Xbox One

Xbox One — რიგით მესამე სათამაშო კონსოლი Microsoft-სგან, Xbox 360-ის მომდევნო ვერსია. Xbox One-ის კონკურენტებად მერვე თაობის სათამაშო კონსოლებს შორის ითვლებიან PlayStation 4 და Wii U.

შემქმნელი	Microsoft
მწარმოებელი	Flextronics, Foxconn[1]
პროდუქტის ოჯახი	Xbox
ტიპი	სახლის ვიდეო თამაშების კონსოლი
თაობა	მერვე
გამოშვების თარიღი	ავს ნოემბერი 22, 2013 ბრ ნოემბერი 22, 2013 ჩინ სექტემბერი 29, 2014[2]
თავდაპირველი ფასი	499 აშშ დოლარი[3]/499 ევრო[3]/429 გირვანქა სტერლინგი[3]/49,980 იენი[4]
შეწყდა	მსოფლიოში 2020[5]
გაიყიდა	36.2 მილიონი (ივნისი, 2017)[6]
დაიგზავნა	10 მილიონი (აშშ, 2014 წლის 2 ნოემბრისთვის)[7]
მედია	Blu-ray,[8] DVD, CD
ოპერაციული სისტემა	Xbox One-ის სისტემური პროგრამული უზრუნველყოფა
პროცესორი	სპეციალური 1.75 გჰც AMD 8-ბირთვიანი APU (2 კვად-ბირთვიანი Jaguar-ის მოდული)[8][9]
მეხსიერება	8 გბ DDR3 (5 გბ თამაშებისთვის)[10]
მეხსიერების საცავი	საცავი შიდა მყარი დისკი 500 GB or 1 TB[11] USB 3.0 საცავი 256 GB or greater[12]
მონიტორი	4K, 1080p და 720p
გრაფიკა	853 მჰც AMD Radeon GCN architecture (inside of APU)
ხმა	7.1 მოცულობითი ჟღერადობა
შეტანა	HDMI
კონტროლერის შეტანა	Xbox One-ის კონტროლერი, Kinect Xbox One-ისთვის, SmartGlass, Xbox One Media Remote
კამერა	1080p Kinect-ის კამერა
კავშირი	Wi-Fi IEEE 802.11n, Ethernet, 3× USB 3.0, HDMI 1.4 შეტანა/გამოტანა, S/PDIF გამოტანა, IR-გამოტანა, Kinect-ის პორტი
ონლაინ სერვისები	Xbox Live
უკუთავსებადობა	Xbox 360-ის რამდენიმე თამაში[13]
წინა	Xbox 360
საიტი	xbox.com

კონსოლი დაანონსდა 2013 წლის 21 მაისს. ოფიციალურად პირველი გაყიდვები კი დაიწყო 2013 წლის 22 ნოემბერს მსოლფიოს შემდეგ 13 სახელმწიფოში: აშშ, კანადა, მექსიკა, ბრაზილია, ავსტრალია, ახალი ზელანდია, დიდი ბრიტანეთი, ირლანდია, გერმანია, საფრანგეთი, ავსტრია, იტალია და ესპანეთი. ოფიციალური გაყიდვები სხვა ქვეყნებში (რუსეთი, ბელგია, ნიდერლანდები, შვეიცარია, ნორვეგია, დანია, შვედეთი და ფინეთი) გადაიდო 2014 წლამდე. კონსოლის ფასი იყო $499 აშშ-ში, €499 ევროპაში და £429 დიდ ბრიტანეთში. მისი წარმოება ოფიციალურად 2020 წელს შეწყდა.

შემუშავება

სათამაშო ინდუსტრიის განახლებისთვის მზადება დაიწყო ჯერ კიდევ 2008 წელს, როდესაც Microsoft-ი შეუდგა მენეჯერის ძიებას, შემდეგი სათამაშო კონსოლის განვითრებისთვის. ანონსამდე, კონსოლი ატარებდა კოდურ სახელწოდებას „Durango“. მრავალი ავტორიტეტული გამომცემლობა, მათ შორის Forbes-ი, ვარაუდობდა, რომ ახალ კონსოლს „Xbox Infinity“ ეწოდებოდა, თუმცა პრეზენტაციაზე გაცხადდა, რომ ეს იყო Xbox One (All-in-One ინგ. ყველაფერი ერთში). 2013 წლის 21 მაისს გარდა კონსოლის ანონსისა დაანონსდა შემდეგი ექსკლუზიური თამაშები: Forza Motosport 5, Quantum Break და NBA Live 14.

დიზაინი

Xbox One-ის კონტროლერი

გასულ მოდელებთან შედარებით, Xbox One-ის დიზაინი გამარტივებულია. კონსოლი მოთავსდა შავ კორპუსში, რომელსაც აქვს დატანილი თეთრი ლოგოტიპი(მწვანე ნათების გარეშე), კონსოლის საფარი შესრულებულია ნახევრად ნაცრისფერი პრიალა და ნახევრად შავი მქრქალი მასალისგან. Xbox One-ის ლოგოტიპი ანათებს მხოლოდ იმ შემთხვევაში, თუ კონსოლი ჩართულია.

