Шенка Колозова

Шенка Колозова (Добрево, Пробиштипско, 1 февруари 1947 ) — македонска глумица, најпозната по улогите во телевизиската серија „Македонски народни приказни“,^[1] заедно со својот сопруг Ѓорѓи Колозов.

Шенка Колозова
Роден(а)	1 февруари 1947(1947-02-01) (78 г.) Добрево, НР Македонија, ФНРЈ
Националност	Македонка
Занимање	глумица
Активен период	1965 — сè уште
Познат(а) по	по улогата во: Македонски народни приказни Простодушна љубов Опстанок Трст виа Скопје Волшебното самарче Каца Во светот на бајките
Сопружник	Ѓорѓи Колозов
Деца	Катерина Колозова Кристина Колозова

Животопис

Колозова е ќерка на Стоица и Катерина Димитрови (подоцна Станојкови). Родена е на 1 февруари 1947 во Добрево, Пробиштипско). Дипломирала на Катедрата за јужнословенска книжевност при Филозофскиот факултет во Скопје. Целиот работен век го поминала како професионална глумица во народните театри во Штип и Куманово, а подоцна и во Македонскиот народен театар од Скопје, каде се пензионирала. Во кариерата одиграла над 100 премиери во трите народни театри, и уште повеќе од 20 премиери со приватниот Театар „Колозов“. Таа има одиграно повеќе од 6 000 претстави во овие три театри, не вклучувајќи ги и гостувањата во велешкиот театар и други театри во Македонија. Најзначајни театарски улоги на Колозова се во претставите „Свирачот на покрив“, „За сите мои синови“, „Електра“ на Еврипид (во улогата на Клитемнестра), „Сè за градината“, „Печалбари“ и други. Покрај глумата, таа е автор на бројни сценарија и драматизации, меѓу кои и Цепенковите народни приказни.^[2]

Таа своите пензионерски денови ги поминува во село Велестово, Охрид.

Театарски претстави

• Жената — Нажалена фамилија од Бранислав Нушиќ, р. Душан Наумовски, Театар Куманово 1967;
• Командантот Сајлер од Борислав Михајловиќ, р. Благоја Андреев, Театар Штип 1967;
• Танго од Славомир Мрожек, р. Георг Трајанов, Театар Штип 1968;
• Вујко Вања од Антон Павлович Чехов, р. Благоја Андреев, Театар Куманово 1968;
• Птици без јато од Душко Роксандиќ, р. Александар Ѓорчев, Театар Куманово 1969;
• Матуранти од Жозе Андре Лакур, р. Драгољиб Димовски, Театар Куманово 1970;
• Ен Дивер — Сите мои синови од Артур Милер, р. Ацо Алексов, Театар Куманово 1971;
• Електра од Софокле, р. Димитар Христов, Театар Куманово 1972;
• Алтернација — Житолуб од Коле Чашуле, р. Владимир Милчин, Македонски народен театар 1981;
• Пасквелија од Живко Чинго, р. Димитар Станковски, Театар Куманово 1981;
• Доримена — Граѓанинот благородник од Жан Батист Молиер, р. Димитар Христов, Македонски народен театар 1982;
• Голде — Свирач на покривот од Џеро Бок, р. Владо Штефанчиќ, Македонски народен театар 1983;
• Фани — Воена тајна од Душан Јовановиќ, р. Душан Наумовски, Македонски народен театар 1984;
• Чана — Рамна земја од Ташко Георгиевски, р. Владимир Милчин, Македонски народен театар 1985;
• Госпава — Мрестење на краповите од Александар Поповиќ, р. Ацо Алексов, Македонски народен театар 1987;
• Петрија — Чорбаџи Теодос од Васил Иљоски, р. Петре Прличко, Македонски народен театар 1987;
• Полина — Галеб од Антон Павлович Чехов, р. Бранко Ставрев, Македонски народен театар 1990;
• Алтернација — Зора на истокот од Гордан Михиќ, р. Ацо Алексов, Македонски народен театар 1991;
• Селанка — Македонска крвава свадба од Војдан Чернодрински, р. Сашо Миленковски, Македонски народен театар 1995;
• Злата — Женско царство од Шенка Колозова, р. Душко Ѓорѓиоски, Театар Колозов 1996;
• Жената — Нема да платиме од Шенка Колозова, р. Драган Велјановски, Театар Колозов 1997;
• Втора жена — Жени во народно собрание од Аристофан, р. Петрос Панамас, Театае Јордан Хаџи Константинов Џинот Велес 2005;
• Кметица — Женско царство од Шенка Колозова, р. Владо Дојчиновски, Театар Колозов 2011;
• Баба — Али Баба и 40-те разбојници од Шенка Колозова, р. Владо Дојчиновски, Театар Колозов 2012;
• Бабата — Сказна за рибарот и златната рипка од Шенка Колозова, р. Владо Дојчиновски, Театар Колозов 2014;
• Благуна — Благуна од Владо Малески, Македонски народен театар 2019.

