Fontanka

Fontanka^[1] est bracchium parvum Nevae, pars deltae eius in Petropoli. 7,6 chm longa est, a 35 ad 70 m lata et a 2,6 ad 3,5 alta. A Neva iuxta Hortum Aestivum abit, partem Petropolis mediam, multis canalibus dissecatam, circumit et cum Neva Maiore in ostio eius coniungitur. Fontankae ripa altera australis insula Innominata est. Moika haud longe a fonte a Fontanka in dextram partem abit.

Pontes Fontankae quinque: Černyšovii, Lestocquianus (Leštukov), cohortis Symeonis, Gorstkin (vix videtur) et Obuchovii. Ecclesia cathedralis Trinitatis Ismaeliana videtur.

Fontanka et pons Černyšovii.

Nomen habet de fontibus artificialibus Horti Aestivi pristinis (nunc absunt ibi fontes), Saeculo XVIII ineunte palus usque ad 200 m latitidinis loco Fontankae erat; bis alveus eius purgebatur, ut altior et rectior esset ripaeque siccarentur, primo ab anno 1743 ad 1752. secundo a 1780 ad 1789, cum et granito munitae essent.