Васо Ангелов

Васо Ангелов (р. 1938 во Ваташа — 16 септември 2019 ^[1]) — македонски театарски, филмски и телевизиски глумец.

Васо Ангелов
Роден	1938 Ваташа, СФР Југославија
Починал	16 септември 2019(2019-09-16) (возр. 81) Кавадарци, Македонија
Народност	Македонец
Познат	по улогите во: Наши години Јуначко колено Каца Од зад грб
Занимање	глумец

Последни негови настапи се во „Седумка љубов или смрт“ во режија на Александар Малинков и „Госпоѓа Министерка“ во режија на Душко Наумовски.^[2]

Животопис

Уште како ученик во основното училиште а подоцна и како средошколец се истакнувал со својот талент за глума. Во 1956 година станал член на Драмското студио при КУД "Кочо Рацин" во Скопје. Иако завршил средно трговско училиште, драмската уметност го привлекува повеќе од се друго. Во 1959 година станал член на Аматерскиот театар во Ваташа, а нешто подоцна во Кавадарци. Во 1963 година се вработил во Дом на култура во Кавадарци, најнапред како економ со задача да учествува како актер во драмските дела на Аматерскиот театар. Еден период Ангелов работел како раководител на Аматерскиот театар во Спомен домот 12 скоевци во Ваташа.^[3]

Во својата богата кариера како актер учествувал во повеќе од 100 театарски драмски дела, а играл во повеќе од 500 претстави. Васо Ангелов играл и во неколку телевизиски серии, а како режисер поставил неколку претстави. Како актер освоил прва награда на Републичките драмски смотри во Штип 1962 година. Има добиено диплома за најдобра улога на смотрите во Битола 1968 г., во Кочани 1976 г. , а во 1979 година има освоено награда за најдобра улога на Југословенските смотри за аматери во Ваљево. Во 2010 година Ангелов е добитник на наградата 7 септември на општина Кавадарци.^[3]

Последните негови настапи биле во „Седумка љубов или смрт“ во режија на Александар Малинков и „Госпоѓа Министерка“ во режија на Душко Наумовски.^[4]

Филмографија

Ангелов има остварено бројни филмски улоги:^[5]

Година	Филм	Улога
1969	Републиката во пламен ТВ-филм
1970	А бре, Македонче ТВ-филм
1977	Пресуда ТВ-филм
1977	Малиот одред ТВ-филм
1979	Жена од малтер ТВ-филм	Работник
1979	Наши години ТВ-серија	Железничарот
1979	Курирот на Гоце ТВ-серија
1982	Илинден ТВ-серија	Непокор
1982	Време на летала ТВ-филм
1982	Слана во цутот на бадемите ТВ-филм
1984	Јуначко колено ТВ-серија	Турски чауш
1985	Од зад грб ТВ-филм
1986	Солунски патрдии ТВ-серија	Заптија
1986	Трговецот од Солун ТВ-филм	Кочијашот
1989	Кога меракот пее ТВ-серија	Таткото
1992	Македонски народни приказни ТВ-серија
1993	Бог да ги убие шпионите ТВ-филм
1999	Каца ТВ-филм	Падарот
2003	Митке-Коштан-Гркљан ТВ-филм	Митке
2013	Тиквешко востание ТВ-серија
2014	Женски итроштини ТВ-филм