Ekonomio di Ivora Rivo

Ivora Rivo esas la precipua mondala produktero di kakao, e granda produktero di kafeo e di palmier-oleo. Lua ekonomio dependas forte del agrokultivo, qua employas 68% de lua habitantaro.^[1] Ol esas un ek l'ekonomii kun maxim rapida kresko de Afrika, e la povreso rurala ed urbala diminutabas dum recenta yari^[1].

Ekonomio di Ivora Rivo
Pekunio	Franko CFA di Westal Afrika
Internaciona organizuri	MOK, Afrikana Uniono, ECOWAS
Statistiki [1]
Totala nacionala produkturo (TNP)	US$ 146 323 milioni (2021)
Rango TNP	79ma[2] maxim granda
Kresko di TNP	7,04% (2021)
TNP po persono	US$ 5 300 (2021)
TNP segun sektoro	agrokultivo 20,1%, industrio 26,6%, servadi 53,3% (2017)
Inflaciono	4,09% (2021)
Habitantaro sub la povreso-lineo	39.5% (2018)
Laboro-povo	8 876 000 (2021)
Laboro-povo segun okupo	agrokultivo 68% (2007)
Chomeso	3,47% (2021)
Komercala parteneri [1]
Exportaci (US$)	13 232 milioni (2020)
Exportaci - precipua produkturi	semini di kakao, oro, kauchuko, rafinita petrolo, kruda petrolo (2019)
Precipua parteneri	Nederlando 10%, Usa 6%, Francia 6%, Hispania 5%, Malaizia 5%, Suisia 5%, Germania 5%, Vietnam 5% (2019)
Importaci (US$)	12 660 milioni (2020)
Precipua parteneri	Popul-Republiko Chinia 18%, Nigeria 13%, Francia 11% (2019)
Publika financi [1]
Extera debo	13,07 miliardi (2017)
Revenuo totala (US$)	7.749 miliardi (2017)
Spenso totala (US$)	9.464 miliardi (2017)
Noto: Ecepte kande kontree mencionata, valori en ca tabelo esas en Usana dolari

Moderna edifici en Abidjan.

Lua substrukturo esas bona: la lando havas cirkume 13 000 km di chosei pavimentizata, moderna telekomuniki, du importanta portui, ferovoyi e bona tereni por industrial e komercal uzado.

L'ekonomio di la lando kreskis forte dum l'unesma 15 yari pos lua nedependo; tamen, ol subisis deskresko dum la sequanta yari pro la falio di internaciona preci di kafeo e kakao, e pro la politikala krizo di 2002. Kande la krizo finis, la kresko ekonomiala durigis, cirkume 8,2% omnayare, til 2019. Pro to, Ivora Rivo divenis un ek la maxim richa landi de Afrika, kun TNP po persono di 2286 dolari, ye la fino di 2019.