Indiana

Indiana esas Usana stato. Lu havas kom vicini Michigan norde, Ohio este, Kentucky sude, ed Illinois weste.

Indiana Stato di Usa Monumento Monument Circle, en Indianapolis. Chefurbo Indianapolis Maxim granda urbo Indianapolis Oficala linguo o lingui: Angla Surfaco 94 322 km² Habitanti Denseso di habitantaro 6 785 528 (2020) 71,94 hab./km² Guvernisto Mike Braun (R) Fondita o kreita 11ma di decembro 1816 Posto-kodexo abreviuro IN Horala zono UTC-5 (UTC-6 en 12 komtii) (UTC-4 dum somero; UTC-5 en 12 komtii) TNP (yaro) US$ 404,3 miliardi (2023)[1] Reto www.in.gov

Historio

Historiala Loko Angel Mounds.

L'unesma habitanti di la nuna Indiana esis paleoindijeni*, qui arivis en la regiono cirkume 8 mil yari aK, pos la defrosto di glacieri kande glacial epoko finis. Ca populi esis nomada, qua chasis granda animali, exemple mastodonti. Li kreis utensili ek osti. Dum tale nomizita "arkaik epoko", qua komencis inter 5000 aK e 4000 aK, lokala populi developis tekniki por koquar nutrivi, e developis nova utensili, exemple flechopinti e kulteli. Arkaika periodo finis cirkume 1500 yari aK. Pose, komencis tale nomizita "forestala periodo" (Angle: Woodland period), kande lokala populi developis ceramiko ed expansis la kultivo di planti. Un ek ta populi, nomizita Adena, developis eleganta rituali por sepultado, e konstruktis tumuli sub tero-monti. Tale nomizita Hopewell, qua existis de cirkume yaro 100 til 500, developis kultivi di maizo e kukombro.

L'unesma Europano en la regiono, Franca explorero René-Robert Cavelier arivis en 1679. En 1763, Francia perdis la regiono por Unionita Rejio.

Indiana divenis la 19ma Usana stato en 1816.

Geografio

Ekonomio

Indiana havas diversa ekonomio, e la total interna produkturo dil stato esis 404,3 miliardi en 2023^[1]. En 2017, la laboro-povo dil stato esis 3,4 milion personi, e la chomeso esis nur 3,4%. Granda parto di la revenuo originas de industrio, precipue vehili e lua kompozanti, farmaciala produkturi, industriala mashinaro, optikala e medikala equipuri, ed elektrala mashinaro.

Demografio

La maxim granda urbo esas Indianapolis. Altra importanta urbi esas Fort Wayne, Evansville e South Bend.