Helle Helle

Helle Helle, fædd Helle Olsen þann 14. desember 1965 í Nakskov, er danskur rithöfundur. Hún hlaut verðlaunin Kritikerprisen árið 2005 fyrir skáldsöguna Rødby-Puttgarden, árið 2009 hlaut hún PO Enquist-verðlaunin fyrir skáldsöguna Ned til hundene og skáldsagan var einnig tilnefnd til Bókmenntaverðlauna Norðurlandaráðs árið 2009.^[1][2]

Helle Helle árið 2012

Helle nam bókmenntafræði við Kaupmannahafnarháskóla og fór svo í Forfatterskolen. Í verkum hennar er hverdagslífið í forgrunni og stíllinn er mínimalískur.^[3] Hún er sjálf ekki hrifin af því að vera kölluð mínimalísk vegna þess að það hljómar "afskiptalaust", en henni líkar þegar það gerist ekki of mikið í sögunni. Þess vegna kann hún líka að meta Hemingway.^[4] Í sumum tilfellum kemur innblásturinn að skáldsögunum greinilega frá hennar eigin lífi. Helle hefur til dæmis unnið í ilmvatnsborðinu á ferjunni milli Rødby og Puttgarden, rétt eins og aðalpersónurnar í skáldsögu hennar Rødby-Puttgarden.^[3]

Helle breytti eftirnafninu sínu í Helle þegar hún var 23 ára.^[5] Hún býr nálægt Sorø með eiginmanni sínum, listamanninum Mikkel Carl.^[5]

Ritaskrá

• 1993 – Eksempel på liv (skáldsaga)
• 1996 – Rester (smásögur)
• 1999 – Hus og hjem (skáldsaga)
• 2000 – Biler og dyr (smásögur)
• 2002 – Forestillingen om et ukompliceret liv med en mand (skáldsaga)
• 2003 – Min mor sidder fast på en pind, með Lars Nørgaard (barnabók)
• 2005 – Rødby-Puttgarden (skáldsaga)
• 2008 – Ned til hundene (skáldsaga)
• 2011 – Dette burde skrives i nutid (skáldsaga)
• 2014 – Hvis det er (skáldsaga)
  • Á íslensku: Ef þú vilt, Silja Aðalsteinsdóttir þýddi (2016)
• 2018 – de (skáldsaga)
• 2022 – Bob (skáldsaga)