Биле

Биле (германски: Bille) — мала пловна река и десна притока на Елба во Северна Германија. Нејзиниот извор е близу Линау, северно од шумата Ханхајде. Тече јужно од Тритау, претставувајќи ја границата помеѓу окрузите Штормарн и Лауенбург, продолжува јужно од Рајнбек и се влева во реката Елба, близу Билвердер. Многу градби и паркови се наоѓаат долж нејзините речни брегови. Нејзината вкупна должина е 65 километри, од кои 42 километри поминува низ сојузната покраина Шлезвиг-Холштајн, a останатите низ градот Хамбург.

За други значења на поимот, погл. Биле (појаснување).

Биле

Биле во Саксонската Шума
Место	Шлезвиг-Холштајн и Хамбург, Германија
Должина	65 км
Извор	Кај Линау 53°23′07″N 10°16′31″E
Висина на изворот	65 м над м.н.
Утока	Во Хамбург во Елба 53°19′21″N 10°07′37″E
Висина на утоката	2 м над м.н.
Спуст	63 м
Слив	Елба
Одлив	Елба → Северно Море
Слив	506,4 км² [1]
Истек[1]	Просечен среден:   3,99 м³/с
Десни притоки	Тритауер Миленбах, Корбек, Ладенбек, Глиндер Ау, Шлемер Бах
Леви притоки	Шварце Ау, Брокветерунг
Градови	Хамбург
Помали градови	Рајнбек
Села	Тритау, Аумиле, Волторф, Венторф кај Хамбург
Пловност	5 км од устието до „Ротен Брике“

Биле во Хамбург-Бергедорф

Биле е една од трите реки кои течат низ градот Хамбург, другите две се Елба и Алстер.

Притоки

Во горна Биле има широко сливно подрачје со многу потоци и мали водотеци. Главни притоки се Корбек, која се влева во Биле близу Вицхафе и Шварце Ау кај Аумиле, имајќи големи исушени делови од големата шума Саксонска Шума.

Знаменитости

Биле кај замокот Рајнбек (Милентајх)

• Грандер Миле, древна воденица кај Кудеверде, потекнува од 1303
• Замок Рајнбек, замок од 1572
• Замок Бергедорф, замок изграден од дрво и тули