Nationalstrooss 19

D'Nationalstrooss 19 oder N19 ass eng lëtzebuergesch Nationalstrooss am Kanton Dikrech. Si féiert vun der Bleesbréck op Reisduerf.

Nationalstrooss 19

D'N19 zu Bettenduerf
Sauerstrooss
Land	Lëtzebuerg
Gestioun	Administration des ponts et chaussées
Ufank	Bleesbréck, Nationalstrooss 17
Koordinaten	49°52'20,06"N, 6°11'26,48"O
Enn	Reisduerf, Nationalstrooss 10
Koordinaten	49°52'3,40"N, 6°15'29,30"O
Duerch	Bettenduerf, Reisduerf
Opgaangen	1843
Längt	8,67 km
Vitesslimitatioun	50 km/h, 70 km/h, 90 km/h
Informatiounen a Websäiten
P & Ch	Beschreiwung vum Stroossennetz
Fandom	Nationalstrooss 19

Laf an Uschlëss
Bleesbréck	N 17 (PR 0,00)
Bettenduerf	CR 357 (r)       = Rue du Pont
Méischtref	CR 357C (r)       = Rue de la Gare
	Heckebaach
Reisduerf
	N 10 (l)       = Cité Jean Hientgen (PR 8,67)

Kilometersteen op der N19

Si huet hiren Ufank beim SIDEN am Rond-Point op der Bleesbréck, wou se vun der N17 fort geet. Si leeft laanscht d'Sauer duerch Bettenduerf a Méischtref bis op Reisduerf, wou se op der Kräizung mat der N10 zu Enn geet.

D'N19 huet eng Gesamtlängt vun ongeféier 8,67 km^[1].

Entwécklung vun der N19

Wéi se no 1843 entstanen ass, gouf d'N19 uganks als „Strooss vun Iechternach op Waasserbëlleg“ bezeechent. Se gouf etappeweis tëscht 1851 an 1858 gebaut:

1. Arrêté royal grand-ducal (ARGD) vum 7. Juli 1851: Méischtref - Waasserbëlleg^[2]
2. ARGD vum 6. Juni 1854: Iechternach - Méischtref^[3]
3. ARGD vum 22. September 1855: Streck vun der Aesbaach a Richtung Grondhaff^[4]
4. ARGD vum 11. Juli 1856: vum Theis-Wier bis op de Grondhaff^[5]
5. ARGD vum 17. Oktober 1857: Streck tëscht den Deeler 3 a 4 hei virdrun^[6].

Den 9. Abrëll 1858 ass d'Strooss vun Iechternach op Waasserbëlleg als Staatsstrooss deklaréiert ginn^[7]; se besteet aus Deeler vu follgende Stroossen:

• Vizinalstroossen 56 vun Iechternach op Waasserbëlleg;
• Vizinalstroossen 118 vun Dikrech op Iechternach;
• Vizinalstroossen 119 vun Dikrech op d'Wallenduerfer Bréck.

Tëscht 1872 an 1874 ass d'Strooss op den Deeler tëscht dem Grondhaff an Dikrech^[8] an tëscht der Bollenduerfer Bréck an der Aesbaach^[9] méi breet gemaach ginn an am Joer 1875 gouf d'Wallenduerfer Bréck gebaut

1875/76 ass déi éischt Sauerbréck zu Wallendorf gebaut ginn, déi zënterhier op där Plaz Lëtzebuerg mat Däitschland verbënnt^[10].

Virun 1958 hat d'N19 de Spëtznumm „Sauerstrooss“ well se laanscht dee Floss bis op d'Musel gelaf ass.

Enn vun de 1940er Joren ass déi nei Traversée duerch Bettenduerf opgaangen, déi al Strooss gouf vun do u bis 1958 als N19A bezeechent.

Am Laf vun der Zäit ass d'N19 zweemol gekierzt ginn: fir d'éischt 1958, wéi den Deel tëscht der Wallenduerfer Bréck a Waasserbëlleg bei d'N10 geprafft gouf an eng zweet Kéier wéi d'Duerchfaart duerch Reisduerf 1995 och an d'N10 integréiert gouf, fir esou um nërdlechen Deel vun der N10 eng duerchgängeg Streck bis op Veianen ze kréien.

Um Spaweck

Commons: Nationalstrooss 19 – Biller, Videoen oder Audiodateien

Referenzen an Notten

1. Gemooss op Geoportail de 7. Oktober 2024
2. (fr) Arrêté royal grand-ducal du 7 juillet 1851, N° 623i, déterminant le tracé de la partie du chemin de grande vicinalité à construire entre Moersdorff et Wasserbillig (07.07.1851). Gekuckt de 07.10.2024.
3. (fr) Arrêté royal grand-ducal du 6 juin 1854 déterminant le tracé de la partie du chemin de grande vicinalité de Wasserbillig à Echternach, comprise entre cette dernière localité et Moersdorff (06.06.1854). Gekuckt de 07.10.2024.
4. (fr) Arrêté royal grand-ducal du 22 septembre 1855 déterminant le tracé de la construction de la route d'Echternach à l'embouchure de la Schwarz-Erns dans la Sûre (22.09.1855). Gekuckt de 07.10.2024.
5. (fr) Arrêté royal grand-ducal du 11 juillet 1856 déterminant le tracé de la partie de route, formant la fin de la section d'Echternach à l'embouchure de l'Ernz-Noire (11.07.1856). Gekuckt de 07.10.2024.
6. (fr) Arrêté royal grand-ducal du 17 octobre 1857 déterminant le tracé du 2e lot de la route d'Echternach à l'Ernz-noire (17.10.1857). Gekuckt de 07.10.2024.
7. (fr) Arrêté royal grand-ducal du 9 avril 1858 par lequel le chemin d'Echternach à Wasserbillig est déclaré route de l'Etat (09.04.1858). Gekuckt de 07.10.2024.
8. (fr) Arrêté royal grand-ducal du 10 octobre 1872 décrétant l'élargissement de la route d'Echternach à Diekirch, section de l'Ernz noire à Diekirch (10.10.1872). Gekuckt de 07.10.2024.
9. (fr) Arrêté royal grand-ducal du 8 décembre 1874, décrétant l'élargissement de la route d'Echternach à Diekirch, partie comprise entre le pont de Bollendorf et celui de l'Aesbach (08.12.1874). Gekuckt de 07.10.2024.
10. (fr) Arrêté royal grand-ducal du 10 septembre 1875, concernant l'exécution des deux lois du 8 août 1875, qui allouent l'une un crédit de 22,000 frs. en faveur du raccordement de la route d'Eich à la ville de Luxembourg, et l'autre un crédit de 17,000 frs. en faveur de la construction d'un pont sur la Sûre de Wallendorf (10.09.1875). Gekuckt de 07.10.2024.