Његошев мавзолеј

Његошев мавзолеј се наоѓа во националниот парк Ловќен, на Езерскиот Врв (1.657 m), втор по височина врв на планината Ловќен. Посветен му е на Петар II Петровиќ - Његош. Подигнат е по замисла на хрватскиот вајар Иван Мештровиќ. Од Цетиње до мавзолејот води асфалтен пат во должина од 21 км. До мавзолејот водат скали со 461 скалило,^[1] кои проаѓаат низ тунел пробиен во масивот на Ловќен.

Његошев мавзолеј
Мавзолејот во 2007
Местоположба	Планина Ловќен, Црна Гора
Координати	42°23′57″N 18°49′06″E
Изграден	1974
Изграден за	Петар II Петровиќ - Његош
Архитект	Иван Мештровиќ
Локација на мавзолејот

Фигура на Његош со орел во мавзолејот

Каријатиди на влезот во мавзолејот

Мавзолејот е подигнат на место на кое претходно се наоѓала капела – Његошевата заветна црква која околу 1845 година за време на животот ја подигнал Његош во слава на Свети Петар Цетињски, со желба да биде погребан во неа. Црквата е гранатирана во двете светски војни за да конечно биде срушена во 1974 година, и покрај спротивставувањето на Митрополијата и православните верници, и на нејзиното место е подигнат денешниот мавзолеј.

Његошева скулптура, со орел со раширени крилја над главата

Историја

Стара капела - Његошевата заветна црква

Главна статија: Његошевата заветна црква

Старата капела, Његошевата заветна црква се наоѓала на Езерскиот Врв, на планината Ловќен. Црквата-капела, посветена на Свети Петар Цетињски, ја подигнал по своја замисла Петар II Петровиќ - Његош, во 1845 година, со желба да биде погребан во неа. Поради стравот дека Турците би можеле да го осквернават гробот, Његош сепак бил погребан во Цетињскиот манастир, за да на 27 август 1855 година неговите коски бидат пренесени на Ловќен.^[2][3] Аманетот во неа и да почива го исполнил кнезот Данило, изнесувајќи ги со највидните Црногорци Његошевите посмртни остатоци на Езерскиот Врв. Езерскиот Врв бил мета прво на Турците, а потоа и во текот на Првата светска војна, кога во 1916 година австроунгарската војска ја срамнила капеличката до земја,^[4] бомбардирајќи ја од Бококоторскиот Залив. По војната црквата е обновена и повторно е осветена на 12 септември 1925 година. Капелата е срушена во 1972 година, за да на нејзиното место во 1974 година биде подигнат денешниот Његошев мавзолеј.

• 
  Оригинална Његошевата заветна црква
• 
  Црногорци пред капелата (1914)
• 
  Рушевини нс старата капеле на Ловќен (1924)
• 
  Обновената капела (1930)
• 
  Реплика на Његошевата заветна црква во манастирот Богоштица

Изградба на мавзолејот

• 
  Његошевиот мавзолеј на Езерскиот врв
• 
  Тунел кон Езерскиот Врв
• 
  Видиковец гувно
• 
  Детаљ од предворието

Поврзано

• Народен музеј на Црна Гора