verstaon

Mofers

Wirkwaord

Lemma

verstaon /və̽r̥'stɒ́:n/

1. (euvergenkelik) get det gezag is akoestisch dudelik kónne waarnumme

   Ich verstaon neet waat die luuj zègke door daen helle meziek oppen achtergróndj.

2. in 't gebroek van emes zie verstenjelik vermoge:
   1. (euvergenkelik) de zin of beteikenis van get of det waat emes zich veurnump te doon mit 't verstandj kónne bestumme

      Die höbbe det meh mitte franse slaag euvergezatj nao 't Nederlandjs; det versteit toch gaar geine waat dao gesjreve steit!

   2. (euvergenkelik) get op 'n bepaoldje meneer verdudelike veur zichzelf

      Waat verstaontj g'r ónger "'ne korten tied"?

   3. (óneuvergenkelik) (reflexief) op 'n zeker meneer te [3] zeen, mit get daobie of juus tesónger zeen

      Die prieze verstaon zich mit 'n euvernachting.

3. in 't gebroek van emes zien emotioneel vermoge:
   1. (euvergenkelik) 't geveul van emes ouch kónnen aanveule, zich emes zienen toestandj kónnen indinke

      Doe bös d'n insigste dae versteit wie ich mich noe veul.

4. (óneuvergenkelik) (reflexief) sónger stried mit emes oet kónne kómme, 'n gooj persuuenlike betrèkking mit emes höbbe, op 'n aangenaam meneer mitein ómgaon

   Daen hóndj en det maedje verstaon zich good mitein.

   Mrie versteit zich neet mit Truus.

   Ich verstaon mich noeatj mit zoea misselinge wie dich.

   Die hónj verstaon zich good.

5. (óneuvergenkelik) (reflexief) biejein kónnen huuere (wie van versjillendje saorte drank of van genaesmiddele die emes broek)

   Wien versteit zich neet mit beer.

6. (óneuvergenkelik) (reflexief) (ajerwèts) op 'n anger meneer gaon staon, zich de bein verzitte

   Es se las vanne bein höbs, mós te dich effekes verstaon.

Aafbraeking

• ver-staon

Synonieme

• [2,3] begriepe, mitkriege, snappe
• [2.1] volge

Aafleijinge

• misverstaon, verstaonbaar, verstäönder

Verwantje wäörd

• verstandj, verstenjig, wete
• [1] huuere

Samestèlling

• ver- + staon

Zagswies

• de eige wäörd neet kónne verstaon: ómgaeve zeen door hieël väöl lewej
• Verstaontj uch: Maak gèn ruzing.
• zich verstaon wie (de) katten en (de) hónj: ummer ruzing höbbe mitein
• zien eige wäörd nanneet kónne verstaon: gehinjerd zeen door hieël väöl lewej

