Hrafnagil

Hrafnagil er fornt höfuðból í Eyjafjarðarsveit, fyrrum Hrafnagilshreppur var kenndur við bæinn en þar var til ársins 1863 kirkjustaður og prestsetur hreppsins. Á Sturlungaöld var Þorgils skarði Böðvarsson veginn af Þorvarði Þórarinssyni á Hrafnagili um jólin 1258, ódæðið þótti afar níðingslegt og uppskar Þorvarður miklar óvinsældir vegna þess.

Hrafnagil
Þorp
Hrafnagil Staðsetning Hrafnagils
Hnit: 65°35′N 18°4′V
Land	Ísland
Landshluti	Norðurland eystra
Kjördæmi	Norðaustur
Sveitarfélag	Eyjafjarðarsveit
Mannfjöldi  (2024)[1]
• Samtals	379
Póstnúmer	605
Vefsíða	esveit.is

Í landi Hrafnagils hefur nú byggst samnefnt þorp þar sem 379 bjuggu í janúar 2024. Þar er Hrafnagilsskóli, grunnskóli Eyjafjarðarsveitar, og félagsheimili. Jarðhiti er á staðnum og er notaður til að hita upp nokkur gróðurhús en einnig eru þar borholur á vegum Norðurorku sem tengjast hitaveitunni á Akureyri.