Iowa

Iowa esas Usana stato. Lu havas kom vicini Wisconsin nord-este, Illinois este, Missouri sude, Nebraska weste, Sudal Dakota nord-weste, e Minnesota norde. Segun la demografiala kontado di 2020, ol havis 3 190 369 habitanti^[1]. Lua tota surfaco esas 145 746 km².

Iowa Stato di Usa Chefurbo Des Moines Maxim granda urbo Des Moines Oficala linguo o lingui: Angla Surfaco 145 744 km² Habitanti Denseso di habitantaro 3 190 369 (2020) 22.0 hab./km² Guberniestro Kim Reynolds (R) Fondita o kreita 28ma di decembro 1846 Posto-kodexo abreviuro IA Reto www.iowa.gov

Bazala fakti pri Iowa.

Historio

L'unesma indijena populi qui habitis la nuna Iowa arivis en la regiono plua kam 13 mil yari ante nun, dum glacial epoko di Pleistoceno. Li esis chaseri e peskeri, e lente divenis sedentaria farmeri, kun plu komplexa social organizuro. Dum arkaika epoko (de 10.500 til 2.800 yari ante nun) li adaptis su a lokala ambiento ed ekosistemi. Plua kam 3 mil yari ante nun, li komencis uzar domestikigita planti. Dum la sequanta yari, l'agrokultivo expansesis, li komencis uzar ceramiko e lia socio divenis plu komplexa.

Iowa divenis Usana stato ye la 28ma di decembro 1846.

Geografio

Lago DeSoto.

Precipua artiklo: Listo di urbi en Iowa

Iowa jacas inter fluvio Mississippi este, e riveri Missouri e Big Sioux weste. Lua klimato esas humida kontinentala. La mezavalora yarala temperaturo en Des Moines esas 10°C.

La dominacanta vejetantaro dil stato esas alta prati e savano en alta arei, kun densa foresti e marshi en protektita fluviala vali. La maxim multa arei di Iowa - cirkume 60% de lua tota surfaco - uzesas por agrokultivo. Pasturaji kovras 30% de la stato, foresti kovras 7%, ed urbala arei e lagi kovras 1% de tota surfaco, single.

La maxim alta monto dil stato esas Hawkeye Point, kun 509 metri di altitudo.

Ekonomio