Patrick Ewing

Patrick Aloysius Ewing Sr. (fæddur 5. ágúst 1962) er jamaískur og bandarískur körfuknattleiksþjálfari og fyrrum leikmaður. Á 17 ára ferli sínum sem atvinnumaður í NBA deildinni er hann þekktastur fyrir veru sína hjá New York Knicks þar sem hann lék í 15 ár en síðustu tvö tímabil sín lék hann með Seattle SuperSonics og Orlando Magic. Ewing er almennt talinn einn af bestu miðherjum í sögu NBA og var lykilleikmaður í velgengni Knicks á tíunda áratugnum er liðið fór tvívegis í úrslit deildarinnar (1994 og 1999).^[1]

Patrick Ewing

Ewing árið 2021
Persónulegar upplýsingar
Fæðingardagur	5. ágúst 1962 (1962-08-05) (62 ára) Kingston, Jamaíka
Þjóðerni	Jamaískur / bandarískur
Hæð	213 cm (7 ft 0 in)
Þyngd	116 kg (256 lb)
Körfuboltaferill
Háskóli	Georgetown (1981–1985)
Landslið	Bandaríkin (1984, 1992)
Leikferill	1985–2002
Leikstaða	Miðherji
Þjálfaraferill	2002–nú
Liðsferill
1985–2000	New York Knicks
2000–2001	Seattle SuperSonics
2001–2002	Orlando Magic
Tölfræði á NBA.com
Tölfræði á Basketball Reference

Áður en hann varð atvinnumaður lék Ewing í fjögur ár fyrir Georgtown háskólann. Þrívegis komst liðið í úrslit NCAA meistarakeppninar og varð einu sinni meistari, árið 1984. Árið 2008 útnefndi ESPN hann 16. besta háskólakörfuboltamann allra tíma.^[2]

Ewing var fæddur á Jamaíku en fékk seinna bandarískan ríkisborgararétt og lék með landsliði Bandaríkjanna á tvennum Ólympíuleikum, 1984 og 1992, og vann gull á báðum.^[3]

Hann var valinn ellefu sinnum í Stjörnuleik NBA-deildarinnar og í sjö sinnum í lið ársins. Árið 1996 var hann valinn einn af 50 bestu leikmönnum í sögu NBA og sem einn af 75 bestu leikmönnum í sögu NBA árið 2021.^[4][5]

Titlar

Georgetown

• NCAA háskólameistari: 1984

New York Knicks

• McDonald's meistaramótið: 1990

Landslið Bandaríkjanna

• Ólympíuleikarnir: 1984, 1992
• Ameríkuleikarnir: 1992