Wisconsin

Wisconsin esas Usana stato. Ol havas kom vicini Michigan e Lago Supera norde, Lago Michigan weste, Illinois sude, ed Iowa e Minnesota weste. Segun la demografiala kontado di 2020, ol havis 5 893 718 habitanti.

Wisconsin Stato di Usa Milwaukee Chefurbo Madison Maxim granda urbo Milwaukee Surfaco 169 639 km² Habitanti Denseso di habitantaro 5 893 718 (2020) 33.02 hab./km² Guvernisto Tony Evers (D) Fondita o kreita 29ma di mayo 1848 Posto-kodexo abreviuro WI Horala zono UTC-6 (UTC-5 dum somero) TNP (yaro) USD 347,3 miliardi (2019) Reto www.wisconsin.gov

Historio

Anciena vilajo che statala parko Aztalan.

Wisconsin habitesis da diversa kultura dum la pasinta 14 mil yari. L'unesma habitanti arivis cirkume 10 mil yari aK, dum tale nomizita "glacial epoko di Wisconsin". Ca populi nomizita paleoindijeni*, chasis extingita animali, exemple mastodonto. Pos fino di glacial epoko cirkume 8 mil yari aK, lokala populi transvivis de chaso, pesko e kolekto di nutrivi de sovaja planti. Agrokultivo developesis dum tale nomizita "forestal epoko", de cirkume 1000 aK til 1000. Dum ca epoko, Wisconsin habitesis da populi qui konstrukti funerala kolineti. Pose, inter yari 1000 e 1500, kulturi Misisipiana ed Oneota konstruktis diversa kolonieti en la regiono, e mem fortifikita vilajo en Aztalan. Ante l'arivo di blanki, altra grupi qui vivis en la regiono esis le Ojibwe, le Sauk, le Meskwaki, le Kickapoo, e le Potawatomi. La vorto Wisconsin originis de vorto en Ojibwe Miskwasiniing, qua signifikas "loko di reda petro".

L'unesma Europano qua arivis ibe esis Franco Jean Nicolet, qua atingis insulo Rock e bayo Green Bay en 1634. Pro esar inter la baseni di Granda Lagi e fluvio Mississippi, Wisconsin vizitesis da multa misionisti, chasisti e komercisti Franca. En 1763, Britaniani prenis kontrolo di la regiono pos la milito Franca ed indijena. Malgre to, Franci duris laborar en Wisconsin, ed en 1764 Charles de Langlade establisis su permanante en la regiono. Dum Britaniana dominaco, la komerco di feli kreskis multe.

Wisconsin divenis Usana teritorio en 1783 e stato ye la 29ma di mayo 1848.

Geografio

Michigan ne havas granda monti: la maxim alta monto dil stato esas Timms Hill, kun 595 metri di altitudo. La mezvalora altitudo dil stato esas 320 metri.

Urbi

• Milwaukee
• Madison
• Eau Claire

Ekonomio

Wisconsin esas la duesma maxim granda produktero di lakto e butro di Usa, pos Kalifornia.

Ica seciono esas vakua, nesuficante detaloza o nekompleta. Vua helpo esas bonvenanta!