Црква „Св. Никола и Св. Ѓорѓи“ - Орах

Св. Никола и Св. Великомаченик Ѓорѓи или Двојна црква — поствизантиска православна црква во кумановското село Орах, Општина Старо Нагоричане. Му припаѓа на Кумановско-кратовското архијерејско намесништво во Кумановско-осоговската епархија на МПЦ - ОА. Прогласена е за културно наследство на Македонија.^[1]

Царските двери на јужниот кораб, втора половина на XVI век.

Свети Никола и Свети Ѓорѓи
Предната фасада на црквата
македонска православна црква
Епархија	Кумановско-осоговска
Архијерејско намесништво	Кумановско-кратовско
Парохија	Карпинско-жегљанска
Местоположба
Координати	42°10′01″N 21°57′33″E
Место	Орах
Општина	Старо Нагоричане
Држава	Македонија
Општи податоци
Покровител	Свети Никола и Свети Ѓорѓи
Изградба	XV – XVII век
Архитектонски опис
Стил	поствизантиски

Храмот е сместен во маалото Балијци. Претставува уникатна двојна црква посветена на двајца светци со два одделни влеза и две апсиди на исток. Двата кораба се засводени со полукружни сводови. Храмот датира од крајот на XVI или почетокот на XVII век. На северниот ѕид се насликани сцени од страданијата на Христос, а на јужниот се сцени од големите празници. Фреските во северниот кораб се постари, од времето на изградбата на црквата, а во јужниот се од 1873 г. Црквата има висок дрвен иконостас од 1893 г. Вратите на јужниот кораб се од втората половина на XVI век, дело на скопско-призренско ателје^[2][3] и се единствениот зачуван дел од првичниот иконостас. Изработени се од оревово дрво и се хармонично копаничарско дело.^[4]

Поврзано

• Кумановско-осоговска епархија
• Кумановско-кратовско архијерејско намесништво

Наводи

1. Список на заштитени добра. Состојба до 31.12.2012. Скопје: Управа за заштита на културното наследство.
2. „Double church dedicated to St. George and St Nicholas (Св.Ѓорѓија и Св.Никола) in village Suv Orah“. Where is Macedonia. Архивирано од изворникот на 2014-05-07. Посетено на 3 март 2014 г. Проверете ги датумските вредности во: |access-date= (help)
3. Крстиќ, Славица. „ДВОЈНА ЦРКВА ВО СУВ ОРАХ, КУМАНОВСКО (СВ. ЃОРЃИ И СВ. НИКОЛА)“ (PDF). Архивирано од изворникот (PDF) на 2014-04-07. Посетено на 3 април 2014.
4. Машниќ, Мирјана М (2008 - 2009). „Три примероци на царски двери од кратовско-кумановскиот крај. (Уметничка вредност, конзерваторска презентација, постконзерваторски статус)“. Патримониум.мк. 2 (3–4, 5–6): 166. Проверете ги датумските вредности во: |year= (help)

Надворешни врски

• Црква „Св. Никола и Св. Ѓорѓи“ - Орах на Ризницата ^?