Probus

Marcus Aurelius Probus (Sirmii hodie Sremska Mitrovica in Serbia natus die 19 Augusti 232—ibidem a militibus necatus anno 282) fuit ab anno 276 usque ad mortem imperator Romanus.

Herma Probi apud Musea Capitolii

Ante imperium

Probus humili loco natus est, pater quidam Maximus fuit^[1] vel Dalmatius^[2]. Marcus Aurelius Probus Valeriano imperatore ad Danubium militavit,^[3] deinde in Africa contra Marmaridos et in Aegypto contra Palmyrenses certavisse dicitur.^[4] Marco Claudio Tacito imperatore dux orientis fuit.

Imperator Romanus

Mense Iulio 276 in oriente imperator (Imp. Caesar Marcus Aurelius Probus Augustus) proclamatus est^[5]. 5 Maii 277 Sirmii fuit^[6]. Anno 277/278, contra Germanos certavit, anno 279 contra Isauros in Asia et Blemmyos in Aegypto. Anno 280 Europam milites duxit, ut Bonosum et Proculum usurpatores, qui Coloniae Agrippinae purpuram sumpserant, supprimeret. Anno 281 Romam revertebat, ut triumphum ageret. Deinde ad bellum contra Persas profectus est. Sed mense Augusto vel Septembris 282 Praefectus praetorio Marcus Aurelius Carus Sirmii militibus, qui bellum Persicum negaverunt vel inviti ad opera publica adhiberentur, imperator proclamatus et Probus ab eis necatus est.

Anecdota

Probus, quamquam non diu regnavit, in multis regionibus praeclarus est, quia dicitur Probum vinum in has terras tulit, nam in Historia Augusta cap. 18.8 scriptum est:

Gallis omnibus et Hispanis ac Britannis hinc permisit, ut vites haberent vinumque conficerent.

Fontes de vita et principatu Probi

• Aurelius Victor, De Caesaribus 37
• Epitome de Caesaribus 37
• Eutropius, Breviarium 9.17
• Historia Augusta, "Probus" (vita Flavio Vopisco adscripta: Textus Latine et Anglice)
• Zonaras, Epitome historiarum vol. 3 pp. 154-156 Dindorf

Nexus externi

Vicimedia Communia plura habent quae ad Probus spectant.

• Manfred Clauss, "PROBUS, römischer Kaiser" in Biographisch-Bibliographisches Kirchenlexikon  vol. 7 (Herzberg, 1994. ISBN 3-88309-048-4)  col. 968 (Theodisce)
• De Probo in "De Imperatoribus Romanis" (pagina Anglice scripta a Robin Mc Mahon)

Bibliographia

• Gerald Kreucher: Der Kaiser Marcus Aurelius Probus und seine Zeit. Steiner, Stuttgarti 2003, ISBN 3-515-08382-0 (Historia Einzelschriften 174).