Филмографија

Година	Филм	Улога
1975	Волшебното самарче ТВ-серија
1975	Простодушна љубов ТВ-филм
1979	Наши години ТВ-серија
1982	Илинден ТВ-серија
1982	Време на летала
1982	Едно лето ТВ-серија
1984	Јуначко колено ТВ-серија
1984	Белото циганче ТВ-серија
1984-1985	Македонски народни приказни ТВ-серија
1984-1985	Легенди и преданија ТВ-серија
1985-1986	Крале Марко јунак стана ТВ-серија
1986-1992	Македонски народни приказни ТВ-серија
1987	Случки од животот ТВ-серија	Тинка
1987	Македонски балади ТВ-серија	Мајката
1987	Чорбаџи Теодос ТВ-филм
1989-1991	Тврдокорни ТВ-серија
1989	Цвеќе на карпата	Секретарка
1989-1993	Еурека ТВ-серија	Фраугиза
1989-1991	Трст виа Скопје ТВ-серија	Мајката на Дино
1990-1991	Опстанок ТВ-серија	Трајанка
1991	Елелига пепелига ТВ-серија
1991	Поштар ТВ-филм
1992	Македонски народни приказни ТВ-серија
1992	Последната Македонска елегија ТВ-филм
1993-1997	Македонски народни приказни ТВ-серија
1994	Прекалени ТВ-серија
1995	Во светот на бајките ТВ-серија
1995	Бус за Дус
1996	Батко Гого нема пари ТВ-филм
1996-2001	Во светот на бајките ТВ-серија
1998-2003	Македонски народни приказни ТВ-серија
1999	Каца ТВ-филм	Жената
2000-2001	Светот има осум страни ТВ-серија
2002	Наше маало ТВ-серија
2006-2009	Македонски народни приказни ТВ-серија
2007	Досие-К ТВ-филм	Тетка Мара
2008	Куќен совет ТВ-серија
2010	Царската е последна ТВ-филм	Царицата
2010-2015	Македонски народни приказни ТВ-серија
2014	Женски итроштини ТВ-филм
2014-2017	Македонски стари приказни ТВ-серија
2015-2016	Големото прогонство во Кавкасија ТВ-серија	Бабата од селото
2017	Ќе дојдат децата ТВ-филм	Велика
2022	Нема да бидеш сама ТВ-филм	Билјана
2023-2025	Македонски стари приказни ТВ-серија

Награди

• Награда за актерско остварување на Фестивалот „Војдан Чернодрински“ за улогата на ликот Ен Дивер во претставата „Сите мои синови“ (1971)
• Награда „Гран при“ (2006)
• Награда „Св. Јоаким Осоговски“ (2012)
• Награда „Почесен граѓанин“ на Општина Пробиштип (2017)
• Награда за животно дело „Васил Иљоски“ на Фестивалот „Денови на комедија“ во Куманово (2020)
• Награда за животно дело за развој и афирмација на независна театарска сцена за Театар „Колозов“ (2021)