Cation

Cation (-ntis,n.) est ion quod onus electricum positivum praebet, hoc est maiorem protonum numerum habet quam electronum. Hoc onus signo 'plus' a dextris symboli elementi (vel moleculae formulae si composita est) supra lineam notatur (e.g. Ca⁺⁺). Imprimis elementa gregum 1 (Li⁺, Na⁺, K⁺ etc.) et 2 (Be⁺⁺, Mg⁺⁺, Ca⁺⁺ etc.) tabulae periodicae, quia facile electrones extremae orbitalis amittunt, in natura rerum sub specie cationtium occurrunt. Multa composita quoque cationta esse possunt ut ammonium NH⁺
₄. Sunt etiam metalla ut cuprum et ferrum quae plura cationta variis oneribus dant (Cu⁺ vs. Cu²⁺; Fe²⁺ vs. Fe³⁺).

Ionta in tabula periodica.

Cationta cum aniontibus coniunguntur ut sales faciant. Exempli gratia sal communis NaCl in aqua in ionta Na⁺ et Cl^- dividitur. Etenim polaritas electrica moleculae aquae ionta optime solvit.

Fontes

• Atkins, Jones, Laverman. Chemical principles. The Quest for Insight, septima editio, WH Freeman, 2016.