Oregon

Oregon esas Usana stato. Lu havas kom vicini Washington norde, Idaho este, e Nevada e Kalifornia sude. Weste jacas Oceano Pacifiko. Segun la demografiala kontado di 2020, ol havis 4 237 256 habitanti. Lua tota surfaco esas 254 806 km².

Oregon Stato di Usa Rivero Snake, e monti Grand Tetons. Chefurbo Salem Maxim granda urbo Portland Oficala linguo o lingui: ne havas. Angla esas de facto. Surfaco 254 806 km² Habitanti Denseso di habitantaro 4 237 256 (2020) 15,80 hab./km² Guvernistino Tina Kotek (D) Fondita o kreita 14ma di februaro 1859 Posto-kodexo abreviuro OR Horala zono UTC-8 (UTC-7 che monti) (UTC-7 / UTC-6 dum somero) Reto www.oregon.gov

Historio

Utensili de aborijena populi de Oregon.

Homi habitas Oregon de adminime 13,2 mil yari ante nun. Cirkume 5677 aK, erupto di monto Mazama, lor la maxim alta monto dil stato, esis 42-ople plu forta kam l'erupto di Monto St. Helens. La kratero di lua erupto pose inundesis per aquo, formacanta lago Crater Lake. Aborijeni Klamath naracis ca eventajo kom batalio inter deo Llao (inferno) e Skell, deo dil cielo. Ante l'arivo di Europani, la precipua tribui qui vivis en la nuna Oregon esis Benok, Chasta, Chinuk, Kalapuya, Klamat, Molalla, Nez Perce, Takelma, ed Umpqua. Ca tribui konstruktis totemi e komercis kun Europani. Tamen, morbi portita da blanki decimacesis lokala populi.

L'unesma expedicioni a la regiono facesis per maro. Hispani arivis ibe unesmafoye en 1543. En 1774, Juan José Pérez Hernández facis expediciono a la regiono, ed en 1775, Bruno de Heceta deskovris la boko di fluvio Columbia, tamen ne navigis ol. En 1778, James Cook exploris la regiono dum serchado di tale nomizita "nord-westa pasajo", e revendikis la regiono por Britaniana krono. Ta revendiko kreis krizo kun Hispana imperio, nomizita "krizo di Nootka", qua pose rezultis konvenciono qua stipulis Britaniana dominaco sur la regiono.

Geografio

Precipua artiklo: Listo di urbi en Oregon

La precipua fluvii di la stato esas Columbia, longa de 2.000 km, qua naskas en British Columbia, la fluvio Snake, qua formacas naturala bordero kun Idaho, e la fluvio Klamath, qua debushas an Pacifiko che Kalifornia.

Ekonomio

Ica seciono esas vakua, nesuficante detaloza o nekompleta. Vua helpo esas bonvenanta!