Virginia

Virginia esas Usana stato. Ol havas kom vicini Maryland e Washington DC norde ed este, Nordal Karolina e Tennessee sude, Kentucky weste, e Westal Virginia weste e norde. Oceano Atlantiko jacas este. Segun la demografiala kontado di 2020, ol havis 8 631 393 habitanti. Lua tota surfaco esas 110 784 km².

Virginia Stato di Usa Blua Montaro (Blue Ridge Mountains) Chefurbo Richmond Maxim granda urbo Virginia Beach Surfaco 110 784 km² Habitanti Denseso di habitantaro 8 631 393 (2020) 79.8 hab./km² Guvernisto Glenn Youngkin (R) Fondita o kreita 25ma di junio 1788 Posto-kodexo abreviuro VA Horala zono UTC-5 (UTC-4 dum somero) TNP (yaro) USD 579 860 milioni (2021) Reto www.virginia.gov

En Virginia naskis 4 ek la 5 unesma prezidanti di Usa: George Washington, Thomas Jefferson, James Madison e James Monroe.

Historio

Existas evidentaji ke Virginia habitesis da paleoindijeni* adminime 10 mil yari ante nun. Che insulo Pocahontas, trovesis evidentaji pri homala habitado cirkume 6500 yari aK. Agrokultivo komencis cirkume la yaro 900.

La historio di Pocahontas simplifikesis e romantikigesis da posa artisti, inkluzite da propra John Smith. Elua decendinti mariajis membri de kolonial elito.

Diversa Europana expedicioni exploris la regiono dum la 16ma yarcento, inkluzite Hispana jezuiti, Walter Raleigh e kapitano Arthur Barlowe. En 1607, Angli fondis kolonio Jamestown. Li trovis diversa populi en la regiono, exemple Cherokee, Chesepian, Chickahominy, Mattaponi, Meherrin ed altri. Ca nativa populi subdividesis en 3 granda grupi: l'Algonquini (la maxim nombroza, kun cirkume 15 mil individui en 1607), Iroquois e Sioux. L'Algonquini formacis tale nomizita "kunfederuro Powhatan", fondita da indijena chefo Wahunsunacock, ed okupis granda parto di la regiono. Eventis multa konflikti pri proprieto e kontrolo di tereni, e l'abato di foresti diminutis chaso-areo por indijeni. Inter 1642 e 1644, indijena chefo Opechancanough komandis diversa ataki kontre kolonieri, ma cirkume la duimo dil 17ma yarcento, le Powhatan diminutabis multe.

En 1676, eventis tale nomizita "revolto di Bacon", pro deskontento di koloniigeri pri ataki da indijeni, e pro l'autokratismo di lora guvernisto William Berkeley. Pos la milito Franca-indijena en 1763, lokala koloniigeri komencis questionar taxado sen reprezento en Britaniana parlamento. Ye la 15ma di mayo 1776, la 5ma Konvenciono di Virginia deklaris la regiono nedependanta, ed elektis Patrick Henry kom guvernisto. En 1780, dum la milito pri nedependo di Usa, la chef-urbo di Virginia transferesis a Richmond, pro timo pri vunebleso di antea chef-urbo Williamsburg. Benedict Arnold, e pose generalo Cornwallis atakis Virginia, ma pos la batalio di Yorktown en oktobro 1781, la milito fakte cesis en la regiono.

Geografio

Bayo Chesapeake separas la kontigua porciono di Virginia de la du komtii an la peninsulo Delmarva, qui formacas regiono konocata kom Eastern Shore.

Ekonomio

Ica seciono esas vakua, nesuficante detaloza o nekompleta. Vua helpo esas bonvenanta!