Oganesson

Oganesson er tilbúið geislavirkt frumefni með efnatáknið Og og sætistöluna 118. Það var fyrst búið til hjá Sameinuðu kjarnorkurannsóknarstofnuninni í Dubna í Rússlandi árið 2002, af teymi rússneskra og bandarískra vísindamanna. Frumefni á þessum stað í lotukerfinu hafði áður fengið heitið ununoktín. Árið 2015 var uppgötvun efnisins viðurkennd og árið eftir fékk það núverandi nafn eftir armensk-rússneska kjarneðlisfræðingnum Yuri Oganessian.^[1][2]

	Radon
Tennessín	Oganesson	Ununennín
Efnatákn Og Sætistala 118 Efnaflokkur Eðalgas Eðlismassi 5000 kg/m³ Harka Atómmassi 294 g/mól Bræðslumark 325 K Suðumark 450 K Efnisástand (við staðalaðstæður) fast efni (áætlað) Lotukerfið

Oganesson hefur hæstu sætistölu og mesta atómmassa allra þekktra frumefna. Í lotukerfinu er það í flokki efna í p-blokk og tilheyrir flokki 18 og er síðasta frumefnið í lotu 7. Eina þekkta samsæta þess, ²⁹⁴Og, er mjög geislavirk með 0,7 ms helmingunartíma. Árið 2025 höfðu aðeins fimm atóm af efninu verið búin til.^[3] Vegna þessa hafa engar rannsóknir verið gerðar á efniseiginleikum efnisins.