Ацо Видиков

Александар „Ацо" Видиков (15 октомври 1946 во Ваташа — 24 мај 2021 во Кавадарци) — македонски театарски, филмски и телевизиски глумец.

Ацо Видиков - Лавот
Роден(а)	15 октомври 1946 Ваташа, НР Македонија, ФНРЈ
Починал(а)	24 мај 2021(2021-05-24) (возр. 74) Кавадарци, Македонија
Националност	Македонец
Занимање	глумец режисер сценарист
Активен период	1964 - 2015
Познат(а) по	по улогите во: Каца Македонски народни приказни Јуначко колено
Сопружник	Славица Видикова
Роднини	Александар Видиков (внук)

Животопис

Завршил основно образование во Ваташа, а гимназија во Кавадарци. Со актерство се занимава уште како гимназијалец со претставата "Ветки на љубовта", а за улогата на Методија добива специјална пофалница.^[1] Потоа се запишал на правен факултет во Скопје, но судбината си поигрува со него, па наместо правник, останува актер. Имено запишувајќи III семестар на право тој се враќа во Кавадарци на викенд. Во меѓувреме театарот каде што тој беше аматер од 1964 година беше во припрема на нова премиера, која ја режираше тогашниот директор на домот И.Каров. Во претставата зема улога и Видиков, кој по некое време,1972 година, е примен на работа како актер, заедно со неговиот колега и соработник Данчо Бањански. Во неговата богата кариера има одиграно преку 100 премиери, од кои, шеесетина како главна улога. Има снимено неколку серии за МРТВ , Македонски народни приказни и сл.Има одиграно и три монодрами: "Чекајќи го Илко" , "Задоцнета серенада" и "Тутуле Бале" , сите три пишувани од неговата пријателка, писателката Мирјанка Селчанец. Покрај театарот и телевизијата има играно во неколку филмови како: "Крушевска Република", "Од зад грб" , "Републиката во пламен" , "Јуначко колено" и во неговиот првенец ,филмот "КАЦА".

Зад себе има оставено и неколку сценарија за играни филмови и серија Каца (1999), Лудомарини лакрдии (2005), Тиквешко востание (2013) и Женски итроштини (2014). Тој имаше подготвено и две сценарија за играни филмови, кој не успеа да ги излеализира.

Филмот Каца

Тој бил сценарист и главен лик на филмот „Каца“ . Комедија направена кога господ одеше по земјата, 1997 година. Јас како автор на филмот, случајно дојдов до идеја да го напишам ова сценарио. Седев во една кафеана, полудомаќинска, како што викаме на кавадаречки. Кафана во кој можеш да заиграш табла, карти,домино, да се напиеш нешто,да замезиш, итн. Газдата на таа кафана беше и сè уште е, Ќире Белевски. Неговиот татко Дане Белевски беше многу голем шегаџија и знаеше многу приказни. Многу настани од поблиското и подалечното минато на Кавадарци. Меѓу другото ми кажа еден вистинит случај од кавадаречкиот комарџијски живот, за прв пат се случило на комар изгубените пари,да му се вратат на тој што изгубил. Благодарејќи на чичко Дане, за прв пат во кавадарци се снима игран филм, за прв пат на екранот на киното "Балкан" се појавија скоро сите познати глумци како од Кавадарци, така и од цела Македонија,како: Ѓорѓи и Шенка Колозови, Ванчо Петрушевски, Гоце Тодоровски, Дади Ангеловски, Мите Грозданов, Лазар Бараков и се разбира глумците познати на кавадаречката јавност: Диме Коцевски, Данчо Бањански, Милица Гочевска, Васо Ангелов, Александар Малинков и други.

Филмот е режиран од Драган Велјановски, тон мајстор:Виктор Иванов-Чаир, Камерман:Бошко Ацевски, Светло:Иван Потевски-Балто.

Филмографија

Видиков ги остварил филмските улоги:^[2]

Година	Филм	Улога
1982	Едно лето ТВ-серија	Товарачот
1982	Илинден ТВ-серија
1984	Јуначко колено ТВ-серија	Ѓузбашијата
1985	Од зад грб ТВ-филм
1991	Еурека ТВ-серија
1993	Македонски народни приказни ТВ-филм
1997-2000	Македонски народни приказни ТВ-серија
1999	Каца ТВ-филм	Перо
2000	Погрешно време ТВ-серија	Коле
2000-2003	Македонски народни приказни ТВ-серија
2000	Големи и мали ТВ-серија	Сосед
2001	Прашина ТВ-филм	Овчар
2005	Лудомарини лакардии ТВ-серија
2007	Досие-К ТВ-филм
2010	Царската е последна ТВ-филм
2010	Македонски стари приказни ТВ-серија
2011-2013	Македонски народни приказни ТВ-серија
2013	Тиквешко востание ТВ-серија
2013	Тврдокорни ТВ-серија	Селанец
2014	Женски итроштини ТВ-филм