Magic Johnson

Earvin "Magic" Johnson Jr. (fæddur 14. ágúst 1959) er bandarískur fyrrum körfuknattleiksmaður. Hann er álitinn einn besti leikstjórnandi allra tíma.^[1]

Magic Johnson

Johnson árið 2022
Persónulegar upplýsingar
Fæðingardagur	14. ágúst 1959 (1959-08-14) (66 ára) Lansing, Michigan, U.S.
Hæð	6 ft 9 in (2,06 m)
Þyngd	220 lb (100 kg)
Körfuboltaferill
Háskóli	Michigan State (1977–1979)
Landslið	Bandaríkin (1992)
Nýliðaval NBA	1979: 1. umferð, 1. valréttur
Valin af Los Angeles Lakers
Leikferill	1979–1991, 1996, 1999–2000
Leikstaða	Leikstjórnandi
Liðsferill
Sem leikmaður:
1979–1991	Los Angeles Lakers
1996	Los Angeles Lakers
2000	Magic Great Danes
Sem þjálfari:
1993	Los Angeles Lakers
Heildar tölfræði í NBA
Stig	17.707 (19,5)
Fráköst	6.559 (7,2 )
Stoðsendingar	10.141 (11,2)
Tölfræði á NBA.com
Tölfræði á Basketball Reference

Johnson spilaði 13 ár með Los Angeles Lakers en lagði skóna á hilluna í nóvember 1991 eftir að hafa greinst með HIV veiruna. Hann tók þó þátt í stjörnuleik NBA árið 1992 sem og að spila með landsliði Bandaríkjanna, Draumaliðinu svokallaða, á Ameríkuleikunum og Ólympíuleikunum það sama ár. Hann hugðist leika aftur með Lakers tímabilið 1992-1993 en hætti við nokkrum dögum áður en tímabilið hófst vegna mótmæla leikmanna í NBA-deildinni. Hann þjálfaði Lakers stuttlega árið 1994 og sneri aftur sem leikmaður tímabilið 1995-1996, þá 36 ára og spilaði 32 leiki. Um aldamótin fór hann til Svíþjóðar og Danmerkur og spilaði aðeins þar. Frá 2017-2019 var hann framkvæmdastjóri körfuboltasviðs Lakers (enska: President of basketball operations) en sagði af sér vegna slaks gengis liðsins. Johnson sneri sér einnig að viðskiptum eftir ferilinn og á nokkur fyrirtæki.^[1]

Afrek

Titlar með félagsliði

• 5× NBA meistaratitlar (1980, 1982, 1985, 1987, 1988)
• McDonald's meistaramótið (1991)
• NCAA háskólameistari (1979)

Titlar með landsliði

• Ólympíugull (1992)
• FIBA Ameríkumeistari (1992)

Viðurkenningar

• 3× besti leikmaður deildarkeppni NBA (1987, 1989, 1990)
• 3× besti leikmaður úrslitakeppni NBA (1980, 1982, 1987)
• 4× stoðsendingakóngur deildarinnar (1983, 1984, 1986, 1987)
• 12× valinn í stjörnuleik NBA
• 2× valinn besti leikmaður stjörnuleiksins
• Best leikmaður McDonald's meistaramótsins (1991)
• Úrvalslið McDonald's meistaramótsins (1991)