Verveuging

		ich		doe		det		veer		geer		zie		deilwaord
		radikaal	liaison	radikaal	liaison	radikaal	liaison	radikaal	liaison	radikaal	liaison	radikaal	liaison	radikaal	liaison
hujigen tied	sjrif	verstaon		versteis		versteit versteitj		verstaon		verstaontj		verstaon		verstaondje verstäöndje
	IPA	/və̽r̥'stɒ̀:n/		/və̽r̥'stɛ́i̯s/	/və̽r̥'stɛ́i̯z/	/və̽r̥'stɛ́i̯t/ /və̽r̥'stɛ́i̯c/	/və̽r̥'stɛ́i̯d/ /və̽r̥'stɛ́i̯ɟ/	/və̽r̥'stɒ́:n/		/və̽r̥'stɒ̀:ɲ̊c/	/və̽r̥'stɒ̀:ɲɟ/	/və̽r̥'stɒ́:n/		/və̽r̥'stɒ̀:ɲɟə/ /və̽r̥'stœ̀:ɲɟə/
verstangen tied	sjrif	verstóng ↓versting		verstóngs ↓verstings		verstóng ↓versting		verstónge ↓verstinge	verstóngen ↓verstingen	verstóng †verstóngk ↓versting		verstónge ↓verstinge	verstóngen ↓verstingen	verstange	verstangen
	IPA	/və̽r̥'stʊ̀ŋ/ /və̽r̥'stɪ̀ŋ/	/və̽r̥'stʊ̀ŋ/ /və̽r̥'stɪ̀ŋ/	/və̽r̥'stʊ̀ŋ̊s/ /və̽r̥'stɪ̀ŋ̊s/	/və̽r̥'stʊ̀ŋz/ /və̽r̥'stɪ̀ŋz/	/və̽r̥'stʊ̀ŋ/ /və̽r̥'stɪ̀ŋ/	/və̽r̥'stʊ̀ŋ/ /və̽r̥'stɪ̀ŋ/	/və̽r̥'stʊ́ŋə/ /və̽r̥'stɪ̀ŋe/	/və̽r̥'stʊ́ŋən/ /və̽r̥'stɪ̀ŋen/	/və̽r̥'stʊ̀ŋ/ /və̽r̥'stʊ̀ŋg/ /və̽r̥'stɪ̀ŋ/		/və̽r̥'stʊ́ŋə/ /və̽r̥'stɪ̀ŋe/	/və̽r̥'stʊ́ŋən/ /və̽r̥'stɪ̀ŋen/	/və̽r̥'stáŋə/	/və̽r̥'stáŋən/
gebi-jjendje wies	sjrif			verstank! †verstandj!				verstaone-v'r		verstaontj! ↓verstaotj!
	IPA			/və̽r̥'stáŋ̊k/	/və̽r̥'stáŋg/			/və̽r̥'stɒ́:nəvər/		/və̽r̥'stɒ̀:ɲ̊c/ /və̽r̥'stɒ̀:c/	/və̽r̥'stɒ̀:ɲɟ/ /və̽r̥'stɒ̀:ɟ/
				/və̽r̥'stáɲɟ/
substantivering		infinitief		gerundium I		gerundium II		supinum				participium
		radikaal	liaison	radikaal	liaison	radikaal	liaison	radikaal		liaison		radikaal		liaison
	sjrif	verstaon		verstanks ó		verstaon		verstaonentaere		verstaonentaeren		verstaon
	IPA	/və̽r̥'stɒ́:n/		/və̽r̥'stáŋ̊ks/	/və̽r̥'stáŋgz/	/və̽r̥'stɒ́:n/		/və̽r̥stɒ́:nən̥'tɛ̀:re/		/və̽r̥stɒ́:nən̥'tɛ̀:ren/		/və̽r̥'stɒ́:n/

Raod

De gebejendje wies kan waere samegeveug mit 't waord "meh"/"mer": verstammeh, verstammer.

In anger spraoke

[1]

bewirk

• Algemein Gesjreve Limbörgs: versjtaon

Albanees: kuptoj(sq:) Frans: entendre, comprendre Ingels: understand(en:) Japans: 分かる(ja:) Nederlandjs: verstaan

Pruus: verstehen Spaans: entender(es:) Tagalog: maintindihan(tl:), maunawa(tl:) Zweeds: förstå(sv:)

[2.1]

bewirk

• Algemein Gesjreve Limbörgs: begriepe, sjnappe en versjtaon

Albanees: kuptoj(sq:) Frans: comprendre Hindi: जानना(hi:) Ingels: understand(en:), comprehend(en:) Japans: 理解する(ja:)

Nederlandjs: begrijpen(nl:), verstaan, bevatten(nl:) Pruus: verstehen Sjinees: 懂(zh:), 會意(zh:) Spaans: comprender Zweeds: förstå(sv:), uppfatta, fatta

Zelfstenjig naamwaord

Neet-lemma

verstaon ó /və̽r̥'stɒ́:n/

1. (gerundium) gerundium II van verstaon
   

Raod

Deze vorm (gerundium II taenge I) geldj es (neutraal) spraokgebroek sónger negatieve bieklank.

Aafbraeking

• ver-staon

Verbuging

		inkelvaad		mieëvaad
		radikaal	liaison	radikaal	liaison
nom.	sjrif	verstaon		—
	IPA	/və̽r̥'stɒ́:n/		—
dim.	sjrif	—		—
	IPA	—		—
dat.	sjrif	verstaon		—
	IPA	/və̽r̥'stɒ́:n/		—

Wirkwaord

Neet-lemma

verstaon /və̽r̥'stɒ̀:n/

1. (neet-lemma) inkelveljigen ieëste-persoeansvorm (ich) innen hujigen tied van verstaon

Aafbraeking

• ver-staon

Wirkwaord

Neet-lemma

verstaon /və̽r̥'stɒ́:n/

1. (neet-lemma) mieëveljigen ieëste-persoeansvorm (veer) innen hujigen tied van verstaon
2. (neet-lemma) mieëveljigen derdje-persoeansvorm (zie) innen hujigen tied van verstaon
3. (neet-lemma) participium van verstaon

Aafbraeking

• ver-staon