Xbox One Kinect

გარდა კონსოლისა, სახე შეიცვალა ასევე Kinect-ის სენსორმა, გეიმპადმა და უშუალოდ კონსოლის ინტერფეისმა. კონსოლს შეემატა ის შესაძლებლობები, რომლებიც უკვე რეალიზებულია Windows 8-ში (მაგ. ეკრანის დაყოფა).

აპარატული უზრუნველყოფა

ტექნიკური მახასიათებლები

• CPU- Xbox One-მა მიიღო 8-ბირთვიანი x86-x64 ცენტრალური პროცესორი APU 1,75 გჰც. მანამდე იგეგმებოდა 1,6 გჰც-იანი პროცესორის ჩადგმა.
• GPU- AMD Radeon GPU APU-ს შემადგენელობაში, დაფუძნებულია AGCN-არქიტექტურაზე 12 გამომთვლელი მოდულით, რომლებსაც აქვთ 768 ბირთვი; D3D 11.2 @ 1,31 TFLOPS.
• RAM- Xbox One-ში არსებობს 2 ტიმის მსგავსი მეხსიერება: DRAM და ESRAM. DDR3-ის მოცულობა შეადგენს 8 გბ-ს (2133 მჰც)(გამოყენებისთვის ხელმისაწვდომია მხოლოდ 5 გბ, რადგან დანარჩენი 3 გბ-ს იყენებს საოპერაციო სისტემა. ESRAM-ის მოცულობა შეადგენს 32 მბ-ს. ESRAM-ოპერატიული მეხსიერების გამტარიანობაა- 192 გბ/წმ., DDR3- 68,3 გბ/წმ.
• მყარი დისკი- 500 გბ. Xbox One-ში მყარი დისკის შეცვლა საგარანტიო პირობების დარღვევის გარეშე შეუძლებელია. შესაძლებელია გარე მყარი დისკების მიერთება.
• Bly-Ray და DVD წამკითხველი
• Kinect 2.0 კონტროლერი. მაღალი გარჩევადობის კამერა- 1080p. სახის ამოცნობა. ინფრაწითელი სენსორი ამაღლებს გადაღების ხარისხს და აძლევს მომხმარებელს საშუალებას სიბნელეშიც კი გამოიყენოს ის.
• Xbox One-ს ასევე აქვს 3 USB 3.0 და 2 HDMI-პორტი(In/Out)
• თავდაპირველად გაცხადდა, რომ Xbox One მუშაობისთვის ითხოვს მუდმივ ინტერნეტ-კავშირს, მოგვიანებით, E3 2013-კონფერენციაზე, კომპანიამ განაცხადა გადაწყვეტილების შეცვლის შესახებ და ახლა ინტერნეტის გარეშე კონსოლი იმუშავებდა 24 საათის განმავლობაში(სერვისების შეზღუდვით). 2013 წლის 19 ივნისს კი, კომპანიამ გამოაქვეყნა პრეს-რელიზი, რომელშიც ნათვქამი იყო, რომ საზოგადოების მწვავე კრიტიკის გამო, კომპანია ცვლის საკუთარ პოლიტიკას და უარს ამბობს მუდმივ ინტერნეტ-კავშირის საჭიროებაზე, რეგიონალურ ბლოკირებასა და თამაშების სამომხმარებლო ანგარიშთან მიბმაზე.

აუდიო და ვიდეო

Xbox One-ს აქვს 4K გაფართოების ვიდეო და 7.1 აუდიო მხარდაჭერა. Microsoft-ის სტრატეგიის და მარკეტინგის ვიცე-პრეზიდენტმა, იუსუფ მეჰდიმ განაცხადა, რომ კონსოლზე არანაირი აპარატული შეზღუვა არაა, რომელიც შეუშლის ხელს თამაშების 4K-გაფართოებაში თამაშს. Xbox One-ს აქვს HDMI 1.4-ის შემავალი და გამავალი პორტის მხარდაჭერა. თუმცა Xbox One-ს არ აქვს კომპოზიტური ან კომპონენტური ვიდეოს გამავალი არხი.

შესაძლებლობები

მედიაინტერფეისი

Xbox One-ის პროგრამულ უზრუნველყოფაში ისევე, როგორც Windows 8-ში შესაძლებელია აპლიკაციების (მაგ. Skype, Internet Explorer და ა.შ) ეკრანის გვერდებზე გახსნა. Xbox One ასევე შეიძლება გამოიყენებულ იქნეს როგორც ტელეტუნერის და ტელევიზორის დამაკავშირებელი HDMI-ის დახმარებით.

საზოგადოების რეაქცია

• Microsoft-ის ახალი კონსოლის პრეზენტაციის შემდეგ, დიდ ბრიტანეთში Wii U-ს გაყიდვები 875 %-ით გაიზარდა
• Xbox-ის პრეზენტაციის შემდეგ, Sony-ს აქციები 9 %-ით გაიზარდა
• 2013 წლის დეკემბერში აშშ-სა და ბრიტანეტში Xbox One დასახელდა ყველაზე გაყიდვად კონსოლად

რესურსები ინტერნეტში

• შეგიძლიათ იხილოთ მედიაფაილები თემაზე „Xbox One“ ვიკისაწყობში.
• ოფიციალური საიტი