3.3.10.30		Google Instant Pages ավելացումներ
14.0.835	2011-09-16		3.4.14.21		Թարգմանման լողացող պանելի և գաղտնաբառերի հիշումը առաջարկող պանելի գույնը կապույտից փոխվում է մոխրագույնի
15.0.874	2011-10-25	535.2	3.5.10.22		Տպման արագ նայում։ Այլ կարևոր փոփոխություններ[17]։
16.0.912	2011-12-13	535.7	3.6.6.11		Մի քանի հաշիվների աջակցման հնարավորությունն ինքնաբար միացած է[18]։
17.0.963	2012-01-05	535.11	3.7.12.12		Օգտագործողի զգուշացում ֆայլի բեռնման ժամանակ անտեսանելի (ծպտյալ) էջը փակելիս։ SVG ֆայլերի բացման հետ կապված լավացումներ
18.0.1003	2012-01-11	535.16	3.8.4.1		Լողացող պատուհանների հետ կապված մի շարք փոփոխություններ

Առանձնահատկությունները

Գուգլ Քրոմի նպատակն է իր ցանցային դիտարկիչը դարձնել ավելի անվտանգ, արագ և հաստատուն։ 2009 թ. հունիսի 9-ին Գուգլ Քրոմի ստեղծողները տվեցին ոչ պաշտոնական հարցազրույց, որտեղ նշեցին իրենց հետագա ռազմավարությունը, որը կայանում էր ցանցային դիտարկիչը դարձնել առավելագույնս թեթև և արագ ու միևնույն ժամանակ նվազագույն հնարավորություններով ապահովված, իսկ ավելի շատ հնարավորություններ կարելի էր ձեռք բերել բեռնելով հատուկ լայնացումները, որոնք հասանելի են Chrome Web Store համացանցային խանութում։

Անվտանգություն

Google Chrome-ը պարբերաբար թարմացնում է երկու սև ցուցակները (մեկը ֆիշինգի և մեկը չարամիտ ծրագրերի համար) և զգուշացնում է օգտատերերին, երբ նրանք այցելում են դրոշակավորված կայք։ Ծառայությունը հասանելի է նաև ուրիշների կողմից անվճար հանրային API-ի միջոցով, որը կոչվում է Google Safe Browser API:

Chrome-ը վերաբերվում է յուրաքանչյուր ներդիրին որպես առանձին գործընթաց; Այսպիսով, եթե ներդիրը դադարեցվի, ամբողջ բրաուզերը չի տուժի։ Բացի այդ, ամբողջ զննարկիչը աշխատում է ավազատուփում, ուստի չարամիտ ծրագրերը չեն կարող ազդել ձեր համակարգչի վրա, եթե ուղղակիորեն սեղմեք դրա վրա^[19]։